Друк
23.01.2018 Грамадства
Кандыдаты ад улады падаюць на сайце не ўсю інфармацыю
 
18 лютага выбары ў мясцовыя Саветы. У Бярозаўскім раёне зарэгістраваны кандыдаты ў дэпутаты. Звесткі пра іх з’явіліся на сайце Бярозаўскага райвыканкама.
 
У абсалютнай большасці гэта мясцовы дырэктарат, іх намеснікі ды іншыя кіруючыя асобы. З незалежных кандыдатаў толькі адзін, дзеючы дэпутат Першамайскага сельвыканкама Валер Білібуха і двое ад дэмакратычнага партыйнага блоку Аляксандр Кабанаў і Таццяна Тарасевіч.
 
Звесткі пра месца працы, жыхарства, партыйнасць, судзімасць, нават пагашаную, пададзены, а вось пра даходы ні слова. Інфармацыя пра даходы будзе толькі ва ўлётках, якія размесцяць на выбарчых участках, кажа Валер Білібуха:
 
– Там завоблачныя сумы выскакваюць за 2016 год у гэтых кіраўнікоў, дырэктароў, чыноўнікаў. А вось, каб у „Маяку” напісалі пра даходы ад радавога да чыноўніка – вось гэта было б справядліва.
 
Аляксандр Кабанаў:
 
– Для таго, каб не злаваць людзей. У іх жа заробкі дастаткова высокія на фоне агульнага жабрацтва – гэта будзе раздражняць.
 
Такое сціплае рашэнне пра абнародаванне даходаў кандыдатаў зыходзіла ад Бярозаўскіх раённай і акруговай камісій.
 
https://www.racyja.com/hramadstva/kandydaty-ad-ulady-khavayuts-pamery-zar/
 
© 2021 "Берасцейская вясна"