Друк
29.01.2018 Грамадства
Я сябра незалежнага прафсаюза і ганаруся гэтым
 
Па берасцейшчыне коціцца хваля допытаў членаў незалежнага прафсаюза “РЭП”. Выклікі ў міліцыю тычацца крымінальнай справы супраць старшыні прафсаюза Генадзя Федыніча і бухалтара прафсаюза Ігара Комліка.
 
Cпадар Сяргей Гоўша з Баранавічаў зноў пабываў у следчым камітэце. У мінулы раз, 26 студзеня, Сяргей быў у следчага Ігара Саланевіча, І запатрабаваў, каб пытанні па справе, а таксама дакументы былі на беларускай мове. У гэты раз, 29 студзеня, патрабаванне было выканана, пытанні былі перакладзены, і допыт вёўся на беларускай мове.
 
Пытанні тычыліся незалежнага прафсаюза, крымінальнай справы супраць Федыніча і Комліка. Абыдвы знаходзяцца пад падпіскай “аб нявыездзе”.
 
"Усе ідзе да таго, каб закрыць незалежны прафсаюз, - лічыць Сяргей Гоўша, - гэтай уладзе незалежны прафсаюз у вочы лезе, перашкаджае ".
 
"Я Быў удзельнікам стварэння баранавічскай суполкі прафсаюза, І далей удзелу ў справах прафсаюза не прымаў, але падтрымліваў, у тым ліку маральна. Я лічу што прафсаюз павінен працаваць і быць незалежным. Залежны прафсаюз, той які быў савецкім, ён і застаўся савецкім, гэтя не прафсаюз, гэтя пародыя на прафсаюз, таму што ён падтрымлівае ўладу, а сапраўдны прафсаюз павінен рабочых падтрымліваць і дапамагаць ім. Калі б улада была зацікаўлена ў дзейнасці незалежнага прафсаюза, дык яна б дапамагала яму, але ж яна не дапамагае, толькі замінае. З інтэрнэта вядома, як да сабраў гэтага прафсаюза адносяцца, многіх выганялі з прадпрыемстваў, з заводаў, за ўдзел у дзейнасці прафсаюза. Гэты пераслед ў Беларусі адчуваецца. Яго бачна, а павінна наадварот быць. Прафсаюз павінен удзельнічаць у складанні калектыўных дамоваў, усе яму павінны спрыяць", - распавёў спадар Гоўша для Берасцейскай Вясны.
 
 
© 2018 "Берасцейская вясна"