Друк
23.01.2018 Грамадства
Улады Івацэвіцкага раёна дазволілі ўсталяваць помнік Касцюшку ў Марачоўшчыне
Так будзе выглядаць помнік Тадэвушу Касцюшку
 
Улады Івацэвіцкага райвыканкама далі дазвол на ўсталяванне помніка Тадэвушу Касцюшку ва ўрочышчы Марачоўшчыне каля Косава ў Івацэвіцкім раёне. Адпаведны дакумент атрымаў грамадскі актывіст Глеб Лабадзенка, які выступіў з ініцыятывай ушанавання памяці нацыянальнага героя Беларусі.
 
Збор сродкаў на помнік адбываўся з дапамогай краўдфандынгу. На помнік і пастамент было вырашана сабраць 17,5 тысяч рублёў, аднак дабраахвотнікі пералічылі больш за 22 тысячы рублёў.
 
Лабадзенка распавядаў, што помнік ужо адліты і даводзіцца да ладу, пастамент вырабляецца.
 
У Беларусі памяць Тадэвуша Касцюшкі ўшанаваная таксама бюстам на тэрыторыі амерыканскай амбасады ў Мінску і бюстам у вёсцы Малыя Сяхновічы Жабінкаўскага раёна, дзе была сядзіба Касцюшкаў. Таксама ёсць памятны валун у самой Марачоўшчыне.
 
Тадэвуш Касцюшка з'яўляецца таксама нацыянальным героем Польшчы, ЗША і Францыі.
 
https://euroradio.fm/ulady-ivacevickaga-rayona-dazvolili-ustalyavac-pomnik-kascyushku-u-marachoushchyne
 
© 2018 "Берасцейская вясна"