Пошук
Нашы Блогі
Наста Ільіна, журналістка, якая займаецца праваабарончай тэматыкай

• Хто вс***я? -Невiстка.
Уладзімір Вялічкін

Шарыкавы ва ўладзе
Сяргей Пятрухін, народны рэпарцёр

Блогеры паспяхова абскардзілі пінскі інцыдэнт
Зміцер Гарбуноў, судовы манітор

460 рублёў - дробязь для пенсіянера
Памятныя даты
Нашы Выданні
Архіў навінаў
Архіў навінаў
Каляндар
Ліпень
ПнАўСрЧцПтСбНдз
      1
2345678
9101112131415
16171819202122
23242526272829
3031     
Нашы навіны
Архіў навін
11.10.2007
У судзе Ленінскага раёна г. Брэста судзілі затрыманых напярэдадні Ю. Бакура і  І. Абрамаву
11.10.2007 У судзе Ленінскага раёна г. Брэста судзілі затрыманых напярэдадні Ю. Бакура і  І. Абрамаву   Нагадаем, што Бакур Юрый і Абрамава Інга былі затрыманыя 10.10.2007, а 19.50, на пр. Машэрава побач з СШ №13, што ў Берасьці, калі супрацоўнік міліцыі ў цывільным, які прадставіўся як Пышкін Андрэй Пятровіч, убачыў, як Бакур Юрый павязаў блакітную стужку і выклікаў патрульны аўтамабіль. Ноч да суду затрыманыя правялі ў ізалятары часовага ўтрымання. Суд адбыўся пад старшынствам суддзі Беразюка С. А. З паказанняў Бакура Ю. Мы з Інгай 11.10. у вечары гулялі па праспекце Машэрава, і каля дома №66 я прывязаў на вадасточнай трубе стужку блакітнага колеру. Неўзабаве да нас падыйшоў мушчына ў цывільным. Ен сказаў "Міліцыя. Стаяць. Я зараз выклікаю нарад." На прапанову прадставіцца ён ніяк не адрэагаваў. Мы пазванілі маці Інгі, якая разам з яе сястрой былі недалёка бо хадзілі на закупы. Нарад міліцыі на аўтамабілі і Інгіна маці з сястрой з'явіліся амаль адначасова праз 5-7 хвілінаў. Потым яшчэ падыйшоў пешы патруль. Нам прапанавалі сесці ў машыну. Ў гэты момант, паводле сведчанняў Пышкіна (які з'яўляецца старшым лейтэнантам міліцыі і працуе ў абласной управе ўнутраных справаў старшым інспектарам па рэжыму сакрэтнасці), і Размыслова Яўгена Іванавіча (камандзіра узвода ППСМ) і міліцыянта-вадзіцеля Гайко Мікалая Сяргеевіча мы з Інгай брыдка лаяліся. На самой справе а ні я, а ні Інга брыдкіх словаў не ужываем увогуле. Потым прыязджала аператыўна-следчая група, нас завезлі ў Ленінскі РАУС, дзе склалі пратаколы. Я запатрабаваў дапамогу адваката, у чым мне было адмоўлена. Са складзеным пратаколам аб адміністратыўным правапарушэнні мяне не азнаёмілі, толькі паведамілі, што я затрыманы за дробнае хуліганства і буду утрымлівацца да суду пад вартай. З паказанняў сведкі Абрамавай І. В. (маці Абрамавай Інгі). Недзе а 20 гадзіне да мяне пагэлефанавала Інга і сказала, што на вуліцы яе з Юркам Бакурам затрымаў невядомы чалавек, які назваўся міліцыянтам і выклікаў патруль. Я з другой дачкой падыйшла да таго месца. Амаль разам са мной прыехаў міліцэйскі патруль на машыне. Усе делейшыя падзеі адбываліся на маіх вачах. Міліцыянты нешта абмяркоўвалі паміж сабой, да затрыманых яны увогуле не звярталіся. Падыходзіў пешы патруль, прыяжджалі яшчэ нейкія міліцыянты. Потым маёй дачцэ і Юрку Бакуру прапанавалі сесці ў машыну. Матам яны не лаяліся. Увогуле, я так выхоўваю сваіх дзяцей што яны ніколі брыдкіх слоў не ўжываюць. Потым павезлі затрыманых у Ленінскі РАУС. Там мне сказалі, што з імі правядуць прафілактычную размову і адпусцяц і, што мая дачка паўнагадовая, таму ў маёй прысутнасці патрэбы няма і прапанавалі мне ісці дадому. Але на працягу некалькіх гадзінаў Інгу не выпускалі і, урэшце, мне паведамілі, што яна затрыманая за дробнае хуліганства і да суду бадзе утрымлівацца пад вартай. З паказанняў сведкі Пышкіна А. (старшага лейтэнанта міліцыі, старшага інспектара па рэжыму сакрэтнасці Берасцейскай УУС) Калі затрыманым прапанавалі сесці ў машыну яны пачалі  гаварыць: "Зачем нам это надо? Это 37 год. Політіческіе..." "обільно перемежая речь нецензурной бранью".   Суд пакараў Інгу Абрамаву адміністратыўным арыштам тэрмінам у 5 сутак, а Юрку Бакура - 10 сутак. Пры гэтым суд не ўзяў пад увагу тыя працэсуальныя парушэнні, якіх было шмат пры затрыманні і асабістым доглядзе. Судзя адхіліў іх на той падставе, што судом разглядаецца справа аб канкрэтным адміністратыўным правапарушэнні, а не аб дзеяннях міліцыянтаў.   Берасцейскія праваабаронцы лічаць, што судовы пераслед моладзевых актывістаў мае мэтай прадухіліць іхні удзел у маючаым адбыцца "Еурапейскім Маршам" .
10.10.2007
Берасце. Пакараны дванаццаты ўдзельнік сустрэчы з Паўлам Севярынца
10.10.2007 Берасце. Пакараны дванаццаты ўдзельнік сустрэчы з Паўлам Севярынцам 10 кастрычніка судом Маскоўскага раёна г. Брэста пад старшынствам суддзі Смірновай В. К. быў пакараны штрафам ў 20 базавых велічынь (620000 рублёў) Ярмак Анатоль, сябра партыі БНФ, нібыта за ўдзел у несанкцыяванам сходзе, а, на смой справе, у сустрэчы з Паўлам Севярынцам. Нагадаем, што гэта сустрэча адбывалася ў памяшканні, якое арэндуе партыя БНФ у Берасці 19 жніўня пасля партыйна сходу. На ёй Павел Севярынец прадстаўляў сваю новую кнігу "Лісты з лесу" і за удзел у гэтай сустрэчы ужо панеслі розныя пакаранні 12 чалавек, у тым ліку і сам аўтар на 15 сутак арышту. Анатоль Ярмак сцвярджаў у судзе, што ён прыйшоў менавіта на партыйны сход. Сведкі з боку міліцыі, якія праводзілі затрыманне, тлумачылі што гэта было несанкцыянаванае мерапрыемства, спасылаючыся на інфармацыю дэжурнага па райаддзеле, і ніхто са службовых асобаў не стаў высвятляць што там адбываецца. А замест таго, міліцыянты гватоўна ўварваліся ў памяшканне і затрымалі 30 асобаў.
10.10.2007
Берасце. За стужку ў кутузку
10.10.2007 Берасце. За стужку ў кутузку Бакур Юрый і Абрамава Інга былі затрыманыя 10.10.2007, а 19.50, на пр. Машэрава побач з СШ №13, што ў Берасьці. Руплівы супрацоўнік міліцыі ў цывільным, які прадставіўся як Пышкін Андрэй, убачыў, як Бакур Юрый павязаў блакітную стужку і выклікаў патрульны аўтамабіль. Затрыманых даставілі ў Ленінскі РАЎС г. Брэста. Падчас дагляду асабістых рэчаў у Юркі Бакура былі знойдзены блакітныя стужкі і налепкі-запрашэньні да маршу 14 кастрычніка. Ноч да суду затрыманыя правялі ў ІЧУ. Абодвум вмяняецца "дробнае хуліганства".
28.09.2007
Берасце. Аштрафавана яшчэ адна удзельніца сустрэчы з Паўлам Севярынцам
style='text-justify-trim:punctuation; background-attachment:fixed'> 2007.09.28   Берасце. Аштрафавана яшчэ адна удзельніца сустэчы з Паўлам Севярынцам Сёння ў судзе Маскоўскага раёна г. Брэста скончылася слуханне па адміністратыўнай справе Кацярыны Бельскай, якая была затрымана ў час сустрэчы з Паўлам Севярынцам. Як і у іншых выпадках, суддзя Смірнова В. К. не ўзяла пад увагу відавочныя доказы яе нявінаватасці, не улічыла той факт, што закон не патрабуе ад грамадзяніна браць дазвол ад ўлады на ўдзел у сходзе, альбо неяк высвятляць законнасць яго правядзення і, улічваючы што Кацярына ужо мела на працягу года адміністратыўнае правапарушэнне, пакарала яе штрафам у 20 баз
27.09.2007
Берасце. Затрыманых выпусцілі на волю да суду
style='text-justify-trim:punctuation'> 2007.09.27   Берасце. Затрыманых выпусцілі на волю да суду На фота Аказанне медычнай дапамогі В. Сымоніку праходзіць пад пільным наглядам падпалкоўніка Сцяпанава У судзе Маскоўскага раёна г. Брэста адбылося папярэдняе слуханне справы затрыманых учора Паліны Панасюк і Віталя Сымоніка. Затрыманых даставілі ў суд а палове адзінаццатай і ім прыйшлося амаль дзве гадзіны чакаць адваката. У калідоры суду Віталю зрабілася дрэнна, бо перад гэтым 26.09.2007 ён каля 7 гадзін утрымліваўся ў міліцэйскім самаходзе, у ізалятары часовага ўтрымання ён не атрымліваў харчавання і правёў ноч у халоднай камеры. Прысутныя ў судзе праваабаронцы выклікалі яму хуткую дапамогу. А ні суд Маскоўскага раёна, а ні міліцыянты Маскоўскага РАУС на чале з вядомым падпалкоўнікам міліцыі Сцяпанавым не праявілі гуманізму і не спрыялі аказанню дапамогі затрыманаму. Нават ін'екцыю фельчар рабіў у калідоры суду. Суддзя Сянько Р. А. вынесла рашэнне перадаць справы ў суд Ленінскага раёна г. Брэста і выпусціць затрыманых з пад варты да суду. Яны прыцягваюцца да адказнасці па артыкулах 17.1 (дробнае хуліганства) і 23.4 (непадпарадкаванне патрабаванням супрацоўнікаў міліцыі) КаАП за спробу перадаць затрыманым учора Андрэю Шарэнду, Раману Кісляку напоі і чакалядкі "Сн
27.09.2007
Аб падзеях 26-27 верасня з першых вуснаў
style='text-justify-trim:punctuation'> 2007.09.27   Аб падзеях 26-27 верасня з першых вуснаў Аб тым што здарылася каля будынку суду ў Берасці распавядае ўдзельнік тых падзеяў і ахвяра міліцэйскага пераследу Віталь Сымонік.   Прыкладна каля 15 гадзіны 26.09.2007 мне патэлефанаваў Раман Кісляк і папрасіў каб я набыў што-небудзь перакусіць таму што яны увогуле з Андрэем Шарэндам нічога сёння не елі. Я па-хуткаму набыў два "Снікерса" і адну "колу". Раман паведаміў што яны з Андрэем стаяць на заднім дворыку будынка суду. Калі я выходзіў у гэты задні дворык, то  не заўважыў ніякіх надпісаў пра тое што туды ўваход забаронены (а, насамрэч, там іх і не было). Я спакойна падышоў да Рамана з Андрэем, у гэты час каля іх стаяў супрацоўнік міліцыі у цывільным. Я запытаўся ці можна перадаць ежу, ён нічога супраць не меў. У момант перадачы выйшла Паліна Панасюк і сфатаграфавала нас. Праз некалькі секунд падпалкоўнік міліцыі Сцяпанаў пачаў крычаць:"Што вы тут робіце! Здесь режімная зона!" І пачаў адбіраць у Паліны фотаапарат. Паліна не аддавала, казала:"На якой падставе?" Тады Сцяпанаў закрычаў каб мы пакінулі тэрыторыю дворыка, я кажу Паліне:"Давай пайдзем, а то гэты вар'ят Сцяпанаў увогуле хворы чалавек." Мы сабраліся зыходзіць і тут  Сцяпанаў закрычаў, што мы затрыманыя за  знаходжанне ў рэжымнай зоне. Мы абураныя такімі заявамі, пачалі выказваць сваю нязгоду. Сцяпанаў не даваў нам пакінуць дворык, расстаўляў рукі, крычаў, пагражаў. Потым ён загадаў, каб нас пасадзілі ў міліцэйскую машыну, а ў Паліны адабралі фотаапарат. Паліна не аддавала фотаапарат, легла на зямлю, Сцяпанаў з астатнімі міліцыянтамі пачалі ужываць розныя прыёмы каб запхнуць Паліну ў "бобік". Сцяпанаў увогуле пачаў біць Паліну. Я з Андрэем падскочылі да Паліны каб бараніць яе. Андрэя, міліцыянт Тарасевіч  паваліў на зямлю. Ад мяне патрабавалі каб я сеў у машыну, я адказаў што з задавальненнем, але каб толькі не білі дзяўчыну. Я сеў на задняе мейсца каля мяне сеў міліцыянт, і запатрабаваў каб я выключыў мабільны тэлефон, я сказаў што хачу патэлефанаваць свайму адвакату, а ён пагразіў што увогуле адбярэ мабільны тэлефон,  я выключыў. У гэты час міліцыянты запіхвалі Паліну ў "адстойнік" у машыне УАЗ. Я не бачыў што там рабілася, але крычаў міліцыянтам, каб яны не білі дзяўчыну. Адтуль чуліся толькі маты з боку міліцыянтаў. Потым калі Паліну пасадзілі, Сцяпанаў пачаў лаяцца матам і пагражаць крымінальнай справай, я папрасіў каб мне растлумачылі за што мяне затрымалі ў адказ пачуў матную лаянку і пагрозы. Так затрымалі нас прыкладна каля 15.30 Потым прыкладна праз паўтары гадзіны нас перасадзілі з Палінай у іншы УАЗ на задняе сядзенне, то бок прыкладна а 17.00. А 18.00. нас павезлі ў Маскоўскі РАУС каб скласці пратаколы, але пратаколы былі складзены толькі а 22.45 гадзіне, гэта значыць, агулам 7 гадзін мы правялі ў машыне не еўшы нічога і нікуды не выходзіўшы. Пад час складання пратаколаў з боку міліцыянтаў гучалі пагрозы. Уся працэдура скончылася толькі а 2 гадзіне ночы. Прыкладна ў 2.30 нас даставілі ў ізалятар часовага ўтрымання. Стан майго здароўя вельмі пагоршыўся - галаўны, вушны боль, увесь час непрыемныя сардэчныя болі. Я папрасіў каб мне хаця б далі анальгіну, і мне не адмовілі. Завялі у камеру, нары былі голыя, заснуць было вельмі цяжка, да раніцы я падрамаў каля адной гадзіны. Ранкам каля 8.00. мяне паднялі запыталіся састаў прысутных. Гэта было ужо другая змена супрацоўнікаў ІЧУ, я папрасіў каб мне аказалі медычную дапамогу, на што супрацоўнік ізалятару часовага ўтрымання адказаў: "Ну што там у цябе, давай я гляну." Я адказаў, што ён не спецыяліст, адказаўшы мне:"Як хочаш" ён зыйшоў з камеры. А 9.30. мяне вывялі з камеры аддалі рэчы і пасадзілі у бус не на заднія сядзенне а ў адстойнік у якім не было дзе сесці і за што трымацца, гэта значыць, любое рэзкае тармажэнне і можна было б паляцець у любы бок і ўдарыцца аб сценку, а там вынікі маглі б аказацца жаласныя. А 10.30. мы прыехалі ў суд мне ў гэты час увогуле стала дрэнна. Зайшоўшы ў кабінет да суддзі мы запатрабавалі адваката яна сказала выйсці і напісаць заяву, каб справу без адваката не разглядалі. Я папрасіў сваіх сяброў, каб мне вызвалі хуткую дапамогу. Хуткая прыехала агледзела мяне, фельчар, які аглядаў даў мне ўкол. Праз хвілін 20 з'явіўся наш адвакат, а праз хвілін 15 суддзя нас прыняла і накіравала нашу справу ў суд Ленінскага раёна, пры гэтым вызваліўшы нас з-пад варты. Пасля я пайшоў да дому прыняў душ і лёг спаць, сп
27.09.2007
Вынесена рашэнне па адміністратыўнай справе чарговага ўдзельніка сустрэчы з Паўлам Севярынцам
style='text-justify-trim:punctuation'> 2007.09.27   Вынесена рашэнне па адміністратыўнай справе чарговага ўдзельніка сустрэчы з Паўлам Севярынцам У судзе Маскоўскага раёна г. Брэста вынесена рашэнне па адміністратыўнай справе Р. Кісляка, затрыманага ў час сустрэчы з Паўлам Севярынцам 19.08.2007. Суддзя Смірнова В. К. пакарала яго штрафам у 2 базавых велічыні (62000 рублёў). Як і ў іншых аналагічных выпадках судом не былі ўлічаны тыя акалічнасці, што закон не патрабуе ад грамадзяніна браць дазвол ад ўлады на ўдзел у сходзе, альбо неяк высвятляць законнасць яго правядзення. Пры гэтым супярэчныя сведчанні міліцыянтаў судом не падвяргаліся сумневу.
27.09.2007
Здзекі над затрыманымі ў берасцейскім ІЧУ
style='text-justify-trim:punctuation'> 2007.09.27   Здекі над затрыманымі ў берасцейскім ІЧУ У берасцейскім ізалятары часовага ўтрымання, што на вул. Багданчука, супрацоўнікі здзекваюцца над затрыманымі. Вось што паведаміла затрыманая ўчора на тэрыторыі суду Маскоўскага раёна Паліна Панасюк. "У ноч з 26.09.2007 на 27.09.2007 я была дастаўленая ў ізалятар часовага ўтрымання Маскоўскага РАЎС. На мяне быў складзены адміністрацыйны пратакол. Раніцай 27.09.2007 прыкладна ў 9.10 - 9.20 я была па-хамску і груба разбуджана невядомай мне службовай асобай ізалятара часовага ўтрымання. Гэта выказалася ў наступным: я прачнулася ад таго, што хтосьці грубіянска сцягваў мяне за нагу, тузаў з памоста, на якім я спала. Пры гэтым гучна крычаў: "Встать!", калі я спытала, хто ён такі і чаму ён на мяне крычыць і тузае за нагу, то супрацоўнік ІЧУ працягваў крычаць: " Встать!" Нагоду, па якой я павінна ўстаць, ён не назваў. На просьбу прадставіцца заявіў - "начальнік адміністрацыі", на просьбу назваць прозвішча - пачаткаў выдумляць сабе прозвішча " Пупкин ", "Кишкин", а ў канцы заявіў: "Щас! Будешь у меня голая спать на нарах!" Пасля гэтага ён пакінуў камеру. У 9.30 іншы міліцыянт вывяў мяне з камеры. У прыёмнай ІЧУ, дзе мне аддалі асабістыя рэчы, я зноў бачыла гэтую службовую асобу. Ён афармляў выдачу асабістых рэчаў. У момант, калі я зашнуроўвала красоўкі. ён падскочыў да мяне з крыкам: " Не ставь тут свои вонючие носки!" і зноў стаў тузаць мяне за нагу. Падчас гэтага я пачула моцны пах алка
26.09.2007
Берасце. Кампанія пераследу актывістаў руху "За свабоду" доўжыцца
style='text-justify-trim:punctuation'> 2007.09.26   Берасце. Кампанія пераследу актывістаў руху "За свабоду" доўжыцца У 8.30 у сваёй кватэры міліцыянтамі быў затрыманы Андрэй Шарэнда, актывіст руху "За свабоду". Спачатку ён быў дастаўлены ў гарадскі аддзел міліцыі ў Паўднёвым гарадку, пазней ён быў перавезены ў пастарунак Маскоўскага РАУС. Да суду ён утрымліваецца пад вартай. Суд над А. Шарэндам прызнчаны на 12 гадзіну. Міліцыянты даставілі ў суд затрыманага ў 12.30. У калідоры суду Маскоўскага раёну г Берасця да прысутнага там Рамана Кісляка , які раней так сама прыцягваўся да суду ў адміністратыўнай справе аб несанкцыянаваным мерапрыемстве - сустрэчы з Паўлам Севярынцам, падышоў капітан Тарасевіч А. У., прад'явіў нейкую паперу і абвясціў, што ён затрыманы, будзе дастаўлены ў Маскоўскі РАУС, і будзе да суду утрымлівацца пад вартай. Пасля чаго абодвух затрыманых міліцыянты з суду вывялі. Неўзабаве сакратарка суду абвясціла што справа абодвух затрыманых будзе разглядацца ў 15 гадзін. А 15 гадзіне, калі сабраліся грамадзяне, каб папрысутнічаць на працэсах, Затрыманыя ўсё яшчэ утрымліваліся ў міліцэйскім самаходзе. У 15.30 за спробу перадаць затрыманым напоі і чакалядкі "Снікерс" былі затрыманыя Паліна Панасюк і Віталь Сымонік. Затрыманнем кіраваў, вядомы сваім жорсткім стаўленнем да іншадумцаў падпалкоўнік міліцыі Сцяпанаў А. Пазней адбыўся суд пад старшынствам суддзі Смірновай В. К., якая пастанавіла падвергнуць А. Шарэнду на 15 сутак адміністратыўнага арышту. Суд скончыўся амаль а 18 гадзіне. Тым не меней суддзя Смірнова вырашыла разгледзець і справу Рамана Кісляка. Недзе а 21 гадзіне судзя скончыла слуханне па справе і абвясціла перапынак да 9 гадзінаў наступнага дня, калі яна абвесціць пастанову па справе. Пры гэтым яна пастанавіла адпусціць Рамана Кісляка з пад варты. Увесь гэты час затрыманыя Паліна Панасюк і Віталь Сымонік знаходзіліся ў міліцэйскім самаходзе без пітва, ежы, у скурчаным стане, збітыя міліцыянтамі. Утрымліваліся яны па асабістым загадзе падпалкоўніка Сцяпанава, які быў сведкам на працэсах Шарэнды і Кісляка, і зыходзячы загадаў утрымліваць іх "до моего особого распоряженія". Нарэшце, па сканчэнні судовых працэсаў, Паліну Панасюк і Віталя Сымоніка даставілі ў пастарунак Маскоўскага РАУС, дзе а 22.30 на іх склалі пратаколы і адвезлі у ізалятар часовага затрымання. Увесь час затрыманыя Андрэй Шарэнда, Раман Кісляк, Паліна Панасюк і Віталь Сымонік атрымлівалі маральную падтрымку ад праваабаронцаў, грамад
25.09.2007
Працяг судовых працэсаў над удзельнікамі сустрэчы з Паўлам Севярынцам
style='text-justify-trim:punctuation'> 2007.09.25   Працяг судовых працэсаў над удзельнікамі сустрэчы з Паўлам Севярынцам У  судзе Маскоускага раёна г. Берасця завершыўся судовы працэс па адміністратыунай справе журналісткі  Насты Мялешкі, затрыманай падчас сустрэчы з Паўлам Севярынцам. Суд вынес ёй папярэджанне. Суд не узяў пад увагу тое, што Наста з'яўляецца пазаштатным карэспандэнтам газеты "Брэсцкі кур'ер", што ёсьць рэдакцыйнае заданьне, апублікаваны артыкул аб сустрэчы з Паўлам Севярынцам. Факт таго, што Наста зьяўляецца студэнткай ЕГУ, быў расцэнены судом, як "не працуе", няма запісу ў працоўнай кніжцы - не журналіст...  У судзе сведкі з боку міліцыі ўвесь час блыталіся ў сьведчаньнях, копія пратаколу затрымання не адпавядала арыгіналу, але гэта ніяк не адбілася на выніку судовага працэсу. Суд прызнаў Насту вінаватай ў парушэньні ч.1 арт 23.34 КаАП - "сваёй прысутнасьцю забясьпечыла правядзеньне несанкцыянаванага сходу..." і пакараў журналістку "папярэджаньнем". Наста Мялешка мае намер абскардзіць рашэнне суду Маскоускага раён
24.09.2007
Берасце. Шматлюдны мітынг адбыўся на стадыёне "Лакаматыў" з нагоды ўшчамлення правоў прадпрымальнікаў
style='text-justify-trim:punctuation'> 2007.09.24   Берасце. Шматлюдны мітынг адбыўся на стадыёне "Лакаматыў" з нагоды ўшчамлення правоў прадпрымальнікаў У Берасці на стадыёне "Лакаматыў", што размешчаны ў маланаселеным раёне, адбыўся дазволены уладай мітынг з нагоды ўшчамлення правоў прадпрымальнікаў. Прысутнічала каля 200 асобаў, сябраў прадпрымальніцкага прафсаюзу, незалежнага прафсаюзу радыёэлектроннай прамысловасці, праваабаронцаў, партыйных актывістаў і іншых зацікаўлкных асобаў. Як звычайна, мітынгоўцы былі пад пільным наглядам міліцыянтаў, але абышлося без эксцэсаў і сутычак. Мітынг прыняў рэзалюцыю - зварот да прэзідэнта А. Г. Лукашэнка, ў якой канстатуе пагаршэнне умоваў працы прадпрымальнікаў пасля прыняцця прэзідэнтскага указу №760, звязанае з павелічэннем бюракратычнага ціску на малы бізнес, патрабуе арганізаваць сустрэчу з прэзідэнтам і адмяніць шэраг змен у вышэй згаданым указе. На мітынгу прысутнічалі прадстаўнікі вядучых палітычных партый, грамадзкіх арганізацый, праваабаронцы і грамадзкія дзеячы, Некаторыя выказалі свае ўражаньні ад мітынгу, напрыклад: - Зінаіда Міхнюк (старшыня рэгіянальнай берасцейскай філіі прафсаюзу РЭП):"Я прыйшла на мітынг каб пабачыць тых членаў свайго прафсаюзу, што працуюць на прадпрымальнікаў, іх не было, а гэта ж высокакваліфікаваныя кадры, якіх лёс прымусіў кінуць завод і пайсьці "з торбамі" на рынак". Я думала мне дадуць слова, але не было да каго прамаўляць і арганізатары не давалі слова "спажыўцам", якія прыйшлі іх падтрымаць. - Сяргей Вакуленка (актывіст руху "За свабоду"):"Арганізатары мітынгу падзякавалі гарвыканкаму за дазвол правесьці мітынг - як можна дзякаваць за тое, што табе дазволілі сабрацца на зачыненай тэрыторыі, здалёку ад людскіх вачэй. Уразіла пагардлівае стаўленьне Анактоля Шумчанкі да наёмных работнікаў. Ён сказаў: "Мы зьбіраем студэнтаў і пенсіянэраў і даём ім працу..."  - Мы не сьмецьне, нас збіраць ня трэба. Арганізатары просяць уладу моцна не заціскаць прадпрымальнікаў, а тых нядбайных, што распрацоўваюць законы, звольніць, "А мы ў сваю чаргу Яго падтрымаем"... Прысутныя наракалі на кепскую арганізацыю, маляў, мала хто ведаў аб месцыі часе правядзеньня мітынгу. - Уладзімір Вялічкін (правабаронца): "Жалоснае відовішча... Адзін з прамоўцаў сказаў: "Ня трэба нас умешваць у палітыку..." Пэўна ўбачыў актывістаў апазыцыі і напалохаўся. Я таксама думаў, што мне як праваабаронцу дадуць слова, але зразумеў, што гэта мітынг "для сваіх", каб "стравіць пару" ў асяроддзі прадпрымальнікаў, шмат просьбаў і ніякіх патрабаваньняў, маўляў: "Мы плоцім вялікія падаткі, пашкадуйце нас..." Ніхто іх не пашкадуе і надалей будуць душыць. Прысутныя былі разачараваныя, некаторыя казалі, трэба слова даваць не гэтым (на тыбуне), а спадару Калашнікаву..." Васіль Ваўранюк (выпадковы мінак): "Спасібо горісполкому..." - "Загн
21.09.2007
Мне пагражалі, што згублю працу…
2007-09-21 Мне пагражалі, што згублю працу… 21.09.2007 у судзе Маскоўскага раёну г. Брэста разглядалася справа па адміністратыўным пратаколе складзеным міліцыянтамі на Васіля Ваўранюка за парушэньне ч.1 арт.23.34 КаАП. Ён разам з іншымі ўдзельнікамі прэзентацыі кнігі Паўла Севярынца "Лісты з лесу" быў затрыманы 19 жніўня. У судзе Васіль Ваўранюк пісьмова выказаў недавер суду, запатрабаваў прыцягнуць да адказнасьці асоб, якія выдалі яму на рукі копію пратаколу, што не адпавядае арыгіналу. Гэтыя хадайніцтвы былі адхіленыя судом. Ён таксама катэгарычна адмовіўся ад факту ягонага ўдзелу ў несанкцыянаваным сходзе: "Я прыйшоў на прэзентацыю кнігі, на сустрэчу з пісьменьнкам Севярынцам" Васіль таксама адмовіўся ад тлумачэньняў прадстаўленых міліцыяў суду, маўляў, "Мне пагражаў к-н Тарасевіч, цікавіўся маімі дзецьмі, згадваў пра праблемы ў працы… Мяне ўжо звальнялі з працы за погляды, я ведаю, што такое жыць ня маючы сродкаў існаваньня. Я хацеў хутчэй зыйсьці, таму і падпісаў… А тлумачэньні пісаў інспектар Лук са словаў Тарасевіча, а не маіх". Довады прыцягваемага да адказнасьці суд адхіліў і прыняў рашэньне пакараць Васіля Ваўранюка штрафам у 2 базавых адзінкі (62.000 рублёў). Правабаронца Уладзімір Вялічкін лічыць: "Штраф у 2 базавых адзінкі – гэта ўжо тарыф для ўдзельнікаў прэзэнтацыі… Мяне больш зацікавіла тое, што падчас допыту сьведкаў сьведка к-н Тарасевіч упершыню вызнаў: "…Адно з пытаньняў, якія ўздымаліся на сходзе – сьвяткаваньні 16 чысла, Дня Салідарнасьці, я гэта казаў вусна. У нас ёсьць запіс…" Я зараз разумею, што фантазіі аб несанкцыянаваных мерапрыемствах ствараюцца ў нетрах МУС падчас планёрак, а потым міліцыя намагаецца надаць ім рысы рэчаіснасьці, і за які-заўгодна кошт апраўдаць свае неправамоцныя дзеяньні. Сітуацыя з пагрозай, якая зыходзіць ад апазыцыі, мяркую, ствараецца міліцыяй штучна, каб апраўдаць сваё неблагое фінансаваньне. Людзі ў гэтай гульні – разьменная манэта."
21.09.2007
"Лепш бы ты піў ды наркотыкі нюхаў!!!"
2007-09-20 "Лепш бы ты піў ды наркотыкі нюхаў!!!" 19 верасьня непаўнагадовага вучня школы №8, 11"В" класа Кісяля Зьмітра разам з бацькам выклікаў на прафілактычную размову дырэктар школы Сергіевіч Іван Фёдаравіч. Разам з дырэктарам у кабінеце знаходзілісь яго намесьнік, галоўны ідэолаг школы Ганчарова Галіна і класная кіраўніца Заяц Таццяна Міхайлаўна. Зьмітра вінавацілі ў закліках да звяржэння існуючай ўлады, ганьбы і абразы гонару прэзідэнта, у тым што гэта ўсё ён выкладваў у інтэрнэце на розных сайтах. Таксама ставілі ў віну супрацоўніцтва з Пінскай газэтай "Мясцовы час". Трэба дадаць, што Зьміцер актыўна ўдзельнічае ў грамадзкім жыцьці гораду на баку апазыцыі і тое, што ў мінулым годзе хлопец быў адлічаны з абласнога ліцэя ў г. Брэст за сваю актыўную грамадзянскую дзейнасць. Размова дырэктара са Зьміцерам, была пабудована на абразах і запалохванні. Лякалі, што калі яму споўніцца 18 гадоў прыйдзецца адказваць за свае словы. Прымушалі прынесці ўсё што напісаў у інтэрнэце. Было таксама сказана, што за ім пільна сочаць, і яго ў любы момант могуць падняць з ложка і вывезці ў бліжэйшы лес закапаць. На пытанні Зьміцера :"А як жа Канстытуцыя, правы чалавека?", Дырэктар адказаў, паказваючы на выяву прэзідэнта на сцяне:"Вось наша Канстытуцыя". "Летуценнік", сказаў, "пра якія правы чалавека ты кажаш?" Прымушаў адмовіцца ад грамадзкай дзейнасьці, якой займаецца хлапец. З вуснаў жа Ганчаровай прагучала :"Лепш бы ты піў ды наркотыкі нюхаў!!!", звычайныя фразы пра тое, што прадаўся за 10 даляраў. Былі, таксама, пагрозы ў бок бацькі. Маўлялі, што шмат грошаў зарабляць ніколі ня будзе, і ўвогуле можа хутка згубіць працу. Размова доўжылася 30 хвілін. Цікава,што на наступны дзень гэтыя ж самыя людзі падыйшлі ді Зьміцера з прапановай прадстаўляць Пінск на алімпіядзе ў Мінске. Хлопца гэта вядома ж абразіла і ён адмовіўся ад такой прапановы.
21.09.2007
Візіт асоб у цывільным...
2007-09-21 Візіт асоб у цывільным 21.09.2007 а палове на 17 гадзіну ў кватэру Міхася Іл'іна (ён прысутнічаў 19 жніўня на прэзэнтацыі кнігі Паўла Севярынца "Лісты з лесу", і на яго ў Маскоўскім РАЎС г. Брэста быў складзены пратакол за ўдзел у несанкцыянаваным мерапрыемстве) праз дамафон пазванілі 3 стрыжаныя асобы ў цывільным і пацікавіліся, ці Міхась дома. Яны прыехалі на "шасьцёрцы" вішнёвага колеру. Па апісаньні, яны былі падобныя да 3-х супрацоўнікаў, што былі заўважаныя ў судзе Маскоўскага раёну г. Брэста пасьля агучваньня рашэньня па справе Васіля Ваўренюка. 2 зь йіх выступалі сьведкамі па згаданай справе. А 17-й гадзіне капітан Тарасевіч разам з міліцыянтам, які складаў на дзяўчыну пратакол 19 жніўня, даставіў Кацярыну Бельскую ў Маскоўскі РАУС г. Брэста. Там  міліцыянты выправілі недахопы, якія зрабілі пры складаньні пратакола 19 жніўня (так вырашыў суд Маскоўскага раёну г. Брэста 31 жніўня 2007 году) і прызначылі дату судовага разгляду яе адміністратыўнай справы на 15 гадзін 26 верасня.
13.09.2007
Позва ў суд на ўчарайшы дзень
2007.09.13 Позва ў суд на ўчарайшы дзень 13.09.2007 Наста Мялешка, журналіст "Брэсцкага кур'ера", атрымала заказны ліст з позвай у суд Маскоўскага раёну г.Брэста на 12.09.2007 у кабінет №33 да суддзі Смірновай В.К. на 15:30 (позва выслана 10, атрымана поштай 12). У судзе Наста даведалася, што судовыя паседжаньні ў судзе 12 верасьня не праходзілі. У сувязі з тым, што суддзя ўжо не першы раз выклікае яе ў суд і кожны раз справа не разглядаецца, яна зьвярнулася да старшыні суду Маскоўскага раёна г.Брэста з адмысловай скаргай.
13.09.2007
Раніцай 13 жніўня ў судзе ў Баранавічах разглядалася адміністратыўная справа грамадзянак Шакуцько Ганны і Тацьцяны пра парушэньне ч. 1 арт. 23.34 "Удзел у несанкцыянаваным мерапрыемстве" 10 жніўня
  13.09.2007 Раніцай 13 жніўня ў судзе Баранавіцкага раёну і г. Баранавічы суддзя Капачэўская Жана Мацвееўна разгледзела адміністратыўную справу грамадзянак Шакуцько Ганны і Тацьцяны (маці і дачка). Справа тычылася парушэньня апошнімі ч.1 арт. 23.34 "удзел у несанкцыянаваным мерапрыемстве" 10 жніўня. Нагадаем, што 10 жніўня ў Баранавічах праходзіў суд па крымінальнай справе маладзёвага актывіста Яраслава Грышчэні, які абвінавачваўся ва ўдзеле ў незарэгістраванай арганізацыі. Задоўга да пачатку суду судовая зала была запоўнена работнікамі выканаўчай улады і супрацоўнікамі сілавых структур у цывільным. Звычайныя грамадзяне былі пазбаўленыя магчымасьці прысутнічаць у зале суда, а таму ў знак нязгоды і з мэтай падтрымаць Яраслава, сталі ў ланцуг перад будынкам суду, дзе неўзабаве былі затрыманыя АМАПам і дастаўленыя ў РАЎС. Там на затрыманых склалі пратаколы аб адміністратыўных правапарушэньнях. Сярод затрыманых былі маці і дачка Шакуцька. Суд прыняў рашэньне: - пакараць Ганну Шакуцька (маці) – штрафам у памеры 2 базавых велічынь за дробнае хуліганства (арт. 17.1 КаАП) і 3 базавых велічынь за ўдзел у несанкцыянаваным пікеце (ч.1 арт. 23.34 КаАП) разам 5 базавых велічынь або 155.000 рублёў; - справу Тацьцяны Шакуцька, як непаўнагадовай, накіраваць на разгляд у камісію па справах непаўнагадовых па месцы жыхарства ў Менск.   Назад
13.09.2007
Адміністрацыя Брэсцкага дзяржаўнага ліцэя лёгкай прамысловасьці правяла прафіляктычную размову з навучэнцамі
Адміністрацыя Брэсцкага дзяржаўнага ліцэя лёгкай прамысловасьці правяла прафіляктычную размову з навучэнцамі, аб недапушчальнасьці распўсюда незарэгістраванай друкаванай прадукцыі. Нагодай для гэтай размовы паслужыў пратакол, які даслалі з Маскоўскага РАУС г. Брэста, адміністртыўнага затрыманьня, які быў складзены на Пашко Юлію, навучэнку гэтага ліцэя, 26 жніўня яна была затрымана, як вынікала з дакумантаў, па падазрэньні ў распаўсюдзе ўлётак "Свабоду Паўлу Севярынцу".
08.09.2007
«Пілігрымка ў гонар славутых змагароў»
«Пілігрымка ў гонар славутых змагароў» 8 верасьня 2007 г., у Дзень Вайсковай Славы (нагадаем, што ў 1514 годзе 30 тысячнае войска ВКЛ на чале з гетманам Канстанцінам Астрожскім на Крапівенскім поле пад Воршай разбіла 80 тысячнае маскоўскае войска), у Берасьці грамадскімі актывістамі было праведзена шэраг мерапрыесмтваў па ўшанаваньню памяці славутых змагароў за Волю Бацькаўшчыны. Ушанаваньне пачалося з Трышынскіх могілак, дзе пахаваны Адам Трыпус, кіраўнік партызанскіх атрадаў БНР у Гарадзескім павеце, які пазней жыў і таямніча быў забіты ў 60-я гады ў Берасці. Таксама, на тым месцы, былі ўзгаданы дзеячы БНР браты Аляксандар і Ян Цвікевічы, ураджэнцы Берасьця. І Усевалад Ігнатоўскі, першы кіраўнік Акадэміі Навук, які таксама паходзіць з берасьцейшчыны. На тых жа Трышанскіх могілках ля помніка рэпрэсаваным былі ўскладзены кветкі і прачытана малітва. Наступным месцам ушанаваньня стаў памятны знак гораду, які знаходзіцца ў цэнтры Берасця на рагу вуліц Машэрава і Леніна і сведчыць пра першы ўспамін горада ў летапісу ў 1019 годзе. Ля памятнага знака быў узгаданы той гістарычны факт, што, менавіта, у Берасцьці распрацоўваўся план Грундвальскай бітвы 1410 года князямі Вітаўтам і Ягайлам. Ля памятнага знака быў урачыста ўскладзены вянок у бел-чырвона-белых колерах, з надпісам: "Змагарам за свабоду Бацькаўшчыны". Чарговым месцам ўшанавання памяці славутых землякоў адбылося ля рыма-каталіцкага Касцёлу. Тут ўдзельнікі мерапрыемства ўзгадалі, што першыя нумары газэты паўстанцаў 1863 г. "Мужыцкая праўда" былі знойдзены ў Берасьці каля цяперашняга касцёла. Сам Кастусь Каліноўскі  наведваў пад іншым іменем горад. Далей удзельнікі ўрачыстасцяў накіраваліся да помніку знакамітаму паэту Адаму Міцкевічу, дзе ўзгадалі эпоху падзелаў Рэчы Паспалітай: герояў паўстання 1794 года, а менавіта, Тадэуша Касцюшку, які нарадзіўся ў некалькіх кіламетрах ад Берасьця, у в. Сяхновічы, цяпер Жабінкоўскі раён. Акцэнтавалі ўвагу на дзейнасьці студэнцкіх навуковых таварыстваў Віленькага універсітэту, такіх як таварыства Філарэтаў і Філаматаў. З-за чаго А. Міцкевіч быў сасланы, а пазней усё жыццё пражыў на эміграцыі. Быў прачытан урывак з вершу А. Міцкевіча: "Літва, Бацькоўскі край" і ля помніка ўскладзены бел-чырвона-белыя кветкі. Апошнім месцам для ўшанавання сталі вайсковыя могілі жаўнераў войска генерала С. Булак-Балаховіча, якія знаходзяцца ў мікрараёне Рэчыца. Удзельнікі, ля памятнага знаку, на якім напісана: "Яны змагаліся за волю Бацькаўшчыны", усклалі бел-чырвона-белыя кветкі і запалілі свечкі. Мерапрыемства скончылася малітвай. Трэба адзначыць, што напачатку мерапрыемства на Трышанскіх могілках удзельнікаў ужо чакалі міліцыянты ў форме і ў цывільным, якія "сьціпла" назіралі за тым, што адбываецца.        
07.09.2007
Суд над удзельнікам прэзентацыі кнігі Паўла Севярынца "Лісты з лесу"
2007-09-07 Суд над удзельнікам прэзентацыі кнігі Паўла Севярынца "Лісты з лесу" 7 верасня ў судзе Маскоўскага раёну г. Брэста ў адсутнасьць прыцягваемага да адказнасьці была разгледзена адміністратыўная справа Сяргея Лазенкі, якому напярэдадн,і 6 верасьня ў 21 гадзіну 30 хвілін, вучастковы прынёс на подпіс "уведомленіе" аб часе і дню разгляду адміністратыўнай справы (7/09/07). Сяргей Лазенка вырашыў не прымаць удзелу ў судовым фарсе і на судовае паседжаньне не з'явіўся. Суддзя суда Маскоўскага раёна г.Брэста Сьмірнова В.К. прызнала Сяргея Лазенку віноўным у парушэньні ч.1 арт. 23.34 КаАП, удзел у прэзентацыі кнігі Паўла Севярынца кваліфікаваны судом, як "удзел у несанкцыянаваным мерапрыемстве". Сяргей Лазенка атрымаў штраф, як усе, у памеры дзьвух базавых вялічынь (62.000 рублёў).
06.09.2007
У сярэдняй школе № 2 г.Бяроза адкрыўся беларускамоўны кляс
2007.09.06 У сярэдняй школе № 2 г. Бяроза адкрыўся беларускамоўны кляс. На дадзены момант у ім 13 дзетак. Гэта адбылося дзякуючы намаганьням жыхара горада Бяроза Алега Лабовіча. Ён яшчэ ў ліпені зьвярнуўся з просьбай адкрыць Беларускі кляс у раённы аддзел адукацыі. Першы раз далі адпіску. Ён напісаў другі раз – увогуле не адрэагавалі. Тады Алег Лабовіч зьвярнуўся ў Міністэрства асьветы і адукацыі… Дзякуючы намаганьням Алега Лабовіча, звычайнага рабочага Бярозаўскага матора-рамонтнага заводу колькасьць беларускіх клясаў на Берасьцейшчыне павялічылася. Тамара Шчапёткіна
<< Старонкі: 1 | 2 | 3 | 4 ... 4 >>