Друк
16.07.2018 Грамадства
Блогера затрымалі і адпусцілі, склаўшы пратакол апытання
 
Народны рэпарцёр Аляксандр Кабанаў быў затрыманы днём 15 ліпеня ля ўваходу на «Брэсцкі рынак», дзе ён збіраў подпісы пад зваротам у Адміністрацыю прэзідэнта за адстаўку чыноўнікаў Брэсцкага рэгіёну.
 
Яго калега Сяргей Пятрухін вёў трансляцыю дзеянняў Кабанава і супрацоўнікаў праваахоўных органаў.
 
А. Кабанаў:
 
«Мы спецыяльна вядзем гэтую трансляцыю. Каб людзі бачылі, што гэта не пікет, не страйк, не выраз нейкага меркавання. Мы проста карыстаемся сваім канстытуцыйным правам калектыўна звяртацца ў Адміністрацыю прэзідэнта».
 
Кіраваў спецаперацыей майор Мікола Вячорка. Выконвалі яго распараджэнні ўчастковыя В. Ігнатоўскі, А. Базылеў і А. Дземянчук
 
Праз 25 хвілін пасля пачатку трансляцыі да яго падышлі супрацоўнікі міліцыі разам з АМАПам і запрасілі праехаць у Ленінскі РАУС для правядзення праверкі. Праз некалькі гадзін Кабанава адпусцілі, склаўшы пратакол апытання.
 
Кабанаў выходзіць с пастарунку
 
На думку затрыманага Аляксандра Кабанава, пастаўлена задача любым спосабам спыніць збор подпісаў супраць чыноўнікаў.
 
Сяргей Пятрухін і Аляксандр Кабанаў каля Ленінскага РАУС
 
Паўлюк Кавалёў
 
© 2018 "Берасцейская вясна"