Пошук
Нашы Блогі
Наста Ільіна, журналістка, якая займаецца праваабарончай тэматыкай

• Хто вс***я? -Невiстка.
Уладзімір Вялічкін

Шарыкавы ва ўладзе
Сяргей Пятрухін, народны рэпарцёр

Рашэнне па зыску блогера агучаць 12 лістапада 2018 а 17.00
Зміцер Гарбуноў, судовы манітор

460 рублёў - дробязь для пенсіянера
Памятныя даты
Нашы Выданні
Архіў навінаў
Архіў навінаў
Каляндар
Лістапад
ПнАўСрЧцПтСбНдз
   1234
567891011
12131415161718
19202122232425
2627282930  
Нашы навіны
Архіў навін
17.09.2009
У Берасці паралізавана работа рынка "Юбілейны"
tyle="margin-top: 0; margin-bottom: 0"> 17.09.2009 У Берасці паралізавана работа рынка "Юбілейны" Шосты дзень прадпрымальнікаў правярае служба АБЭЗ і санітарна-эпідэміялагічная. Складаюцца пратаколы, канфіскоўваецца тавар. У выніку з 230 шапікаў на дадзены момант, па словах намесніка старшыні РГА "Перспектыва" Віктара Чайкоўскага, працуе толькі 10. Сп. Чайкоўскі лічыць такія дзеянні вышэйзгаданых службаў рэпрэсіўнымі. Паколькі, паводле выступу першага намесніка прэм'ер-міністра Кабякова, дзеянні іх павінны насіць не карны характар, а рэкамендацыйны. Расце незадаволенасць сярод прадпрымальнікаў. Ім проста не даюць нармальна працаваць. Яны з усіх сіл стараюцца прытрымлівацца законаў і патрабаванняў. Але іх дасканала проста не магчыма выканаць. Маленькімі зацэпкамі і карыстаюцца адпаведныя службы. У адной з прадпрымальніц здарыўся сардэчны прыступ, прыйшлося вызываць хуткую. З іх, як сказаў прадпрымальнік Станіслаў, няма чаго ўжо страсаць: пакупніцкая здольнасць такая нізкая, што хутка не будзе чым плаціць падаткі. Наносіцца і ўрон іміджу рынка "Юбілейны" – гэтым часам пакупнікі не могуць набыць патрэбны тавар і сыходзяць незадаволенымі. Чайкоўскі агучыў далейшыя намеры прадпрымальнікаў: калі рэпрэсіўныя дзеянні кантралюючых службаў не спыняцца, прадпрымальнікі плануюць здзейсніць пакуль што аднадзённую забастоўку. Ганна Васілевіч, Радыё Рацыя. http://racyja.by/news/materyyaly/sotsyum/19432.html Назад
17.09.2009
Украіна адзначыла заслугі Уладзіміра Харсюка
tyle="margin-top: 0; margin-bottom: 0"> 17.09.2009 Украіна адзначыла заслугі Уладзіміра Харсюка Старэйшы сябра партыі БНФ, грамадзянін Беларусі з Маларыты, украінец па нацыянальнасці Уладзімір Харсюк Указам прэзідэнта Украіны Віктара Юшчанкі ўзнагароджаны ордэнам "За заслугі" 3 ступені. Былы артыст Ул.Харсюк заўсёды займаў актыўную пазіцыю ў культурніцкім і палітычным жыцці грамадства. Яго намаганнямі ўвекавечаны гістарычныя мясціны і падзеі ягонай роднай Маларытчыны. Такая высокая ўзнагарода, па словах сп. Харсюка, была для яго нечаканай. Ён многа зрабіў для ўмацавання культурных адносін дзвюх суседніх краін – Беларусі і Украіны. Ён быў заснавальнікам і старшынёю ўсеўкраінскага аб'яднання украінцаў "Просвіта" імя Тараса Шаўчэнкі ў Берасцейскай вобласці. Шкадуе, што не ўдалося арганізаваць украінскую школку ў Маларыце. Многія гады свайго жыцця аддаў Уладзімір Харсюк для дэмакратызацыі Беларусі. Праваабаронца і сябра Харсюка Уладзімір Малей вельмі задаволены тым, што суседняя дзяржава адзначыла заслугі 80-гадовага Уладзіміра Харсюка. Ганна Васілевіч, Радыё Рацыя. http://racyja.by/news/materyyaly/zdarenni/19426.html Назад
17.09.2009
Пашыраем Белавежскі нацыянальны парк?
tyle="margin-top: 0; margin-bottom: 0"> 17.09.2009 Пашыраем Белавежскі нацыянальны парк? Да 15 верасня пушчанскія гміны мелі час на прыняццё рашэння адносна пашырэння тэрыторыі Белавежскага нацыянальнага парку. Сёння радныя перакажуць свае прапановы Міністру аховы асяроддзя Янушу Залескаму. Сённяшняя сустрэча з міністрам Залескім яшчэ не паставіць кропкі над "і" ў справе пашырэння парку. Гэта чарговы этап перамоваў. У інтэрв'ю нашаму радыё спадар міністр Залескі выказаў спадзяванне, што пашырэнне парку ўсё ж будзе, бо гэтаму спрыяе атмасфера перамоваў. - У гэтай справе я аптыміст, таму што ў адрознене ад мінулых часоў, калі аднаго з нашых міністраў абкідалі яйкамі ў Белавежы, сёння атмасфера зусім іншая. Самаўрады пахіліліся над нашым праектам, дыскутуюць ці павінна і якім павінна быць тое пашырэнне, таму сама атмасфера, якая дае магчымасць дыялогу, дадае аптымізму і спадзявання, што, магчыма, гэтым разам удасца пашырыць парк. Фонд аховы асяроддзя ў якасці падтрымкі прызначыў пушчанскім гмінам 100 мільёнаў злотых дафінансавання на рознага роду інвестыцыйныя праекты. Але галоўнай умовай пераказання грашовых сродкаў з'яўляецца пашырэнне тэрыторыі нацыянальнага парку на палову тэрыторыі польскай часткі пушчы. Наталля Герасімюк, Радыё Рацыя. http://racyja.by/news/materyyaly/zdarenni/19470.html Назад
17.09.2009
Стыхійны страйк прыватных гандляроў у Берасці
tyle="margin-top: 0; margin-bottom: 0"> 17.09.2009 Стыхійны страйк прыватных гандляроў у Берасці Сёння на гарадскім рынку «Юбілейны» ў Берасці спынілі працу больш за 200 прадпрымальнікаў. Пра гэта «Радыё Свабода» паведаміў намеснік старшыні прадпрымальніцкага аб'яднання «Перспектыва» Віктар Чайкоўскі. «Прадпрымальнікі пратэстуюць супраць праверак чыноўнікамі. Кантралёры сёння давялі да страты прытомнасці прадаўца абутку, іншых — да скандалу. Гандляры лічаць, што масавыя праверкі маюць на мэце прыцягненне сродкаў у збяднелы дзяржбюджэт. Існуючай уладзе мала, што плата за арэнду і падаткі з кожнага прадпрымальніка ўжо наблізіліся да сумы ў адзін мільён рублёў, выцягваюць больш», – заявіў Віктар Чайкоўскі. Прадпрымальнік паведаміў, што калі праверка не спыніцца, то, магчыма, заўтра гандляры з берасцейскага рынку «Юбілейны» абвесцяць аднадзённы папераджальны страйк. Хартыя'97. http://charter97.org/be/news/2009/9/16/22018/ Назад
17.09.2009
У Берасьці мітынгуюць гандляры
tyle="margin-top: 0; margin-bottom: 0"> 17.09.2009 У Берасьці мітынгуюць гандляры Сёньня на гарадзкім рынку "Юбілейны" ў Берасьці спынілі працу больш як 200 прыватных гандляроў. Пра гэта "Свабодзе" паведаміў намесьнік старшыні прадпрымальніцкага аб'яднаньня "Пэрспэктыва" Віктар Чайкоўскі. "Прадпрымальнікі пратэстуюць супраць праверак чыноўнікамі. Кантралёры сёньня давялі да страты прытомнасьці прадаўца абутку, іншых — да скандалу. Гандляры лічаць, што масавыя праверкі падпарадкаваныя задачы выцягваньня сродкаў у зьбяднелы дзяржбюджэт. Існуючай уладзе мала, што плата за арэнду і падаткі з кожнага прадпрымальніка ўжо наблізіліся да сумы ў адзін мільён рублёў, выцягваюць больш", — заявіў Віктар Чайкоўскі. Суразмоўца кажа, што калі праверка ня спыніцца, то, магчыма, заўтра прадпрымальнікі зь берасьцейскага рынку "Юбілейны" абвесьцяць аднадзённы папераджальны страйк. Радыё Свабода http://www.svaboda.org/content/article/1824153.html Назад
16.09.2009
Кніга пра ўзьяднаньне Беларусі — накладам сто асобнікаў
tyle="margin-top: 0; margin-bottom: 0"> 16.09.2009 Кніга пра ўзьяднаньне Беларусі — накладам сто асобнікаў Сёньня ў Менску ў Нацыянальным архіве адбылася прэзэнтацыя двухтомнага зборніка дакумэнтаў і матэрыялаў "Ты з Заходняй, я з Усходняй нашай Беларусі…" Кніга выйшла накладам сто экзэмпляраў у выдавецтве "Беларуская навука". Міністэрства інфармацыі выдаваць яе адмовілася, спаслаўшыся на адсутнасьць сродкаў. Таму гэтага дасьледаваньня ня хопіць нават для бібліятэк. Першы том ахоплівае падзеі з 1939 па 1941 год, а другі том — падзеі з 1944-га па 1956-ы. Дырэктар Дэпартамэнту архіваў Уладзімер Адамушка адзначыў: "Мы сьвядома пайшлі такім шляхам, бо пэрыяд з 1942-га па 1943 год патрабуе адмысловай падрыхтоўкі, адмысловага дасьледаваньня гісторыі, якая тычыцца нашай Беларусі, і зьвязанай з тэрыторыяй Заходняй Беларусі. Тут разнародныя працэсы, якія праходзілі ў гэты час. І насамрэч яны патрабуюць спэцыяльнага дасьледаваньня, якое мы пакідаем для сябе на пэрспэктыву". Адказны за ўкладаньне першага тома Віталь Скалабан адзначае, што кніга добра ілюстраваная, зьмяшчае шэраг унікальных дакумэнтаў. Сярод іх — тыя, якія знайшліся ў расейскіх архівах. "Атрымалася кніжка, у якой шмат новага. Новае ня толькі таму, што там новыя дакумэнты. Упрыгожаньнем кнігі сталі дакумэнты палітбюро ЦК ВКПб, уключна з матэрыяламі пра калідоры ўлады, пра кухню ўлады, пра тое, як прымаліся тыя ці іншыя рашэньні. Вялікая ўвага была аддадзена людзям, якія бралі ўдзел у гэтых падзеях. Зьмешчаны таксама незвычайны для зборніка дакумэнтаў матэрыял — ліст, напісаны паэтамі Арсеньневай, Танкам, Машарай і Клімковічам у Вялейцы. Гэта першы варыянт ліста. Ён потым перапрацоўваўся ў зьвязку з тым, што Арсеньнева была выслана ў Казахстан". Укладальнік другога тому Анатоль Вялікі адзначыў, што далучэньне да гэтай тэмы пасьляваенных дакумэнтаў — беспрэцэдэнтны крок, які ламае пэўныя стэрэатыпы. "Раней панавала такая думка: мы ўзьядналіся ў 1939 годзе. Безумоўна, але ці магло гэта адбыцца ў адзін момант? Аб'ядналася тэрыторыя звыш ста тысяч квадратных кілямэтраў і з насельніцтвам больш чым чатыры мільёны. Тым больш — шматнацыянальная, шматканфэсійная тэрыторыя. Што, яны аднамомантна ўспрынялі факт аб'яданьня? Абсалютна не. Гэта і Армія Краёва, польскае супраціўленьне адразу ўзьнікла. Гэта і частка беларускага заможнага насельніцтва выказала нязгоду з тым, што адбывалася. 39-ты год паклаў пачатак працэсу аб'яднаньня". Паводле дакумэнтаў Нацыянальнага архіву, калі Беласточчыну перадалі ў склад Польшчы, там засталіся звыш аднаго мільёна 200 тысяч чалавек. Больш як 270 тысяч чалавек выехалі ў час рэпатрыяцыі 1944-46 гадоў. "Мы адлюстроўваем у дакумэнтах неадназначныя падыходы насельніцтва да пераўтварэньняў на Заходняй Беларусі. Гэта антысавецкія выказваньні насельніцтва падчас пэўных палітычных кампаній. Тут друкуюцца лістоўкі, якія заклікаюць насельніцтва да непадпарадкаваньня мерапрыемствам, якія ажыцьцяўляла савецкая ўлада ў гэтым рэгіёне". Паводле дырэктара Інстытуту гісторыі Аляксандра Кавалені, выданьне кнігі — "вельмі знакавая падзея". Упершыню ў неангажаваным пляне зроблена спроба паказаць найскладанейшы пэрыяд гісторыі Беларусі. Зь нябыту вяртаюцца тысячы імёнаў, пра якія павінны ведаць у школе. Алесь Дашчынскі, Радыё Свабода. http://www.svaboda.org/content/article/1823397.html Назад
16.09.2009
У Брэсце прыслухаліся да актывіста?
tyle="margin-top: 0; margin-bottom: 0"> 16.09.2009 У Брэсце прыслухаліся да актывіста? Гарадскія ўлады Брэста адмовіліся ад рэалізацыі планаў паставіць помнік, які б нагадваў аб падзеях 17 верасня 1939 года і ўслаўляў вызваленне Заходняй Беларусі арміяй СССР. Па словах галоўнага архітэктара гораду Алега Лашука, такое рашэнне прымалася вышэйшым кіраўніцтвам горада. Ад з'яўлення помніка чыноўнікі адмовіліся ў апошні момант. Было падрыхтавана 11 праектаў і выбрана месца для яго ўсталявання. Польская прэса звязвае такое рашэнне з нежаданнем беларускіх уладаў канфліктаваць з Польшчай. Верагодна таксама і тое, што на такі помнік у гарадскім бюджэце Брэста проста няма сродкаў. Нагадаем, актывіст Руху "За Свабоду" Дзяніс Турчэняк неаднарозова ставіў перад гарадскімі ўладамі пытанні, якія датычаць канцэпцыі помніка. На яго думку, помнік не павінен услаўляць яднанне Усходняй і Заходняй частак Беларусі, пасля якога, ў выніку разгорнутых савецкай уладай рэпрэсій, пацярпела сто тысяч чалавек. http://by.milinkevich.org/massmedia/data/ic_94/5170/ Назад
15.09.2009
Канцэпцыя рэгенерацыі яшчэ не ўзгоднена
tyle="margin-top: 0; margin-bottom: 0"> 15.09.2009 Канцэпцыя рэгенерацыі яшчэ не ўзгоднена Доктар архітэктуры з Берасця, сябра грамадскай назіральнай камісіі па ахове гісторыка-культурнай спадчыны пры міністэрстве культуры Ірына Лаўроўская атрымала выпіску з пратакола паседжання беларускай рэспубліканскай навукова-метадычнай рады пры МК РБ за подпісам намесніка міністра Грыдзюшка ад 1 ліпеня бягучага года адносна нашумелай канцэпцыі берасцейскага архітэктара Гайдуковіча, нібы ўзгодненай з МК. Канцэпцыя тычыцца ўзнаўлення і перспектыўнага выкарыстання гістарычнай спадчыны Берасцейскай крэпасці. Дапрацаваную канцэпцыю трэба будзе прадаставіць на ўзгадненне ў МК РБ. Звярнуцца па выпіску яе вымусіла інфармацыя пададзенная ў газеце «Вячэрні Брэст» 21 жніўня 2009 года, дзе паведамлялася, што «Канцэпцыя ўзгодненая Міністэрствам Культуры РБ». У выпісцы пратакола паведамляецца, што рада пагадзілася з тым, што канцэпцыя мусіць быць распрацавана, але з улікам пунктаў канвенцыі ЮНЭСКА і Беларускага заканадаўства, што лічыць немэтазгодным размяшчэнне новых аб'ектаў на тэрыторыі Берасцейскай крэпасці, якая з'яўляецца гісторыка-культурнай каштоўнасцю нулявой катэгорыі. Ірына Лаўроўская лічыць канцэпцыю ў тым выглядзе, як яна прадстаўлена сёння - шкоднай. На яе думку, галоўнаю мэтаю канцэпцыі ёсць прыватызацыя лепшых і вялікіх кавалкаў зямлі на мяжы з Еўразвязам. У канцэпцыі не ўлічана тое, што там быў стары горад, што там на сённяшні дзень знаходзяцца руіны розных пабудоў; што там трэба праводзіць археалагічныя раскопкі. Па канцэпцыі Гайдуковіча, на тэрыторыі крэпасці могуць быць пабудаваны гатэлі, басейны, дарогі-атракцыёны, нейкі горад майстроў і г.д. Ганна Васілевіч, Радыё Рацыя. http://racyja.by/news/materyyaly/elections/19355.html Назад
15.09.2009
Мемарыяльнага знака не будзе
tyle="margin-top: 0; margin-bottom: 0"> 15.09.2009 Мемарыяльнага знака не будзе Берасцейскі гарвыканкам не падтрымаў прапанову актывіста дэмсіл аб устаноўцы мемарыяльнага знака ў памяць пра жыхароў горада, якія загінулі ў студзені 1660 года падчас паходу на Берасце карнага атрада князя Хаванскага. Ліст з прапановай устанавіць такі памятны знак накіроўваў мясцовым уладам каардынатар руху "за Свабоду" па Берасце Дзяніс Турчаняк. Падставай для такога звароту стала тое, што 13 студзеня 2010 года споўніцца 350 гадоў з таго дня, калі горад і замак былі захопленыя маскоўскім карным атрадам. Горад быў разрабаваны і спалены, забітая трэцяя частка яго насельніцтва. Целы загінулых амаль дзвюх тысяч жыхароў горада скідвалі ў абарончыя рвы і пакідалі без пахавання. Актывіст дэмсіл прапаноўваў устанавіць мемарыяльны знак на месцы гібелі гараджан — Валынскім умацаванні (тэрыторыя цяперашняй Берасцейскай крэпасці) — і такім чынам аддаць даніну памяці абаронцам Берасця ад захопнікаў. Як паведаміў БелаПАН Турчаняк, у адказе гарвыканкама гаворыцца, што ў сілу геаграфічнага становішча Берасце здаўна быў крэпасцю і пастаянна знаходзіўся ў цэнтры ваенных падзей. Дадзеныя гістарычныя факты знаходзяць сваё адлюстраванне ў архівах і экспазіцыях музея гісторыі горада, згадваюцца ў лекцыях для навучэнцаў і студэнтаў Берасця, распрацаваных навуковымі супрацоўнікамі музея. З улікам гэтага і па адзінадушным меркаванні членаў каардынацыйнага савета гарвыканкама па ахове матэрыяльнай і духоўнай спадчыны , устаноўка памятнага знака, якая прапануецца актывістам дэмсіл, прызнана немэтазгоднай. Я не згодны з дадзенай аргументацыяй, — сказаў Турчаняк. — Такіх трагічных старонак у гісторыі горада, як паход на Берасце карнага атрада князя Хаванскага, не так шмат. Гэта падзея заслугоўвае таго, каб пра яе даведалася як мага больш людзей, а не толькі тыя, хто прыходзіць у музей гісторыі Брэста. Акрамя таго, устаноўка памятнага знака не патрабуе вялікіх сродкаў, паведамляе БелаПАН. Радыё Рацыя. http://racyja.by/news/materyyaly/elections/19347.html Назад
15.09.2009
Пінскія габрэі адрадзілі сваю рэлігійна-культурніцкую дзейнасьць
tyle="margin-top: 0; margin-bottom: 0"> 15.09.2009 Пінскія габрэі адрадзілі сваю рэлігійна-культурніцкую дзейнасьць Габрэйская суполка ў Пінску адрадзіла рэлігійнае, культурніцкае й грамадзкае жыцьцё. На сёньняшні дзень у Пінску дзейнічае сынагога й габрэйская школа. Перад пачаткам Другой сусьветнай вайны ў Пінску жыло больш за 30 тысяч габрэяў. Сёньня ў Пінску іх пражывае толькі каля 600 чалавек. Гісторыя Пінска, які ляжыць у паўднёва-заходнай частцы Беларусі, насіла ўнікальны габрэйскі характар, які, на жаль, быў зьнішчаны двума таталітарнымі рэжымамі. Перад вайной габрэйскае насельніцтва складала 75 % жыхароў Пінска. Палякі, беларусы й летувісы былі ў значнай меншасьці. Гарадзкі экскурсавод Тацьцяна Хвальгіна зазначае, што ў тыя часы менавіта габрэі надавалі гораду жыцьцёвы тон. Тацьцяна Хвальгіна: У Пінску да вайны жыло каля 40 тысяч жыхароў. Каля 30 тысяч зь іх былі габрэямі. У Кароліне, а гэта габрэйскае прадмесьце Пінску, і ў самым Пінску былі 42 сынагогі й малітоўныя дамы. Было шмат прыватных габрэйскіх школаў. Найважнейшыя гарадзкія прадпрыемствы таксама былі зьвязаныя з габрэямі: дрэваперапрацоўчае прадпрыемства, запалкавая фабрыка й нават першы ў горадзе кінатэатар. У жніўні 1941 году ў горадзе пачаўся генацыд. Немцы адразу забілі 10 тысяч прадстаўнікоў габрэйскай інтэлігенцыі. Застаўшыхся ў жывых габрэяў зачынілі ў гета й забівалі паступова. Прафэсар гісторыі Менскага пэдагагічнага ўнівэрсытэту Імануіл Ёфэ зазначае, што можна толькі здагадвацца, колькі асобаў загінула ў тыя часы. Імануіл Ёфэ: Габрэі зьнішчаліся ў некалькі этапаў. Было зьнішчана некалькі дзясяткаў тысяч габрэяў. Няма дакладных лічбаў, адныя дасьледчыкі падаюць лічбы 30 тысяч, іншыя ў 40 тысяч. Адно трэба падкрэсьліць: немцы рабілі жудасныя рэчы. Існаваў нават адмысловы загад Гімлера. Пасьля вайны ў Пінск патрапілі габрэі, якія цудам перажылі Галякост. Паступава частка зь іх, а гэта асобы, якія да вайны мелі польскае грамадзянства, у рамках рэпатрыяцыі выехалі ў Польшчу, іншыя выязджалі ў новаствораную дзяржаву Ізраіль. Тыя, хто застаўся жыць у Пінску, паступова адраджалі сваю тоеснасьць. Габрэі пачалі адчуваць сябе свабоднымі пасьля распаду Савецкага Саюзу, - кажа Ёсіф Лібэрман з тутэйшай габрэйскай суполкі. Ёсіф Лібэрман: У 1993 годзе, калі мы больш-менш адчулі свабоду, поўнасьцю адрадзілася рэлігійна-культурніцкае жыцьцё нашай суполкі. Сёньня ўсе тыя, хто жыве паводле канонаў нашай рэлігіі, адчуваюць сябе спакойна, няма ніякіх эксцэсаў. Нас наведваюць габрэі з усяго сьвету. У Пінску жыве адна сям'я, якая вярнулася зь Ізраіля, яны выкладаюць у школе. Старшыня Беларускай габрэйскай суполкі Леанід Левін дадае, што сёньняшнія беларускія ўлады не перашкаджаюць дзейнасьці габрэяў, пра што ў савецкія часы можна было толькі памарыць. Леанід Левін: Сёньня ўлада ставіцца да нас нармальна. Мы лічым, што нам павінна аказвацца альбо нейкае дзяржаўнае фінансаваньне, альбо іншая падтрымка. Але, на жаль, у нас гэта не назіраецца. Габрэйская суполка ў Пінску ўтрымліваецца з ахвяраваньняў, зьбіраных па ўсім сьвеце, і дзейнічае ў якасьці грамадзкай арганізацыі. Усё часьцей Пінск наведваюць габрэі з усяго сьвету: зусім нядаўна палескі горад наведалі госьці з Аргентыны, ЗША й Францыі. Польскае радыё для замежжа. http://www.polskieradio.pl/zagranica/by/news/artykul115810.html Назад
14.09.2009
На Польшчу абрынулася хваля ўцекачоў з Грузіі, якія едуць праз Брэст
tyle="margin-top: 0; margin-bottom: 0"> 14.09.2009 На Польшчу абрынулася хваля ўцекачоў з Грузіі, якія едуць праз Брэст Хваля ўцекачоў з Грузіі абрынулася на Польшчу. Штодня на польска-беларускім памежным пераходзе ў Цярэспалі каля 100 чалавек просяць аб прадастаўленні прытулка. Як адзначае РИА "Новости", сітуацыя ўскладнілася ў апошнія месяцы, калі грузіны сталі масава ехаць у Польшчу праз Брэст і прасіць статус уцекача. Па словах прадстаўніка Ўпраўлення па справах замежнікаў Эвы Пяхоты, эмігрантаў з Грузіі цяпер ужо значна больш, чым з Чачэніі. На працягу траўня-жніўня 2009 года прытулак у польскіх уладаў папрасілі больш за тры тысячы грамадзян Грузіі (у 2000-2008 гг. іх было толькі 400 чалавек). Прычым, сярод іх 90% складаюць курды. Гэта пераважна людзі ва ўзросце ад 18 да 65 гадоў, часта малаадукаваныя, а часам непісьменныя. Еўрапейскае радыё для Беларусі. http://www.euroradio.fm/by/971/news/38254/
14.09.2009
Бацьку трох беларускіх дзяцей адмовілі ў статусе бежанца і пасадзілі
tyle="margin-top: 0; margin-bottom: 0"> 14.09.2009 Бацьку трох беларускіх дзяцей адмовілі ў статусе бежанца і пасадзілі З 22 красавіка ў ізалятары сядзіць азербайджанец, бацька траіх беларускіх дзяцей, які 14 год пражыў у Брэсце. Зія Салім-аглы Мамедаў ужо некалькі месяцаў у турме чакае дэпартацыі. 14 год таму ён эміграваў з радзімы, каб не браць удзелу ў вайне. У шлюбе з беларускай нарадзіліся трое дзяцей. Жонка — выхавальніца дзіцячага садка. Праваабаронца Уладзімір Малей сказаў Еўрарадыё: — Ва ўсіх краінах арышт — гэта прэрагатыва суда. А тут без следства і суда, паводле рашэння кіраўніка міліцыі чалавек сядзіць ужо пяты месяц. Ён не мае намеру хавацца ад дэпартацыі. У яго сям'я, ён тут укараніўся. З 1995 года тут. Працаваў, забяспечваў сям'ю. Прэтэнзій ні з боку жонкі, ні дзяцей не было. Да праваабаронцаў нядаўна звярнулася жонка. Прычына рашэння пра дэпартацыю Мамедава нібыта ў тым, што ён жыве без належных падставаў. Савецкі пашпарт ён здаў у 2002 годзе, цяпер ягоная асоба "ўстаноўленая чыноўнікамі". А заадно і тое, што ён не знаходзіцца ў вышуку, не караўся ні па крымінальным, ні па адміністрацыйным Кодэксе ні ў Беларусі, ні ў Азербайджане. Уладзімір Малей: — Мамедаў звяртаўся ва ўсе органы ўлады з просьбай зарэгістраваць яго па месцы жыхарства сям'і. Яму адмаўлялі. Ён нікуды не хаваўся. Лічу, што калі чалавек хоча пражываць на тэрыторыі Рэспублікі Беларусь, то ўжо за гэтыя гады ён паводле існага заканадаўства варты таго, каб яму надалі грамадзянства. Тут яго жонка і дзеці — грамадзяне Рэспублікі Беларусь. Мамедаву адмовілі ў статусе бежанца, прызнаўшы ягоную просьбу злоўжываннем. Маўляў, звярнуўся пасля прыняцця рашэння аб дэпартацыі. У афіцыйным адказе Дэпартамента па грамадзянстве і міграцыі шмат месца прысвечана таму, што Мамедаў і жонка належаць да рэлігійнай грамады "Сведкі Еговы". Пра дзяцей згадаць забыліся. Павал Грынь, Еўрапейскае радыё для Беларусі. http://www.euroradio.fm/by/968/news/38153/
14.09.2009
Ці атрымае працу Пятровіч Карней?
tyle="margin-top: 0; margin-bottom: 0"> 14.09.2009 Ці атрымае працу Пятровіч Карней? У судзе г. Баранавічы і Баранавіцкага раёна адбылося папярэдняе судовае паседжанне па скарзе Пятровіча Карнея, сябра Хельсінскага камітэта, сябра партыі БСДГ, былога выкладчыка Баранавіцкага дзяржаўнага ўніверсітэта, які быў звольнены 4 гады таму за ўдзел у парламетскіх выбарах. Пятровіч Карней просіць суд прызнаць рашэнне Баранавіцкага дзяржаўанага ўніверсітэта аб адмове ў працы незаконным. Па словах Пятровіча Карнея, яго заява на вакантнае месца выкладчыка фінансава-прававога факультэта была адзінай. Месца пустуе да гэтага часу. Сярод 26 жадаючых працаваць ва ўніверсітэце адмоўлена толькі Пятровічу Сябраў Савета факультэта цікавіла толькі палітычнае пытанне: што сябра партыі БСДГ Пятровіч Карней будзе рабіць ва ўніверсітэце, дзе дзейнічае толькі Белая Русь. Пятровіч лічыць , што яму адмовілі ў працы па палітычных матывах. Працяг судовага паседжання 22 верасня. Ганна Васілевіч, Радыё Рацыя. http://racyja.by/news/materyyaly/zdarenni/19282.html
14.09.2009
Карней Пятровіч супраць з БарДзУ
tyle="margin-top: 0; margin-bottom: 0"> 14.09.2009 Карней Пятровіч супраць з БарДзУ 11 верасня у судзе Баранавіцкага раёна і г.Баранавічы адбылося папярэдняе паседжанне суда (суддзя Пётр Макадай), на якім разглядалася скарга юрыста Пятровіча Карнея да Баранавіцкага дзяржаўнага універсітэта (БарДзУ). Як паведамляе праваабаронца Сяргей Гоўша, з 1998 года Карней Пятровіч 7 гадоў працаваў выкладчыкам, а апошнія 4 гады і загадчыкам кафедры на фінансава-прававым факультэце Баранавіцкага філіяла інстытута правазнаўства, а затым быў пераведзены ў новаствораны Баранавіцкі дзяржаўны ўніверсітэт. Але за ўдзел у 2004 годзе ў парламенцкіх выбарах з Карнеем Пятровічам не быў працягнуты кантракт і ён мусіў шукаць іншую працу. Вясной гэтага года Карней Пятровіч падаў заяву на ўдзел у конкурсе на замяшчэнне пасады выкладчыка на той жа фінансава-прававы факультэт БарДзУ, якая на момант падачы заявы была вакантнай, але яго зноў Савет універсітэта не зацвердзіў. Матываў, чаму так адбылося, ніхто не прывёў. Да верасня месца так і заставалася вакантным. Між тым, на судзе прадстаўнік універсітэта Жана Карчык заявіла аб тым, што ўсе пасады занятыя, нехта будзе выкладаць па сумяшчальніцтву. У сваёй скарзе Карней Пятровіч, адзначае, што ў БарДзУ працуюць выкладчыкамі людзі, якія не маюць не толькі педагагічнай адукацыі, але і адукацыі па спецыяльнасці. Так, у тым годзе там выкладаў, напрыклад, аграном. Да і наогул, з 26 выкладчыкаў толькі 7 штатных, астатнія то прыходзяць, то сыходзяць. Пятровіч прасіў суд, каб на наступнае паседжанне БарДзУ прадставіла спіс асобаў, якія працуюць (на сталых пасадах і якія абіраліся па конкурсу) з пералікам іх адукацыі, стажу працы, друкаваных навуковых прац і г.д. каб суд упэўніўся ў яго праваце. Аднак прадстаўнікі БарДзУ выказалі адразу пратэст на такую просьбу. Пятровіч нагадаў, што ў красавіку гэтага года на Савеце факультэта, калі разглядалася яго заява, яго запыталіся: "Вот у нас есть организация "Белая Русь", а вы в партии Шушкевича, скажите, и как это будет совмещаться?" Карней Пятровіч расцэньвае адмову ў прадстаўленьні працы як дыскрымінацыю па палітычных матывах. Наступнае паседжанне суда прызначанае на 22 верасня. http://spring96.org/be/news/29662/ Назад
09.09.2009
Над затрыманымі пройдуць суды
tyle="margin-top: 0; margin-bottom: 0"> 09.09.2009 Над затрыманымі пройдуць суды Збітых да крыві актывістаў, якіх учора міліцыя тузала нагамі ды цягала па асфальце, сёння будуць судзіць – ноч за кратамі правялі 17 чалавек, трое з якіх дзяўчаты. У судзе Цэнтральнага раёну сёння цягам дня будуць судзіць удзельнікаў учорашняга антыінтэграцыйнага пікету, што прайшоў на Кастрычніцкай плошчы ў Менску. Мінулую ноч у турме на вуліцы Акрэсціна правялі 17 чалавек, як распавядаюць відавочцы, многія з іх доблеснымі ахоўнікамі парадку былі збітыя да крыві. Нагадаю, што акцыя, якая мелася адбыцца на Кастрычніцкай плошчы была скіраваная супраць правядзення на беларускай зямлі вучэнняў з удзелам расейскага узброена кантынгенту. Адметна, што ў выніку сілавога разгону пацярпелі і шэраг акрэдытаваных у Беларусі журналістаў – на вачох ва ўсіх спецназаўцы разбілі камеру аператара польскага тэлебачання. Сёння над удзельнікамі акцыі адбудуцца суды. Спіс затрыманых пад час акцыі на Кастрычніцкай плошчы 9 верасня 1. Аляксандр Макаеў, (затрымалі да акцыі, адпусцілі) 2. Зміцер Дашкевіч, 3. Зміцер Касьпяровіч, (затрымалі да акцыі, адпусцілі) 4. Аксана Самуйлава, (затрымалі да акцыі, адпусцілі) 5. Сяржук Карповіч, 6. Яўген Афнагель, 7. Радыён Піражкоў, 8. Віктар Івашкевіч, 9. Зміцер Бандарэнка, 10. Аляксандр Атрошчанка, 11. Віктар Івашкевіч, 12. Зміцер Бародка, 13. Вячаслаў Сіўчык, 14. Аляксандр Арастовіч, 15. Алесь Сцепаненка, (адпусцілі) 16. Антон Койпіш, 17 .Аліна Радачынская, 18. Спесіўцаў, 19. Іваноў, 20. Якубовская, 21. Гарачка, 22. Лемешаў, 23. Сенчыла, 24. Максім Сергіец, 25. Варанецкі, 26. Пятрова, 27. Андрусь Крэчка. Барыс Гарэцкі, Радыё Рацыя. http://racyja.by/news/materyyaly/elections/19204.html
09.09.2009
У Берасці павялічыцца на адну непоўную сям'ю
tyle="margin-top: 0; margin-bottom: 0"> 09.09.2009 У Берасці павялічыцца на адну непоўную сям'ю Азербайджанскі грамадзянін Зія Мамедаў па рашэнню начальніка РАУС Берасцейскага раёна з красавіка 2009 года знаходзіцца ў ІЧУ Ленінскага РАУС Берасця. Увесь гэты час яго беларуская сям'я змагаецца за адмену дэпартацыі, пастанову па якой вынес начальнік РАУС Берасцейскага раёна. Але скарга ў дэпартамент па грамадзянству і міграцыі не прынесла станоўчага рашэння. Па словах юрыста -праваабаронцы Уладзіміра Малея, адмоўлена законна, тым не менш трэба кіравацца міжнародным Пактам аб грамадзянскіх і палітычных правах, які падпісала РБ з улікам таго, што гэты чалавек пражыў у Беларусі 14 гадоў, не парушаючы законы. Не мае ніякай віны і на радзіме. У Берасці пабраўся шлюбам з беларускай, нарадзілася трое дзяцей. Па рашэнню начальніка РАУС Берасцейскага раёна, пасля дэпартацыі Мамедаў 2 гады не мае права на ўезд у Беларусь. Дэпартамент параіў Мамедаву звярнуцца ў суд Першамайскага раёна Менска. Гэтай прапановай Мамедаў, па словах праваабаронцы Малея, скарыстаецца. Калі не атрымае станоўчага рашэння ў беларускіх судах, звернецца ў Камітэт па правах чалавека ААН. Нагадаем, што ў 2002 годзе, калі пашпарт савецкага ўзору страціў законную сілу на тэрыторыі рэспублікі, Мамедаву было адмоўлена ў афіцыйным перабыванні ў Беларусі. Ганна Васілевіч, Радыё Рацыя. http://racyja.by/news/materyyaly/sotsyum/19224.html
09.09.2009
Суды над затрыманымі ўдзельнікамі акцыі пратэсту адбываюцца ў закрытым рэжыме
tyle="margin-top: 0; margin-bottom: 0"> 09.09.2009 Суды над затрыманымі ўдзельнікамі акцыі пратэсту адбываюцца ў закрытым рэжыме (дапаўняецца) У судзе Цэнтральнага раёна Менску пачынаюцца суды над затрыманымі 9 верасня ўдзельнікамі акцыі пратэсту супраць уводу расейскіх войскаў на тэрыторыю Беларусі. Яна праходзіла пад лёзунгам "Не – расейскай акупацыі! Жыве Беларусь!" Як паведамляюць праваабаронцы, усе тры паверхі будынку суда Цэнтральнага раёна Менска запоўненыя АМАПаўцамі. У памяшканьне не прапускаюць ні прадстаўнікоў СМІ, журналістаў, ні сваякоў затрыманых. Немагчыма звярнуцца са скаргай аб парушэньні працэсуальнага заканадаўства да старшыні суда: да яго не дапускаюць нікога. Кнігі скаргаў таксама не выдаюць. Фактычна, судовыя паседжаньні праходзяць у закрытым рэжыме. 11-20. Пасля тэлефанаванняў у прыёмную Цэнтральнага суда жонцы затрыманага Аляксандра Атрошчанкава і праваабаронцу Валянціну Стэфановічу дазволілі зрабіць запіс у Кнізе скаргаў і прапаноў. Яны адзначылі, што ў судзе адсутнічае інфармацыя аб суддзях і адміністрацыйных справах, якія будуць сёньня разглядацца і таму сваякі ня ведаюць, калі і дзе будуць судзіць іх блізкіх. Такія дзеяньні праваабаронцы расцэньваюць як грубае парушэньне дзеючага заканадаўства і Канстытуцыі Беларусі, згодна з якімі судовыя працэсы павінны быць адкрытымі для грамадскасьці. 11-25. Стала вядома, што пачаліся разгляды адміністрацыйных спраў Сяржука Карповіча (суддзя Казлова), Кастуся Іванова. На чацвертым паверсе судзяць Ірыну Пятрову, Віктара Івашкевіча, Аліну Радачынскую і Лемешава. 12.05. Ірыну Пятрову звінавацілі ў парушэньні арт. 23.34 КаАП і прысудзілі да штрафу ў памеры 5 базавыз велічынь, Варанецкі атрымаў 10 базавых велічынь. Усе 17 затрыманых абвінавачваюцца ва ўдзеле ў недазволеным масавым мерапрыемстве. А Зміцера Дашкевіча апроч таго вінавацяць у парушэньні часткі 1. арт 17.1 КаАП РБ (дробнае хулігаства) 12-14. Пад час слуханьня справы Сяржука Карповіча суддзя Казлова ў грубай форме выдаліла з залі праваабаронцу і юрыста Уладзіміра Лабковіча, заявіўшы пры гэты, што ў памяшканьні "для вас няма месца", хаця ў наяўнасьці заставалася каля дваццаці вольных месц. Міліцыянты выдалілі праваабаронцу сілай. 12-18. Суддзя Ясіновіч Л. пакараў штрафам у памеры 5 б.в. Якубоўскую Алесю. 12-30. Аляксандра Атрошчанкава пакаралі штрафам у памеры 15 базавых велічынь (арт 23.34) 12-45. Суддзя Свістунова аштрафавала Лемеша Уладзіміра на 7 базавых велічынь 12-46. Віктар Івашкевіч - 10 базавых, суддзя Карнюшка. 12-50. Зміцера Бародку, нягледзячы на ўчарашняе збіццё аштрафавалі на 25 базавых (частка 1 арт. 23.34 КаАП). Суддзя Ясіновіч Л. 12-55. Як паведамілі пакараныя штрафамі ўдзельнікі ўчорашняй акцыі, ў Цэнтральным РУУСе супрацоўнікі міліцыі прымусілі затрыманых стаяць ля сцяны чатыры гадзіны, пры гэтым некаторых моцна зьбівалі. Толькі пасьля гэтага ў затрыманых пачалі адбіраць рэчы і афармляць іх у турму на вуліцу Акрэсьціна. Паводле В.Івашкевіча, удзельнікаў акцыі зьбівалі па-садысцку ня толькі на плошчы, але і ў аўтобусе, увесь час міліцыянты нецэнзурна лаяліся і называлі сябе "карным органам". А Сержука Карповіча аштрафавалі на 10 б.в. 13-16. Суддзя Ганчар С. прысудзіла да штрафаў у памеры 15 б.в. Зміцера Бандарэнку і Аляксандра Атрошчанкава. 13-20. 5 базавых велічынь - Андрусю Крэчку, 10 б.в. - Канстанціну Іванову. 13-32. Аліне Радачынскай суддзя Свістунова В. прысудзіла 7 б.в. 13-58. Мікалая Спесіўцава суддзя Семак пакараў штрафам на 10 б.в. http://spring96.org/be/news/29641/
09.09.2009
Жорстка разагнаная акцыя на Кастрычніцкай
tyle="margin-top: 0; margin-bottom: 0"> 09.09.2009 Жорстка разагнаная акцыя на Кастрычніцкай Адразу па 18-й гадзіне пачалася зачыстка плошчы. Удзельнікаў акцыі "Не — расейскай акупацыі!" моцна зьбівалі, журналістам не давалі здымаць. Палову ўдзельнікаў затрымалі яшчэ на падыходах. Амаль ці ня большую палову ўдзельнікаў акцыі затрымалі прэвэнтыўна яшчэ на падыходах. З пункту лінейнага аддзяленьня міліцыі мэтрапалітэну на Кастрычніцкую плошчу вывялі чатырох затрыманых, пасьля таго, як прыехалі 10 спэцназаўцаў і сказалі, што ім патрэбна 4 чалавекі. Ім далі 4 патэнцыйных удзельнікаў акцыі, з зь якімі спэцназаўцы паехалі ў РУУС Цэнтральнага раёну Менску. Пазьней былі затрыманыя яшчэ сем актывістаў, сярод іх Зьміцер Дашкевіч, Зьміцер Касьпяровіч, Аксана Самуйлава, Сяржук Карповіч і Радыён Піражкоў. Колькасьць затрыманых пакуль удакладняецца. Вядома, што сярод затрыманых Віктар Івашкевіч, Зьміцер Бандарэнка, Аляксандар Атрошчанка, якіх вельмі моцна зьбілі ў часе затрыманьня. Іх літаральна цягнулі па зямлі ў спэцназаўскі аўтобус. Зьміцера Дашкевіча ў часе затрыманьня зьбілі і вывіхнулі руку. Зь міліцыі яго адвезьлі ў шпіталь, дзе яму ўправілі вывіх і зноў адвезьлі ў міліцыю Цэнтральнага раёну Менску. І гэта пры тым, што Зьміцер Дашкевіч нават не пасьпеў паўдзельнічаць у акцыі, бо яго, як і шмат каго іншых затрымалі прэвэнтыўна. Нягледзячы на тое, што акцыю вельмі жорстка разагналі, на Кастрычніцкай плошчы праз гадзіну пасьля гэтага працягвалі заставацца спэцназаўцы, узмоцненыя патрулі міліцыі, і нават міліцэйскае кіраўніцтва. А трохі пазьней зьявіліся прадстаўнікі службы бясьпекі Аляксандра Лукашэнкі. У горадзе і без таго шмат міліцыі ў сувязі зь візытам Уга Чавеса і футбольным матчам. Вельмі жорстка абышлася міліцыя і з журналістамі. Усе бачылі як два спэцназаўцы білі камэру апэратара польскага тэлебачаньня. Міліцыянты адарвалі аб'ектыў, пасьля чаго двойчы кінулі яе аб зямлю. Міліцыянты штурхалі іншых карэспандэнтаў і перашкаджалі ім здымаць. На 21-ю гадзіну ў міліцыі утрымліваюць 21 чалавека, двое зь іх — непаўналетнія. Паводле закону, затрыманых можна ўтрымліваць тры гадзіны, якія сканчаюцца акурат пасьля 9-й вечара. Некаторым затрыманым удалося перадаць сваякам, што яны пачулі з размоў міліцыянтаў, што нібыта супраць іх складуць пратаколы па абвінавачаньні ў дробным хуліганстве. А Зьмітра Дашкевіча, якога затрымалі прэвэнтыўна й вывіхнулі яму руку, абвінавацяць яшчэ ў супраціве міліцыянтам. Жонка затрыманага Сержука Карповіча паведаміла, што яе муж здолеў перадаць ёй інфармацыю пра тое, што ён і яшчэ некалькі чалавек знаходзяцца ў аддзяленьні міліцыі Цэнтральнага раёну. Сьведкі бачылі, як да міліцыі прыязджала хуткая дапамога, але міліцыянты сказалі, што мэдычная дапамога нікому не патрэбна. Заўтра ў судзе Цэнтральнага раёну пачнуцца суды. А пакуль 17 затрыманых павезьлі ў турму на Акрэсьціна. 2 непаўналетніх выпусьцілі. Сваякі ня здолелі перадаць цёплыя рэчы затрыманым. Міліцыянты таксама адмовіліся ўзяць ваду і прадукты. Любоў Лунёва, Радыё Свабода. http://www.svaboda.org/content/article/1818956.html?spec=2#relatedInfoContainer
09.09.2009
У Менску жорстка разагнаная акцыя пратэсту супраць уводу расейскіх войскаў
tyle="margin-top: 0; margin-bottom: 0"> 09.09.2009 У Менску жорстка разагнаная акцыя пратэсту супраць уводу расейскіх войскаў Збітыя і арыштаваныя дзесяткі апазіцыянераў, якія прынялі ўдзел у акцыі пад лозунгам «Не – расейскай акупацыі!». Некалькі дзесяткаў актывістаў апазіцыі вышлі сёння на Кастрычніцкую плошчу з транспарантамі «Расейская армія , go home!», «Не расейскім войскам у Беларусі!», узнялі нацыянальныя беларускія бел-чырвона-белыя сцягі. На ўдзельнікаў акцыі адразу ж накінуліся супрацоўнікі АМАПа ў форме і цывільным. У людзей сталі вырываць расцяжкі, а затым жорстка збіваць. Апазіцыянераў кідалі на зямлю, збівалі нагамі і дубінкамі. Шмат хто з арыштаваных атрымаў сур'ёзныя траўмы. Супрацоўнікі міліцыі збівалі таксама дзяўчат і жанчынаў. Нягледзячы на амапаўскія удары дубінак, ног і кулакоў, удзельнікі акцыі працягвалі скандаваць лозунг «Жыве Беларусь!». Арыштаваныя дзесяткі чалавек. Сярод затрыманых каардынатар грамадзянскай кампаніі «Еўрапейская Беларусь» Зміцер Бандарэнка, кіраўнік Менскай гарадской арганізацыі Партыі БНФ Віктар Івашкевіч, актывісты «Еўрапейскай Беларусі» Аляксандр Атрошчанкаў і Зміцер Бародка, лідэр «Маладога фронту» Зміцер Дашкевіч і шматлікія іншыя актывісты апазіцыі. Людзі спрабавалі стаць на плошчы некалькі разоў. Але кожны новы выхад з транспарантамі жорстка душыўся амапаўцамі. На плошчу пад'язджаў аўтазак, і дэманстрантаў везлі ў аддзяленні міліцыі. Перад пачаткам акцыі былі прэвентыўна затрыманыя больш за дзесяць апазіцыянераў. Такім чынам, агульная колькасць арыштаваных дэмакратычных актывістаў вылічаецца дзясяткамі. У дачыненні да актывістаў апазіцыі, дастаўленых у Цэнтральны РУУС Менска, былі складзеныя пратаколы па артыкуле 23.34 КоАП -- «парушэнне правілаў правядзення масавых мерапрыемстваў». Усіх затрыманых уначы адправілі ў турму на Акрэсціна. Акцыя пад лозунгам «Не – расейскай акупацыі!» праходзіла ў знак пратэсту супраць пачатку ваенна-стратэгічных вучэнняў «Захад-2009». Сёння ў Беларусь пачалі прыязджаць першыя эшалоны з расейскімі салдатамі. Адной з мэтаў вучэнняў называецца ліквідацыя ўзброеных канфліктаў, але беларускія дэмакраты ўпэўненыя, што вучэнні, якія маюць адбыцца, нясуць пагрозу незалежнасці Беларусі. Ніколі раней на тэрыторыю нашай краіны не ўваходзіла такая колькасць расейскіх вайскоўцаў – з 12,5 тысячаў салдатаў, якія задзейнічаныя у вучэннях, 6 тысячаў – расейцы. У той жа час рознымі палітычнымі кіраўнікамі Расеі не аднойчы заяўлялася пра магчымы ўвод расейскіх войскаў у Беларусь у выпадку пагрозы рэжыму Лукашэнкі. Хартыя'97. http://charter97.org/be/news/2009/9/9/21824/
08.09.2009
БНФ справакуе змены ва ўсёй апазіцыі?
tyle="margin-top: 0; margin-bottom: 0"> 08.09.2009 БНФ справакуе змены ва ўсёй апазіцыі? Змена кіраўніцтва Партыі БНФ можа прывесці да змены ўсёй беларускай апазіцыі. Еўрарадыё даведалася, якімі могуць быць гэтыя змены. Адразу па заканчэнні З'езда Партыі БНФ Вінцук Вячорка абвінаваціў рух "За Свабоду" ў "рэйдарскім захопе" Партыі БНФ з дапамогай змены кіраўніцтва. Намер новага кіраўніцтва не прымаць удзел у вылучэнні кандыдата ў прэзідэнты ў межах АДС сапраўды кажа за гэта, бо аслабляе пазіцыі кандыдата ад АДС перад Аляксандрам Мілінкевічам. Але намеснік кіраўніка руху "За Свабоду" Віктар Карняенка гэта адмаўляе. Віктар Карняенка: "Тое, што адбылося, яно ў значнай ступені аб'ектыўна. Але гэта рашэнне самастойнай незалежнай арганізацыі, і роля Руху ў гэтых працэсах вельмі моцна перабольшана". Праўда, адразу кажа, што прыход новых лідэраў у Фронт дазволіць ім стварыць патрыятычна-еўрапейскую кааліцыю. Віктар Карняенка: "Мы сёння знаходзімся больш блізка да рэалізацыі прапаноў Аляксандра Мілінкевіча па стварэнні кааліцыі патрыятычна-еўрапеска арыентаваных сіл. Не факт, што зможам, але зараз зрабіць гэта будзе лягчэй". Адразу ўзнікае два пытання: як карэктыроўка палітычнага курса БНФ адаб'ецца на ўзаемаадносінах з іншымі апазіцыйнымі партыямі? і ці пацягнуць змены ў БНФ за сабой змены ў іншых партыях? Лідэр АГП Анатоль Лябедзька кажа, што палітычныя рашэнні новае кіраўніцтва Фронту не прымала, губляць такіх партнёраў па барацьбе, як БНФ, яны не хочуць. Нават тады, калі фронтаўцы не толькі адмовяцца ад удзелу ў выбарах адзінага, але і ўвогуле вырашаць выйсці з АДС. Анатоль Лябедзька: "Будзе нейкая карэктыроўка ўзаемаадносін, але калі, да прыкладу, структура прымае актыўны ўдзел у прапагандзе "Антыкрызіснай платформы", на якую мы заангажаваныя, то мы будзем супрацоўнічаць. Калі мы будзем мець аднолькавыя погляды, як рэалізоўваць "Усходняе партнёрства" — таксама будуць кантакты". Лідэр камуністаў Сяргей Калякін кажа, што для іх нічога не змянілася, бо ўзаемадзеянне КПБ і БНФ не залежыць ад кіраўніцтва. Паводле яго слоў, камуністы і нацыянал-патрыёты вымушаныя будуць працаваць разам, нават калі апошнія выйдуць са складу АДС. Сяргей Калякін: "У сённяшніх умовах нам наканавана ўзаемадзейнічаць, каб змяніць сітуацыю ў Беларусі, змяніць палітычны рэжым і ўладу ў Беларусі. Без гэтага немагчыма дамагчыся мэтаў ні БНФ, ні Партыі камуністаў". Верагодна, што змены ў БНФ пацягнуць за сабой змену расстаноўкі сіл на ўсім палітычным полі краіны і змены ў іншых партыях. Але, да прыкладу, лідэр ПКБ упэўнены, што ў яго партыі такой раптоўнай змены пакаленняў у кіраўніцтве, як гэта адбылося ў БНФ, не будзе. Сяргей Калякін: "Я заяўляў пра тое, што можа неабходна каму іншаму кіраваць партыяй. Але сёння ў партыі ёсць кансенсус наконт таго, што кіраваць партыяй павінен той, хто яе сёння ўзначальвае". Нязменны лідэр АГП Анатоль Лябедзька таксама сцвярджае, што не баіцца гэтага. Анатоль Лябедзька: "У нас у кіраўніцтве каманда, а не персаналіі. Пакуль гэта каманда спраўляецца больш-менш нармалёва і таму ёсць падтрымка на ўсіх з'ездах. Альтэрнатыва перыядычна з'яўляецца, але яна не такая ўжо і моцная". Так разважаюць палітыкі. У сваю чаргу палітолаг Андрэй Казакевіч згодны з тым, што змена пакаленняў у кіраўніцтве БНФ была лагічнай. Але не выключае таго, што адмова БНФ удзельнічаць у абранні адзінага ад АДС на прэзідэнцкія выбары, альбо абранні партыйнага кандыдата ў прэзідэнты сыграе на руку Мілінкевічу. Андрэй Казакевіч: "Такая сітуацыя спрыяе Мілінкевічу. Бо ён ужо з'яўляецца фігурай і мае палітычны капітал. І будзе аслабляць яго канкурэнта ў межах апазіцыйнага поля". А палітычны аглядальнік, галоўны рэдактар "Беларускай дзелавой газеты" Пётр Марцаў раіць не спяшацца з высновамі. Пётр Марцаў: "Я б зараз высновы рабіць не стаў ні ў дачыненні да БНФ, ні ў дачыненні да Янукевіча, ні Мілінкевіча, ні АДС увогуле. Мы зараз маем справу з канструкцыяй палітычнага поля, якая абсалютна аджыла. Яна будзе мяняцца. Як — прадказаць складана, але мяняцца будзе". Тым больш, што, кажа ён, Мілінкевіч аб сваім гарантаваным удзеле ў прэзідэнцкай гонцы яшчэ не заяўляў. Зміцер Панямонаў, Еўрапейскае радыё для Беларусі. http://www.euroradio.fm/by/965/reports/37985/
<< Старонкі: 1 | 2 | 3 | 4 | 5 | 6 | 7 | 8 | 9 ... 33 >>