Друк
31.12.2017 Грамадства
Камітэт па правам чалавека зарэгістраваў скаргу грамадзкага актывіста з Баранавіч
 
“Берасцейскай Вясне” стала вядома, што ў Жэневе ў Камітэце па правам чалавека за № 3060/2017 ад 04.09.2017г. была зарэгістравана скарга актывіста з Баранавіч Юрыя Казакевіча.
 
Праваабаронца з Баранавіч Сяргей Гоўша ўспамінае: “14 снежня 2016 года пастановай суддзі Салагубік Жанны суда Свіслачскага раёна Гродзенскай вобласці баранавіцкі актывіст “Руха за Свабоду” Юрый Казакевіч быў подвергнуты адміністратыўнаму пакаранню штрафам у даход дзяржавы на 10 б.в. (210 руб) па ч.1 арт. 23.34 КаАП РБ “за удзел у несанкцыянаваных масавых мерапрыемствах на тэрыторыі горада Свіслач і в. Якушоўка Свіслачскага района, чым парушыў устаноўлены парадак правядзення масавага мерапрыемства…”.
 
Не пагадзіўшыся з пастановай суда першай інстанцыі, Казакевіч абскардзіў яго ў Гродзенскім абласным судзе. Але 14 лютага 2017 года Гродзенскі абласны суд не знайшоў падставаў для адмены ці змяненняў пастановы суда Свіслачскага раёна і яго скарга была пакінута без задавальнення.
 
Сябры Баранавіцкага аддзялення Праваабарончага Цэнтра “Вясна” дапамаглі актывісту падрыхтаваць і 01.08.2017 года накіраваць скаргу ў Жэневу ў Камітэт па правах чалавека ААН аб парушэнні яго правоў Рэспублікай Беларусь”.
 
“З моманту рэгістрацыі пройдзе яшчэ нямала часу да прыняцця рашэння, але Юрый Казакевіч спадзяецца, што праўда будзе за ім і ён сумее даказаць, што быў пакараны судом незаконна”, - падсумаваў праваабаронца Сяргей Гоўша.
 
 
© 2018 "Берасцейская вясна"