Нашы Блогі
Наста Ільіна, журналістка, якая займаецца праваабарончай тэматыкай

Ад прывіду камунізму чакаць іншага не прыходзіцца
Уладзімір Вялічкін

Шарыкавы ва ўладзе
Сяргей Пятрухін, народны рэпарцёр

Тыпова беларуская гісторыя – начальнік збіў падначаленага
Зміцер Гарбуноў, судовы манітор

460 рублёў - дробязь для пенсіянера
Памятныя даты
Нашы Выданні
Архіў навінаў
Архіў навінаў
Каляндар
Лістапад
ПнАўСрЧцПтСбНдз
  12345
6789101112
13141516171819
20212223242526
27282930   
Архіў навін
09.09.2009
У Берасці павялічыцца на адну непоўную сям'ю
tyle="margin-top: 0; margin-bottom: 0"> 09.09.2009 У Берасці павялічыцца на адну непоўную сям'ю Азербайджанскі грамадзянін Зія Мамедаў па рашэнню начальніка РАУС Берасцейскага раёна з красавіка 2009 года знаходзіцца ў ІЧУ Ленінскага РАУС Берасця. Увесь гэты час яго беларуская сям'я змагаецца за адмену дэпартацыі, пастанову па якой вынес начальнік РАУС Берасцейскага раёна. Але скарга ў дэпартамент па грамадзянству і міграцыі не прынесла станоўчага рашэння. Па словах юрыста -праваабаронцы Уладзіміра Малея, адмоўлена законна, тым не менш трэба кіравацца міжнародным Пактам аб грамадзянскіх і палітычных правах, які падпісала РБ з улікам таго, што гэты чалавек пражыў у Беларусі 14 гадоў, не парушаючы законы. Не мае ніякай віны і на радзіме. У Берасці пабраўся шлюбам з беларускай, нарадзілася трое дзяцей. Па рашэнню начальніка РАУС Берасцейскага раёна, пасля дэпартацыі Мамедаў 2 гады не мае права на ўезд у Беларусь. Дэпартамент параіў Мамедаву звярнуцца ў суд Першамайскага раёна Менска. Гэтай прапановай Мамедаў, па словах праваабаронцы Малея, скарыстаецца. Калі не атрымае станоўчага рашэння ў беларускіх судах, звернецца ў Камітэт па правах чалавека ААН. Нагадаем, што ў 2002 годзе, калі пашпарт савецкага ўзору страціў законную сілу на тэрыторыі рэспублікі, Мамедаву было адмоўлена ў афіцыйным перабыванні ў Беларусі. Ганна Васілевіч, Радыё Рацыя. http://racyja.by/news/materyyaly/sotsyum/19224.html
09.09.2009
Суды над затрыманымі ўдзельнікамі акцыі пратэсту адбываюцца ў закрытым рэжыме
tyle="margin-top: 0; margin-bottom: 0"> 09.09.2009 Суды над затрыманымі ўдзельнікамі акцыі пратэсту адбываюцца ў закрытым рэжыме (дапаўняецца) У судзе Цэнтральнага раёна Менску пачынаюцца суды над затрыманымі 9 верасня ўдзельнікамі акцыі пратэсту супраць уводу расейскіх войскаў на тэрыторыю Беларусі. Яна праходзіла пад лёзунгам "Не – расейскай акупацыі! Жыве Беларусь!" Як паведамляюць праваабаронцы, усе тры паверхі будынку суда Цэнтральнага раёна Менска запоўненыя АМАПаўцамі. У памяшканьне не прапускаюць ні прадстаўнікоў СМІ, журналістаў, ні сваякоў затрыманых. Немагчыма звярнуцца са скаргай аб парушэньні працэсуальнага заканадаўства да старшыні суда: да яго не дапускаюць нікога. Кнігі скаргаў таксама не выдаюць. Фактычна, судовыя паседжаньні праходзяць у закрытым рэжыме. 11-20. Пасля тэлефанаванняў у прыёмную Цэнтральнага суда жонцы затрыманага Аляксандра Атрошчанкава і праваабаронцу Валянціну Стэфановічу дазволілі зрабіць запіс у Кнізе скаргаў і прапаноў. Яны адзначылі, што ў судзе адсутнічае інфармацыя аб суддзях і адміністрацыйных справах, якія будуць сёньня разглядацца і таму сваякі ня ведаюць, калі і дзе будуць судзіць іх блізкіх. Такія дзеяньні праваабаронцы расцэньваюць як грубае парушэньне дзеючага заканадаўства і Канстытуцыі Беларусі, згодна з якімі судовыя працэсы павінны быць адкрытымі для грамадскасьці. 11-25. Стала вядома, што пачаліся разгляды адміністрацыйных спраў Сяржука Карповіча (суддзя Казлова), Кастуся Іванова. На чацвертым паверсе судзяць Ірыну Пятрову, Віктара Івашкевіча, Аліну Радачынскую і Лемешава. 12.05. Ірыну Пятрову звінавацілі ў парушэньні арт. 23.34 КаАП і прысудзілі да штрафу ў памеры 5 базавыз велічынь, Варанецкі атрымаў 10 базавых велічынь. Усе 17 затрыманых абвінавачваюцца ва ўдзеле ў недазволеным масавым мерапрыемстве. А Зміцера Дашкевіча апроч таго вінавацяць у парушэньні часткі 1. арт 17.1 КаАП РБ (дробнае хулігаства) 12-14. Пад час слуханьня справы Сяржука Карповіча суддзя Казлова ў грубай форме выдаліла з залі праваабаронцу і юрыста Уладзіміра Лабковіча, заявіўшы пры гэты, што ў памяшканьні "для вас няма месца", хаця ў наяўнасьці заставалася каля дваццаці вольных месц. Міліцыянты выдалілі праваабаронцу сілай. 12-18. Суддзя Ясіновіч Л. пакараў штрафам у памеры 5 б.в. Якубоўскую Алесю. 12-30. Аляксандра Атрошчанкава пакаралі штрафам у памеры 15 базавых велічынь (арт 23.34) 12-45. Суддзя Свістунова аштрафавала Лемеша Уладзіміра на 7 базавых велічынь 12-46. Віктар Івашкевіч - 10 базавых, суддзя Карнюшка. 12-50. Зміцера Бародку, нягледзячы на ўчарашняе збіццё аштрафавалі на 25 базавых (частка 1 арт. 23.34 КаАП). Суддзя Ясіновіч Л. 12-55. Як паведамілі пакараныя штрафамі ўдзельнікі ўчорашняй акцыі, ў Цэнтральным РУУСе супрацоўнікі міліцыі прымусілі затрыманых стаяць ля сцяны чатыры гадзіны, пры гэтым некаторых моцна зьбівалі. Толькі пасьля гэтага ў затрыманых пачалі адбіраць рэчы і афармляць іх у турму на вуліцу Акрэсьціна. Паводле В.Івашкевіча, удзельнікаў акцыі зьбівалі па-садысцку ня толькі на плошчы, але і ў аўтобусе, увесь час міліцыянты нецэнзурна лаяліся і называлі сябе "карным органам". А Сержука Карповіча аштрафавалі на 10 б.в. 13-16. Суддзя Ганчар С. прысудзіла да штрафаў у памеры 15 б.в. Зміцера Бандарэнку і Аляксандра Атрошчанкава. 13-20. 5 базавых велічынь - Андрусю Крэчку, 10 б.в. - Канстанціну Іванову. 13-32. Аліне Радачынскай суддзя Свістунова В. прысудзіла 7 б.в. 13-58. Мікалая Спесіўцава суддзя Семак пакараў штрафам на 10 б.в. http://spring96.org/be/news/29641/
09.09.2009
Жорстка разагнаная акцыя на Кастрычніцкай
tyle="margin-top: 0; margin-bottom: 0"> 09.09.2009 Жорстка разагнаная акцыя на Кастрычніцкай Адразу па 18-й гадзіне пачалася зачыстка плошчы. Удзельнікаў акцыі "Не — расейскай акупацыі!" моцна зьбівалі, журналістам не давалі здымаць. Палову ўдзельнікаў затрымалі яшчэ на падыходах. Амаль ці ня большую палову ўдзельнікаў акцыі затрымалі прэвэнтыўна яшчэ на падыходах. З пункту лінейнага аддзяленьня міліцыі мэтрапалітэну на Кастрычніцкую плошчу вывялі чатырох затрыманых, пасьля таго, як прыехалі 10 спэцназаўцаў і сказалі, што ім патрэбна 4 чалавекі. Ім далі 4 патэнцыйных удзельнікаў акцыі, з зь якімі спэцназаўцы паехалі ў РУУС Цэнтральнага раёну Менску. Пазьней былі затрыманыя яшчэ сем актывістаў, сярод іх Зьміцер Дашкевіч, Зьміцер Касьпяровіч, Аксана Самуйлава, Сяржук Карповіч і Радыён Піражкоў. Колькасьць затрыманых пакуль удакладняецца. Вядома, што сярод затрыманых Віктар Івашкевіч, Зьміцер Бандарэнка, Аляксандар Атрошчанка, якіх вельмі моцна зьбілі ў часе затрыманьня. Іх літаральна цягнулі па зямлі ў спэцназаўскі аўтобус. Зьміцера Дашкевіча ў часе затрыманьня зьбілі і вывіхнулі руку. Зь міліцыі яго адвезьлі ў шпіталь, дзе яму ўправілі вывіх і зноў адвезьлі ў міліцыю Цэнтральнага раёну Менску. І гэта пры тым, што Зьміцер Дашкевіч нават не пасьпеў паўдзельнічаць у акцыі, бо яго, як і шмат каго іншых затрымалі прэвэнтыўна. Нягледзячы на тое, што акцыю вельмі жорстка разагналі, на Кастрычніцкай плошчы праз гадзіну пасьля гэтага працягвалі заставацца спэцназаўцы, узмоцненыя патрулі міліцыі, і нават міліцэйскае кіраўніцтва. А трохі пазьней зьявіліся прадстаўнікі службы бясьпекі Аляксандра Лукашэнкі. У горадзе і без таго шмат міліцыі ў сувязі зь візытам Уга Чавеса і футбольным матчам. Вельмі жорстка абышлася міліцыя і з журналістамі. Усе бачылі як два спэцназаўцы білі камэру апэратара польскага тэлебачаньня. Міліцыянты адарвалі аб'ектыў, пасьля чаго двойчы кінулі яе аб зямлю. Міліцыянты штурхалі іншых карэспандэнтаў і перашкаджалі ім здымаць. На 21-ю гадзіну ў міліцыі утрымліваюць 21 чалавека, двое зь іх — непаўналетнія. Паводле закону, затрыманых можна ўтрымліваць тры гадзіны, якія сканчаюцца акурат пасьля 9-й вечара. Некаторым затрыманым удалося перадаць сваякам, што яны пачулі з размоў міліцыянтаў, што нібыта супраць іх складуць пратаколы па абвінавачаньні ў дробным хуліганстве. А Зьмітра Дашкевіча, якога затрымалі прэвэнтыўна й вывіхнулі яму руку, абвінавацяць яшчэ ў супраціве міліцыянтам. Жонка затрыманага Сержука Карповіча паведаміла, што яе муж здолеў перадаць ёй інфармацыю пра тое, што ён і яшчэ некалькі чалавек знаходзяцца ў аддзяленьні міліцыі Цэнтральнага раёну. Сьведкі бачылі, як да міліцыі прыязджала хуткая дапамога, але міліцыянты сказалі, што мэдычная дапамога нікому не патрэбна. Заўтра ў судзе Цэнтральнага раёну пачнуцца суды. А пакуль 17 затрыманых павезьлі ў турму на Акрэсьціна. 2 непаўналетніх выпусьцілі. Сваякі ня здолелі перадаць цёплыя рэчы затрыманым. Міліцыянты таксама адмовіліся ўзяць ваду і прадукты. Любоў Лунёва, Радыё Свабода. http://www.svaboda.org/content/article/1818956.html?spec=2#relatedInfoContainer
09.09.2009
У Менску жорстка разагнаная акцыя пратэсту супраць уводу расейскіх войскаў
tyle="margin-top: 0; margin-bottom: 0"> 09.09.2009 У Менску жорстка разагнаная акцыя пратэсту супраць уводу расейскіх войскаў Збітыя і арыштаваныя дзесяткі апазіцыянераў, якія прынялі ўдзел у акцыі пад лозунгам «Не – расейскай акупацыі!». Некалькі дзесяткаў актывістаў апазіцыі вышлі сёння на Кастрычніцкую плошчу з транспарантамі «Расейская армія , go home!», «Не расейскім войскам у Беларусі!», узнялі нацыянальныя беларускія бел-чырвона-белыя сцягі. На ўдзельнікаў акцыі адразу ж накінуліся супрацоўнікі АМАПа ў форме і цывільным. У людзей сталі вырываць расцяжкі, а затым жорстка збіваць. Апазіцыянераў кідалі на зямлю, збівалі нагамі і дубінкамі. Шмат хто з арыштаваных атрымаў сур'ёзныя траўмы. Супрацоўнікі міліцыі збівалі таксама дзяўчат і жанчынаў. Нягледзячы на амапаўскія удары дубінак, ног і кулакоў, удзельнікі акцыі працягвалі скандаваць лозунг «Жыве Беларусь!». Арыштаваныя дзесяткі чалавек. Сярод затрыманых каардынатар грамадзянскай кампаніі «Еўрапейская Беларусь» Зміцер Бандарэнка, кіраўнік Менскай гарадской арганізацыі Партыі БНФ Віктар Івашкевіч, актывісты «Еўрапейскай Беларусі» Аляксандр Атрошчанкаў і Зміцер Бародка, лідэр «Маладога фронту» Зміцер Дашкевіч і шматлікія іншыя актывісты апазіцыі. Людзі спрабавалі стаць на плошчы некалькі разоў. Але кожны новы выхад з транспарантамі жорстка душыўся амапаўцамі. На плошчу пад'язджаў аўтазак, і дэманстрантаў везлі ў аддзяленні міліцыі. Перад пачаткам акцыі былі прэвентыўна затрыманыя больш за дзесяць апазіцыянераў. Такім чынам, агульная колькасць арыштаваных дэмакратычных актывістаў вылічаецца дзясяткамі. У дачыненні да актывістаў апазіцыі, дастаўленых у Цэнтральны РУУС Менска, былі складзеныя пратаколы па артыкуле 23.34 КоАП -- «парушэнне правілаў правядзення масавых мерапрыемстваў». Усіх затрыманых уначы адправілі ў турму на Акрэсціна. Акцыя пад лозунгам «Не – расейскай акупацыі!» праходзіла ў знак пратэсту супраць пачатку ваенна-стратэгічных вучэнняў «Захад-2009». Сёння ў Беларусь пачалі прыязджаць першыя эшалоны з расейскімі салдатамі. Адной з мэтаў вучэнняў называецца ліквідацыя ўзброеных канфліктаў, але беларускія дэмакраты ўпэўненыя, што вучэнні, якія маюць адбыцца, нясуць пагрозу незалежнасці Беларусі. Ніколі раней на тэрыторыю нашай краіны не ўваходзіла такая колькасць расейскіх вайскоўцаў – з 12,5 тысячаў салдатаў, якія задзейнічаныя у вучэннях, 6 тысячаў – расейцы. У той жа час рознымі палітычнымі кіраўнікамі Расеі не аднойчы заяўлялася пра магчымы ўвод расейскіх войскаў у Беларусь у выпадку пагрозы рэжыму Лукашэнкі. Хартыя'97. http://charter97.org/be/news/2009/9/9/21824/
08.09.2009
БНФ справакуе змены ва ўсёй апазіцыі?
tyle="margin-top: 0; margin-bottom: 0"> 08.09.2009 БНФ справакуе змены ва ўсёй апазіцыі? Змена кіраўніцтва Партыі БНФ можа прывесці да змены ўсёй беларускай апазіцыі. Еўрарадыё даведалася, якімі могуць быць гэтыя змены. Адразу па заканчэнні З'езда Партыі БНФ Вінцук Вячорка абвінаваціў рух "За Свабоду" ў "рэйдарскім захопе" Партыі БНФ з дапамогай змены кіраўніцтва. Намер новага кіраўніцтва не прымаць удзел у вылучэнні кандыдата ў прэзідэнты ў межах АДС сапраўды кажа за гэта, бо аслабляе пазіцыі кандыдата ад АДС перад Аляксандрам Мілінкевічам. Але намеснік кіраўніка руху "За Свабоду" Віктар Карняенка гэта адмаўляе. Віктар Карняенка: "Тое, што адбылося, яно ў значнай ступені аб'ектыўна. Але гэта рашэнне самастойнай незалежнай арганізацыі, і роля Руху ў гэтых працэсах вельмі моцна перабольшана". Праўда, адразу кажа, што прыход новых лідэраў у Фронт дазволіць ім стварыць патрыятычна-еўрапейскую кааліцыю. Віктар Карняенка: "Мы сёння знаходзімся больш блізка да рэалізацыі прапаноў Аляксандра Мілінкевіча па стварэнні кааліцыі патрыятычна-еўрапеска арыентаваных сіл. Не факт, што зможам, але зараз зрабіць гэта будзе лягчэй". Адразу ўзнікае два пытання: як карэктыроўка палітычнага курса БНФ адаб'ецца на ўзаемаадносінах з іншымі апазіцыйнымі партыямі? і ці пацягнуць змены ў БНФ за сабой змены ў іншых партыях? Лідэр АГП Анатоль Лябедзька кажа, што палітычныя рашэнні новае кіраўніцтва Фронту не прымала, губляць такіх партнёраў па барацьбе, як БНФ, яны не хочуць. Нават тады, калі фронтаўцы не толькі адмовяцца ад удзелу ў выбарах адзінага, але і ўвогуле вырашаць выйсці з АДС. Анатоль Лябедзька: "Будзе нейкая карэктыроўка ўзаемаадносін, але калі, да прыкладу, структура прымае актыўны ўдзел у прапагандзе "Антыкрызіснай платформы", на якую мы заангажаваныя, то мы будзем супрацоўнічаць. Калі мы будзем мець аднолькавыя погляды, як рэалізоўваць "Усходняе партнёрства" — таксама будуць кантакты". Лідэр камуністаў Сяргей Калякін кажа, што для іх нічога не змянілася, бо ўзаемадзеянне КПБ і БНФ не залежыць ад кіраўніцтва. Паводле яго слоў, камуністы і нацыянал-патрыёты вымушаныя будуць працаваць разам, нават калі апошнія выйдуць са складу АДС. Сяргей Калякін: "У сённяшніх умовах нам наканавана ўзаемадзейнічаць, каб змяніць сітуацыю ў Беларусі, змяніць палітычны рэжым і ўладу ў Беларусі. Без гэтага немагчыма дамагчыся мэтаў ні БНФ, ні Партыі камуністаў". Верагодна, што змены ў БНФ пацягнуць за сабой змену расстаноўкі сіл на ўсім палітычным полі краіны і змены ў іншых партыях. Але, да прыкладу, лідэр ПКБ упэўнены, што ў яго партыі такой раптоўнай змены пакаленняў у кіраўніцтве, як гэта адбылося ў БНФ, не будзе. Сяргей Калякін: "Я заяўляў пра тое, што можа неабходна каму іншаму кіраваць партыяй. Але сёння ў партыі ёсць кансенсус наконт таго, што кіраваць партыяй павінен той, хто яе сёння ўзначальвае". Нязменны лідэр АГП Анатоль Лябедзька таксама сцвярджае, што не баіцца гэтага. Анатоль Лябедзька: "У нас у кіраўніцтве каманда, а не персаналіі. Пакуль гэта каманда спраўляецца больш-менш нармалёва і таму ёсць падтрымка на ўсіх з'ездах. Альтэрнатыва перыядычна з'яўляецца, але яна не такая ўжо і моцная". Так разважаюць палітыкі. У сваю чаргу палітолаг Андрэй Казакевіч згодны з тым, што змена пакаленняў у кіраўніцтве БНФ была лагічнай. Але не выключае таго, што адмова БНФ удзельнічаць у абранні адзінага ад АДС на прэзідэнцкія выбары, альбо абранні партыйнага кандыдата ў прэзідэнты сыграе на руку Мілінкевічу. Андрэй Казакевіч: "Такая сітуацыя спрыяе Мілінкевічу. Бо ён ужо з'яўляецца фігурай і мае палітычны капітал. І будзе аслабляць яго канкурэнта ў межах апазіцыйнага поля". А палітычны аглядальнік, галоўны рэдактар "Беларускай дзелавой газеты" Пётр Марцаў раіць не спяшацца з высновамі. Пётр Марцаў: "Я б зараз высновы рабіць не стаў ні ў дачыненні да БНФ, ні ў дачыненні да Янукевіча, ні Мілінкевіча, ні АДС увогуле. Мы зараз маем справу з канструкцыяй палітычнага поля, якая абсалютна аджыла. Яна будзе мяняцца. Як — прадказаць складана, але мяняцца будзе". Тым больш, што, кажа ён, Мілінкевіч аб сваім гарантаваным удзеле ў прэзідэнцкай гонцы яшчэ не заяўляў. Зміцер Панямонаў, Еўрапейскае радыё для Беларусі. http://www.euroradio.fm/by/965/reports/37985/
08.09.2009
Брэсцкія чыноўнікі ўпрошваюць Лукашэнку адкласці Дажынкі
tyle="margin-top: 0; margin-bottom: 0"> 08.09.2009 Брэсцкія чыноўнікі ўпрошваюць Лукашэнку адкласці Дажынкі Падобна, што Кобрын не адужаў падрыхтоўкі Дажынак. Гарадскія будынкі аказаліся ў горшым стане, чым спадзяваліся, а грошай на маштабныя рамонт і будаўніцтва бракуе. Фэст-кірмаш "Дажынкі-2009", які раней быў запланаваны на другую дэкаду верасня, магчыма, будзе адкладзены. Будаўнікі не паспяваюць заліць лёд у новым хакейным палацы. Не скончаныя мантажныя працы ў аквапарку. Абодва аб'екты пачыналі ўзводзіць на беразе Мухаўца, і тады выкрыўся недагляд. На пляцоўцы аквапарка раней быў тартак, пасля якога на 5 метраў углыб назапасілася пілавіння і глею. Стандартныя палі не падышлі. Давялося пераносіць будоўлю ў іншае месца. Немалыя сродкі літаральна закапалі ў пілавінне. Паводле кардынацыйнага штаба фэсту, праблемы ёсць і на іншых аб'ектах. Першапачаткова задумалі рэканструкцыю Дома культуры. А калі кранулі старыя сцены, яны пахіснуліся. Давялося будаваць ДК фактычна наноў. Непасільнымі апынуліся і планы рамонту трох сотняў жылых дамоў. Спачатку іх сцяны ўцяплялі шклаватай, тынкавалі і фарбавалі. Цяпер бракуе сродкаў. Таму нават на цэнтральным пляцы Леніна цагліны ў сценах толькі забельваюць. А больш за 10 камунальных дамоў у горадзе наогул стаяць без дахаў. Адказваюць за будаўніцтва ў Кобрыне намеснік старшыні райвыканкама Павел Кірылюк і галоўны архітэктар Мікалай Уралец. Службоўцы не адмаўляюць, што з бюджэту былі выдаткаваныя паважныя сродкі - 330 млрд. рублёў, але іх не хапіла – матэрыялы падаражэлі як мінімум на 20%. Будаўнічую праграму давялося істотна скараціць. Эканоміць даводзіцца і на культурнай праграме свята. Былі спробы запрасіць у Кобрын спевакоў з Расіі - Льва Лешчанку, Алега Газманава, Надзею Кадышаву. Але тыя запрасілі ганарар ад 25 000 еўра і вышэй. Таму весяліць герояў жніва будуць беларусы (якім на Бацькаўшчыне прынята плаціць меней) – хор імя Цітовіча, вакальная група "Чысты голас", ансамбль "Бяседа" і яшчэ каля 2 тыс. салістаў і танцораў. Галіна Баравая, Еўрапейскае радыё для Беларусі. http://www.euroradio.fm/by/965/reports/37945/
08.09.2009
БНФ адмаўляецца ад ''праймерызу''
tyle="margin-top: 0; margin-bottom: 0"> 08.09.2009 БНФ адмаўляецца ад ''праймерызу'' Партыя БНФ будзе ініцыяваць стварэнне блока нацыянальна арыентаваных палітычных сіл. Аднак пакуль дакладна не вядома, ці будзе Фронт удзельнічаць у прэзідэнцкіх выбарах. Такія заявы зрабіў падчас сваёй першай прэс-канферэнцыі новаабраны старшыня партыі Аляксей Янукевіч. Як паведаміў Аляксей Янукевіч, сваімі паплечнікамі па новым блоку, які будзе грунтавацца на нацыцяльных і праеўрапейскіх каштоўнасцях, кіраўніцтва БНФ бачыць Беларускую хрысціянскую дэмакратыю, "Малады фронт", рух Аляксандра Мілінкевіча "За свабоду" і Беларускую сацыял-дэмакратычную Грамаду Станіслава Шушкевіча. Аднак што тычыцца самастойнага ўдзелу Партыі БНФ у наступных прэзідэнцкіх выбарах, то па гэтым пытанні кіраўніцтва Фронту яшчэ не вызначылася, гаворыць Аляксей Янукевіч: - Для нас сёння галоўным пытаннем з'яўляецца тое, паводле якіх правілаў яны будуць адбывацца. Калі яны будуць адбывацца па тых жа самых правілах, як і апошняя выбарчая кампанія, то бок пад поўным кантролем прэзідэнцкай вертыкалі, то мы не бачым мэтазгоднасці свайго ўдзелу ў сцэнарах, якія проста дапамагаюць легітымацыі Лукашэнкі. Паводле спадара Янукевіча, Фронт таксама адмаўляецца ад удзелу ў вылучэнні адзінага кандыдата ад дэмакратычных сіл праз працэдуру "праймерыза": - Мы нават патэнцыйна не можам дапусціць магчымасці, што Парты БНФ можа падтрымаць у якасці кандыдатаў у прэзідэнты асобаў, якія робяць заявы пра мэтазгоднасць ўвядзення расейскага рубля на тэрыторыі Беларусі, альбо заклікаюць прызнаць Паўднёвую Асетыю і Абхазію. Безумоўна, я маю на ўвазе лідэра Партыі камуністаў Беларускай Сяргея Калякіна. На сённяшні момант ягоная партыя актыўна ўдзельнічае ў працэдуры "праймерыза". Нават патэнцыйна ўваходзячы ў гэтую працэдуру Партыя БНФ мусіць браць на сабе абавязкі падтрымаць таго, хто ў ёй пераможа. І такая нават верагоднасць для нас не дапушчальная. Што тычыцца супрацоўніцтва ў межах Аб'яднаных дэмакратычных сіл, то тут пазіцыя новага кіраўніцтва Фронту больш стрыманая. БНФ застаецца ў кааліцыі, аднак зменшыць сваю актыўнасць ў ёй і нават панізіць узровень прадстаўніцтва. Гэта, паводле Аляксея Янукевіча, дазволіць сканцэнтраваць больш высілкаў на працы з людзьмі і культурніцка-асветніцкай дзейнасці. Кастусь Вансяцкі, Радыё Рацыя http://racyja.by/news/materyyaly/padzeya_dnya/19089.html
08.09.2009
Дабрачынны абед ад Міколы Чарнавуса
tyle="margin-top: 0; margin-bottom: 0"> 08.09.2009 Дабрачынны абед ад Міколы Чарнавуса Старшыня Баранавіцкага раённага свабоднага прафсаюза прадпрымальнікаў Мікола Чарнавус арганізаваў у верасні чарговы традыцыйны дабрачынны абед для маламаёмасных.На гэты раз ён арганізаваў абед у двары прыватнага дома для 14 чалавек, былых яго падначаленых. Абед з трох блюд – пельменяў, бліноў і кампоту абыйшоўся прадпрымальніку ў 120 тыс. рублёў. Але ў дадзеным выпадку для Чарнавуса галоўнае не грошы, што падцвердзіла ягоная былая падначаленая Таіса Кетко. Галоўнае для іх, як сказала Кетко, сабрацца пасля 20 гадоў разам, калі яны разыйшліся атрымаўшы пенсію.Былыя работнікі ўдзячны Чарнавусу за тое, што сабраў іх за адным сталом на свежым паветры. Надвор'е такое добрае, як і наш Мікалай Дмітравіч,- сказала Кетко. І абед усім спадабаўся. Не кожны дзень пенсіянеры з пенсіяй у 300-320 тысяч могуць дазволіць сабе пельмені. Лекі забіраюць многа грошай, аплата камунальных, а з ежай як прыдзецца,- сумна дзеліцца пенсіянерка набалелым. Яшчэ яна ўспомніла, як ў тыя гады іх кіраўнік Чарнавус не забываў павіншаваь іх з Днямі народзінаў, як арганізоўваў іх сумесны адпачынак. Па словах прыйшоўшых на дабрачынны абед, ён клапаціўся пра сваіх падначаленых не на словах, а на справе. Ганна Васілевіч, Радыё Рацыя. http://racyja.by/news/materyyaly/sotsyum/19098.html
08.09.2009
Госьць онлайн-канфэрэнцыі – Аляксей Янукевіч
tyle="margin-top: 0; margin-bottom: 0"> 08.09.2009 Госьць онлайн-канфэрэнцыі – Аляксей Янукевіч У сераду 9 верасьня а 12-ай гадзіне на вашыя пытаньні адкажа старшыня Партыі БНФ Аляксей Янукеквіч. Напярэдадні канфэрэнцыі Аляксей Янукевіч сказаў Радыё Свабода: "На апошнім зьезьдзе БНФ у чарговы раз пацьвердзіў, што гэта -- партыя, дзе працавалі і працуюць дэмакратычная мэханізмы, дзе здольныя вырашаць нават самыя вострыя пытаньні праз нармальную працэдуру і дэмакратычным, цывілізаваным шляхам.Я безумоўна вельмі рады, што пераважная большасьць дэлегатаў падтрымалі курс на абнаўленьне партыі, на выхад у грамадзтва і спадзяюся, што гэты выхад наш сапраўды адбудзецца і будзе плённым. А калі казаць пра камэнтары, дык, можа быць, для мяне найбольш важнымі былі камэнтары на тых інфармацыйных рэсурсах, якія, скажам, не надаюць ўвагі шмат дзейнасьці апазыцыі (напрыклад, tut.by), бо гэта менавіта той сыгмэнт беларускага грамадзтва, да якога мы зьбіраемся перад усім зьвяртацца і які мы хочам заваяваць, і там камэнтары, пераважна, пазытыўныя. Факт які сёньня ёсьць - у Фронце новае кіраўніцтва, новая лінія. Фронт кладзецца на курс у шырокае грамадзтва дзеля заваяваньня ягонай падтрымкі, і я спадзяюся, што мы дасягнем посьпеху ў гэтым". Радыё Свабода http://www.svaboda.org/content/article/1816816.html
07.09.2009
Старшынём Партыі БНФ абраны Аляксей Янукевіч
tyle="margin-top: 0; margin-bottom: 0"> 07.09.2009 Старшынём Партыі БНФ абраны Аляксей Янукевіч На з'ездзе Партыі БНФ у суботу быў абраны новы старшыня — 33-гадовы Аляксей Янукевіч. За яго прагаласавалі 174 дэлегаты, за Баршчэўскага — 144 Намеснікамі Янукевіча абраныя Кастусёў і Лялькоў З'езд Партыі БНФ зацвердзіў намеснікамі старшыні Аляксея Янукевіча прапанаваныя ім кандыдатуры — Рыгора Кастусёва і Ігара Лялькова. Уладзімір Лабковіч які адпачатку ішоў у камандзе Янукевіча, як намеснік, не быў прапанаваны на гэтую пасаду. Пытанне ўдзелу Партыі БНФ у прэзідэнцкіх выбарах вырашыць наступны з'езд З'езд Партыі БНФ вырашыў, што пытанне ўдзелу партыі ў прэзідэнцкіх выбарах вырашыць наступны з'езд, які мусіць быць скліканы не пазней за красавік 2010 года. Лявон Баршчэўскі заявіў, што не будзе балатавацца на пасаду прэзідэнта Пасля паражэння на выбарах старшыні Партыі БНФ Лявон Баршчэўскі заявіў, што не будзе балатавацца на пасаду прэзідэнта краіны. Дагэтуль, ён заявіў, што ніводных выбараў яшчэ не прайграў. На з'ездзе Партыі БНФ выбіраецца склад Сойма і зацверджваюцца намеснікі старшыні Склад Сойма выбіраецца на з'ездзе Партыі БНФ. Таксама мусяць быць зацверджаныя намеснікі новаабранага старшыні Аляксея Янукевіча. Таксама з'езд абмяркуе ўдзел партыі ў будучых прэзідэнцкіх выбарах. Даведка Еўрарадыё: Аляксей Янукевіч — палітык, эканаміст. 33 гады. У 1997 годзе скончыў Беларускі дзяржаўны эканамічны універсітэт па спецыяльнасці "кіраванне знешнеэканамічнай дзейнасцю". У Партыі БНФ ужо 13 гадоў. Намеснікам старшыні быў абраны ў 2003 годзе. У кандыдатаў на пасаду старшыні Партыі БНФ — розныя погляды на далейшую партыйную стратэгію У кандыдатаў на пасаду старшыні Партыі БНФ — Лявона Баршчэўскага і Аляксея Янукевіча — розныя погляды на далейшую партыйную стратэгію. Выступаючы перад дэлегатамі з'езда з праграмнай прамовай, дзейны старшыня партыі Лявон Барчшэўскі заявіў, што ў выпадку свайго абрання ён мае намер прапанаваць перабудаваць механізм кіраўніцтва партыяй. "За старшынёй я маю намер пакінуць паўнамоцтвы па кіраванні камісіяй па выбарах прэзідэнта, якая павінна будзе кіраваць выбарчай кампаніяй кандыдата ў прэзідэнты ад партыі, скліканні соймаў, а таксама прадстаўніцкую функцыю ў міжнародных і замежных структурах. 95% працы будучага старшыні партыі, на маю думку, павінна быць накіравана на прасоўванне будучага кандыдата ў прэзідэнты ад партыі", — заявіў Баршчэўскі. Варта адзначыць, што сам Баршчэўскі з'яўляецца найбольш верагодным кандыдатам у прэзідэнты. 20 чэрвеня агульны сход членаў Партыі БНФ падтрымаў яго вылучэнне кандыдатам у прэзідэнты, аднак канчатковае рашэнне павінен прыняць сённяшні з'езд. У якасці трох намеснікаў старшыні партыі Баршчэўскі прапанаваў кандыдатуры Віктара Івашкевіча (арганізацыйныя пытанні), Вінцука Вячоркі (міжнародны кірунак) і актывіста партыі з Кобрына Аляксандра Меха (рэгіянальная работа). Другі кандыдат на пасаду кіраўніка Партыі БНФ Аляксей Янукевіч, які цяпер з'яўляецца намеснікам старшыні, заявіў, што партыя ў першую чаргу павінна быць больш моцнай, папулярнай і прывабнай для людзей. "Я з'яўляюся рэальным, а не тэхнічным кандыдатам на пасаду старшыні Партыі БНФ і не буду абмяжоўваць свае функцыі як тэхнічны кіраўнік партыі. Я перакананы, што партыя павінна стаць рэальнай сілай, якая зможа ў будучыні змагацца за ўладу і прыйсці да ўлады. Мы не павінны плесціся ў хвасце розных ініцыятыў, дзе Партыя БНФ была б на другіх ролях", — заявіў Янукевіч. Ён перакананы, што ўнутрыпартыйная барацьба з чысціню радоў павінна быць завершана як мага хутчэй. "І, адпаведна, камісія па партыйнай дысцыпліне, створаная ў партыі з падачы цяперашняга кіраўніцтва, павінна спыніць сваю дзейнасць. Хопіць адмяжоўвацца ад нашых членаў і ствараць з сяброў ворагаў", — сказаў Янукевіч. На з'ездзе Партыі БНФ прайшло галасаванне па кандыдатурах на пасаду старшыні. Дэлегаты мусяць выбраць новага партыйнага кіраўніка — дзейнага старшыню Лявона Баршчэўскага альбо Аляксея Янукевіча. Чакаецца абвяшчэнне вынікаў. Баршчэўскі і Янукевіч прапанавалі кандыдатуры намеснікаў Прэтэндэнт на пасаду старшыні Партыі БНФ Лявон Баршчэўскі прапанаваў кандыдатуры трох намеснікаў: Віктара Івашкевіча, Вінцука Вячоркі і Аляксандра Меха. Аляксей Янукевіч прапанаваў наступныя кандыдатуры намеснікаў — Рыгора Кастусёва і Ігара Лялькова. Івашкевіч адмовіўся і прапанаваў на старшыню Баршчэўскага Пасля заканчэння спрэчак пачалося вылучэнне прэтэндэнтаў на пасаду старшыні Партыі БНФ. Віктар Івашкевіч адзін з дваіх прэтэндэнтаў, нечакана адмовіўся ад далейшай барацьбы і прапанаваў кандыдатуру дзейнага старшыні Лявона Баршчэўскага. Уладзімір Лабковіч прапанаваў кандыдатуру Аляксея Янукевіча. Івашкевіч саступіў права змагацца за пасаду старшыні Баршчэўскаму На з'ездзе прайшлі выступы па справаздачных дакладах старшыні партыі і яго намеснікаў, аднак выступоўцы пераважна агітавалі за пэўны накірунак далейшага развіцця партыі. Чакаецца, што пасля заканчэння спрэчак пачнецца вылучэнне кандыдатаў З'езд Партыі БНФ выбярэ кіраўніцтва, а пасля абмяркуе ўдзел у выбарах На з'ездзе Партыі БНФ, які праходзіць у Мінску, прайшла дыскусія па змесце павесткі дня. Старшыня партыі Лявон Баршчэўскі прапанаваў спачатку вызначыцца, ці будзе фронт вылучаць свайго кандыдата ў прэзідэнты краіны. Калі будзе станоўчае рашэнне, вызначыць і кандыдата (ці кандыдатаў). Усе астатнія пытанні, як выбары кіраўніцтва Партыі БНФ, Баршчэўскі прапанаваў вырашыць толькі пасля гэтага, матывуючы тым, што інакш можа не быць кворуму (пасля выбару кіраўніцтва частка дэлегатаў сыйдзе). Супраць выступіў сябра Сойму Ігар Лялькоў, які падкрэсліў, што з'езд — справаздачна-выбарны і ўсе іншыя пытанні — другасныя і мусяць разглядацца па чарзе пасля вырашэння галоўнага — выбару новага кіраўніцтва партыі. У выніку, прайшло галасаванне. Большасць дэлегатаў падтрымалі прапанову Лялькова (164 — "за", 127 — "супраць"). Лявон Баршчэўскі атрымаў яшчэ адну тактычную паразу на сённяшнім з'ездзе. Алесь Міхалевіч заявіў пра свае прэзідэнцкія амбіцыі З'езд Партыі БНФ быў нечакана "часова прыпынены" і старшыня Лявон Баршчэўскі аб'явіў, што "часова распачынаецца" з'езд грамадскага аб'яднання БНФ "Адраджэнне". Адразу ж слова атрымаў Алесь Міхалевіч, які раней быў выключаны з партыі пры актыўным удзеле Лявона Баршчэўскага. Міхалевіч, які пасля мінулага з'езда паўгады быў намеснікам старшыні Партыі БНФ, даў справаздачу пра сваю дзейнасць. У сваім выступе ён раскрытыкаваў Баршэўскага. А ў канцы выступа заявіў, што збіраецца балатавацца на пасаду прэзідэнта Беларусі. Пасля выступу Алеся Міхалевіча зноў аднавіў працу з'езд Партыі БНФ. Варта адзначыць, што ў пачатку з'езда Партыі БНФ з прапановай даць слова Міхалевічу выступіў Юрась Губарэвіч, але Лявон Баршчэўскі і Віктар Івашкевіч з гэтым не пагадзіліся. Аднак прыхільнікам Міхалевіча ўдалося дамагчыся яго выступу праз "часовае" правядзенне з'езда грамадскага аб'яднання БНФ "Адраджэнне" (усе дэлегаты маюць два мандаты для ўдзелу ў абодвух з'ездах). Павел Севярынец не выключае, што будзе створаны "нацыянальны" АДС Адзін лідэраў аргкамітэта па стварэнні партыі "Беларуская хрысціянская дэмакратыя" Павел Севярынец не выключае, што пасля з'езда Партыі БНФ можа быць створаны новы АДС з дадаткам у назве — "нацыянальны". На яго думку, найперш у гэтае аб'яднанне дэмакратычных сілаў маглі б увайсці Партыя БНФ, БХД і Рух "За Свабоду". На з'ездзе Партыі БНФ, які праходзіць у Мінску, было зачытанае вітальнае слова былога палітвязня Аляксандра Казуліна, які не змог прысутнічаць на мерапрыемстве па сямейных абставінах. З вітальнымі словамі выступілі госці з'езда Станіслаў Шушкевіч, Павел Севярынец, Леў Марголін, Аляксандр Ярашук і Аляксандр Мілінкевіч. Усе вітанні былі караценькімі, даўжэй выступаў лідэр руху "За Свабоду". Аляксандр Мілінкевіч найперш адказаў, чаму яго рух скептычна ставіцца да працэдуры абрання адзінага кандыдата ад АДС на прэзідэнцкія выбары. Звяртаючыся да дэлегатаў з'езда, ён задаў пытанне, адзначыўшы, што адказаўшы на яго, прысутныя зразумеюць і пазіцыю руху "За Свабоду". Мілінкевіч: Калі раптам АДС сваёй працэдурай абярэ кандыдата, які будзе за тое, каб Беларусь аб'яднаць з Расіяй, за тое, каб у нас увесці расійскі рубель і г.д., ці можам мы гарантаваць, што падтрымаем гэтага кандыдата? Вядома, не можам, не мы, ні БНФ. Народны паэт Беларусі Рыгор Барадулін прачытаў верш, прысвечаны Партыі БНФ У сталічным Палацы культуры Трактарнага завода ў суботу праходзіць з'езд Партыі БНФ, на якім мусіць быць абранае новае кіраўніцтва. На пачатку мерапрыемства дэлегатам з'езда быў паказаны відэазапіс выступлення народнага паэта Беларусі Рыгора Барадуліна, які перадаў прывітанні і прачытаў верш, прысвечаны Партыі БНФ. Дзядзька Рыгор не змог асабіста прысутнічаць на з'ездзе па стане здароўя. Адзначым, што Рыгор Барадулін быў сябрам 1-га Сойма БНФ. Новы старшыня Партыі БНФ будзе абраны праз некалькі гадзінаў 5 верасня ў Палацы культуры МТЗ праходзіць XI з'езд Партыі БНФ. Нягледзячы на перашкоды з боку ўладаў, абіраць новага старшыню партыі ў Мінск завіталі каля 350 дэлегатаў з усёй Беларусі. Нагадаем, цяперашні лідэр Партыі БНФ Лявон Баршчэўскі неаднаразова заяўляў пра тое, што не будзе балатавацца на наступны тэрмін. За вакантную пасаду канкуруюць намеснікі сп Баршчэўскага – Віктар Івашкевіч і Аляксей Янукевіч. Аляксей Янукевіч у сваёй праграме робіць акцэнт на перамены, што дазволяць партыі дасягнуць еднасці і самастойнасці. Віктар Івашкевіч жа канцэнтруецца на вылучэнні і прасоўванні "фронтаўскага" кандыдата на прэзідэнцкія выбары 2011 года. Газета "Наша Ніва" мяркуе, што не выключанае і вылучэнне 3-га кандыдата — Вінцука Вячоркі. Але пакуль ён пра гэта не заяўляў. Еўрапейскае радыё для Беларусі. http://www.euroradio.fm/by/963/reports/37895/
07.09.2009
Янукевіч: неўзабаве пачнем перамовы па стварэнні нацыянальнай кааліцыі
tyle="margin-top: 0; margin-bottom: 0"> 07.09.2009 Янукевіч: неўзабаве пачнем перамовы па стварэнні нацыянальнай кааліцыі Да пачатку сваёй першай у якасці старшыні Партыі БНФ прэс-канферэнцыі Аляксей Янукевіч даў эксклюзіўнае інтэрв'ю Еўрарадыё Еўрарадыё: "Пра што вы перш за ўсё хацелі б распавесці журналістам і з якімі словамі звярнуцца да сваіх аднапартыйцаў?" Аляксей Янукевіч: "Першы тэзіс, які мы сёння хочам данесці і да людзей, і да журналістаў — што БНФ заўсёды гаварыў людзям праўду і збіраемся гэтага трымацца. Мы збіраемся быць максімальна шчырымі з людзмі. Мы мусім прызнаваць тыя памылкі, якія Партыя рабіла ў апошнія гады. Прызнаваць, што наш уплыў на сённяшнюю палітычную сітуацыю не вельмі істотны, але ў нашых планах памяняць гэтую сітуацыю. Партыя БНФ перадусім застаецца партыяй каштоўнасцяў і нацыянальных інтарэсаў, якія б ярлыкі нам апошнім часам не спрабавалі навязаць. Што ў нас пераважыла нейкая прагматычная лінія. Безумоўна, пераважыла лінія, скіраваная на дасягненне вынікаў, але сутнасць Фронту не змяняецца. Асноўныя накірункі, па якіх мы плануем праводзіць працу — гэта зварот да людзей з сацыяльна-эканамічнымі тэмамі, давядзенне нашага бачанне, як гэтыя праблемы можна вырашаць. І іншыя пытанні, звязаныя з нацыянальнымі інтарэсамі". Еўрарадыё: "Як вы ставіцеся да слоў Вінцука Вячоркі пра тое, што з прыходам новага кіраўніцтва адбыўся "рэйдэрскі захоп" БНФ? Аляксей Янукевіч: "Я лічу, што гэтыя словы былі сказаны не пад уздзеяннем розума, а пад уздзеяннем эмоцый. Шкада, што такія словы былі сказаны — яны гучаць як абраза для дэлегатаў з'езду, для усіх сябраў партыі. Спадзяюся, што эмацыйная хваля сыйдзе і такіх заяваў больш не будзе". Еўрарадыё: "БНФ будзе выходзіць з сённяшняга АДС?" Аляксей Янукевіч: "Выходзіць ці не выходзіць з АДС — гэта тэхнічнае пытанне для нас. Для таго, каб будаваць уласныя планы і канцэнтравацца на партыйнай дзейнасці, не патрабуецца выхад з АДС. Але на сённяшні момант, на нашу думку, сама ідэя АДС моцна дэградуе і таму мы ў значнай ступені зменшым наш удзел у планаванні супольных дзеянняў у межах АДС. Перадусім нам трэба ствараць уласныя планы і дзейнічаць па іх". Еўрарадыё: "У размове з Еўрарадыё сустаршыня БХД Павел Севярынец сказаў, што ў бліжэйшы час магчыма стварэнне Аб'яднаных нацыянальных дэмакратычных сілаў. Найперш туды ўвойдуць БНФ, БХД і рух "За свабоду!". Сапраўды плануецца такая кааліцыя? Аляксей Янукевіч: "Я лічу сам прынцып ідэі планавання супольнай дзейнасці і стратэгіі ўсіх нацыянальна-патрыятычных дэмакратычных сілаў — гэта правільны накірунак. Мы ў бліжэйшы час пачнем перамовы па стварэнні такого блока". Еўрарадыё: "Агучце стаўленне новага кіраўніцтва БНФ да будучай прэзідэнцкай кампаніі і свае прэзідэнцкія амбіцыі?" Аляксей Янукевіч: "Па тых правілах, па якіх адбываліся апошнія прэзідэнцкія кампаніі, удзельнічаць у гэтых выбарах не мае сэнсу. З'езд даручыў новаму кіраўніцтву распачаць кампанію за змены ў Выбарчы кодэкс і практыку яго прымянення. Перадусім — удзелу нашых прадстаўнікоў у выбарчах камісіях і далучанасці да падліку галасоў. Невялікі, але шанец, каб гэтага дамагчыся, ёсць. Што тычыцца маіх амбіцый, то праз паўтары гады 35 гадоў мне не будзе, таму гэта на будучую перспектыву". Еўрарадыё: "Ці будзеце вы ініцыяваць працэдуру вяртання ў партыю вашага сябра Алеся Міхалевіча?" Аляксей Янукевіч: "Сам ініцыяваць не буду. Калі будзе такая ініцыятыва зыходзіць ад Алеся, то я гатовы яе падтрымаць". Еўрарадыё: "Які партыйны лёс чакае вашых супернікаў на выбарах старшыні Партыі БНФ Івашкевіча і Вячорку?" Аляксей Янукевіч: "Я спадзяюся, што яны далучацца да выканання нашага супольнага плана ў якасці кіраўнікоў камісій, кіраўнікоў пэўных накірункаў дзейнасці. Яны маюць вялікі досвед працы і кантакты. Я буду рабіць усё, каб яны далучыліся да працы". Еўрарадыё: "Пэўныя палітолагі ўжо выказалі меркаванне, што новае кіраўніцтва БНФ будзе весці пагаджальніцкую палітыку з уладамі"… Аляксей Янукевіч: "Гэта лухта! Мы будзем скіроўваць сваю палітыку на тое, каб як мага хутчэй, маючы падтрымку людзей, памяняць існуючую ўладу". Еўрарадыё: "У папярэдняга кіраўніцтва было шмат нараканняў на тое, што пэўныя людзі з кіраўніцтва партыі актыўна ўдзельнічаць у працы, да прыкладу, руха "За Свабоду!". Новы намеснік старшыні Ігар Лялькоў таксама адзначыўся актыўнай працаў у кампаніі "Будзьма!" Як вы ставіцеся да такой працы "на лева"?" Аляксей Янукевіч: "Калі людзі паймаюцца дзейнасці палітычнай, грамадскай па-за партыяй, то гэта праблема не гэтых людзей, а кіраўніцтва. Проста трэба больш людзей працай, якая будзе іх натхняць. Спадзяюся, мы гэта зробім". Еўрарадыё: "Сёння ў вас два намесніка — Лялькоў і Кастусёў. Яшчэ будуць?" Аляксей Янукевіч: "Мы не можам іншых намеснікаў дабіраць — гэта толькі з'езд робіць. Два намесніка, якія абраныя — цягам 2 гадоў будуць толькі яны". Еўрапейскае радыё для Беларусі. http://www.euroradio.fm/by/965/reports/37932/
07.09.2009
Новы старшыня Партыі БНФ - Аляксей Янукевіч
tyle="margin-top: 0; margin-bottom: 0"> 07.09.2009 Новы старшыня Партыі БНФ - Аляксей Янукевіч Новым старшынём Партыі БНФ абраны Аляксей Янукевіч. За яго прагаласавалі 174 дэлегаты з'езду. Яго супернік, дзейсны старшыня Лявон Баршчэўскі набраў 144 галасы. Галоўнае адрознінне пазіцый кандыдатаў тычыцца стаўлення да ўдзелу БНФ у будучых прэзідэнцкіх выбарах, а таксама ўдзел партыі ў АДС. Спадар Баршчэўскі прапанаваў сваю кандыдатуру на пасаду прэзідэнта ад Партыі БНФ. Тады б галоўная задача партыі была - ўдзел у выбарах, а Аляксей Янукевіч прапанаваў амаладзіць кіраўніцтва партыі і скіраваць сілы на працу з людзьмі.Палітык не выключае, што на выбарах партыя можа падтрымаць і іншага кандыдата ад імя БНФ. Янукевіч выказаўся таксама за выхад партыі з АДС і стварэнне кааліцыі нацыянальна арыентаваных сілаў. У выніку, для дэлегатаў больш аргументаванай пазіцыяй падалася пазіцыя Янукевіча і як вынік яго перамога. Кастусь Ванцяцкі, Радыё Рацыя, Менск. Аляксей Янукевіч нарадзіўся 30 чэрвеня 1976 года ў Менску. Скончыў Беларускі дзяржаўны эканамічны ўніверсітэт (1997), спецыялізацыя – кіраванне знешнеэканамічнай дзейнасцю; вучыўся ў аспірантуры БДЭУ (2003-2004). Працаваў выкладчыкам эканомікі ў Нацыянальным дзяржаўным гуманітарным ліцэі імя Якуба Коласа (2002-2003), намеснікам генеральнага дырэктара сумеснага прадпрыемства "Аркадзія" (2004-2005). Сябра Партыі БНФ (з 1996), сябра Сойму Партыі БНФ (з 1999), намеснік старшыні Партыі БНФ (з 2003). Быў дэлегатам устаноўчага сойму "Маладога фронту" (1997), сябрам цэнтральнай рады (1997-2000), намеснікам старшыні (1999-2000). Вылучаўся кандыдатам у дэпутаты на выбарах у мясцовыя Саветы 2003 і 2007 гадоў, у Палату прадстаўнікоў Нацыянальнага сходу Рэспублікі Беларусь – у 2004 і 2008. Пад час прэзідэнцкіх выбараў быў даверанай асобай адзінага кандыдата ад АДС, біяграфія паводле "Радыё Свабода" Фота: "Радыё Свабода" Хроніка працы XII - га з'езду Партыі БНФ і Грамадскага аб'яднання " БНФ- Адраджэнне": Аляксандр Мілінкевіч заклікаў сябраў Беларускага народнага фронту не падтрымліваць ідэю аб'яднаных дэмакратычных сілаў па выбары адзінага кандыдата на прэзідэнцкую кампанію 2011 году – старшыня Руху "За свабоду" задаў рытарычнае пытанне, што ж рабіць сябрам фронту, калі такім кандыдатам будзе абраны прарасейскі палітык, які ужо цяпер падтрымаў Расійскую агрэсію у Грузіі. - Перш за усё мы павінныя гуртавацца вакол пэўнай ідэі. Для нас гэта ідэя – гэта нацыянальная ідэя, таму і разглядаць асобы кандыдатаў у прэзідэнцтва мы з вамі мусім менавіта праз яе прызму, праз прызму таго, што для нас з'яўляецца сапраўднымі каштоўнасцямі, - адзначыў палітык. Напачатку з'езду ў інтэрв'ю Рацыі Аляксандр Мілінкевіч адзначыў, што не будзе публічна выказвацца на карысць каго-небудзь з кандыдатаў на пасаду старшыні фронту. Барыс Гарэцкі, Радыё Рацыя, Менск. Лявон Баршчэўскі заяўляе, што гатовы да абрання сябе сёння ў якасці кандыдата ад партыі на прэзідэнцкія выбары 2011 года. - Павінен засведчыць, што нашая арганізацыя моцная і што яна самастойная - гэта галоўнае. Я думаю, што настрой адпаведны і з'езд і павінен гэта засведчыць. Я заўсёды гатовы, канечне, але як вырашыць з'езд - так і будзе. Не важна каго. Я лучу, што павінен быць партыйны кандыдат. Лявон Баршчэўскі таксама адзначыў, што сёння па пасадзе старшыні фронту будзе падтрымліваць свайго цяперашнега намесніка Віктара Івашкечіва. Барыс Гарэцкі, Радыё Рацыя, Менск. Здымачная група беларускага тэлебачання не змагла патрапіць на з'езд Партыі БНФ – паводле рашэння Управы фронту, што было прынятае напярэдадні партыйнага форуму, ахова не дапусціла ў залю карэспандэнтаў, якія ужо не раз вызначаліся сваімі непраўдзівымі сюжэтамі. Перад пачаткам з'езду супрацоўнікі каналу ўвайшлі ў будынак, дзе праходзіць мерапрыемства і паспрабавалі здымаць тое, што адбываецца. Пасля гэтага адразу да іх падышлі партыйныя ахоўнікі і прымусілі пакінуць будынак па колькі яны не маюць акрэдытацыю на мерапрыемства. - Управай было вырашана не акрэдытоўваць электронныя СМІ, дзяржаўныя. Для таго, каб не дапусціць правакацыяў, адмысловых сюжэтаў. Як растлумачыла Рацыі прэс-сакратар Партыі БНФ Кацярына Маркоўкая, карэспандэнты першага тэлеканала нават не паспрабавалі атрымаць гэтую акрэдытацыю. Барыс Гарэцкі, Радыё Рацыя. http://racyja.by/news/materyyaly/padzeya_dnya/19007.html
07.09.2009
Янукевіч: «Нічога страшнага не адбываецца, партыю не зьбіраюцца прадаваць»
tyle="margin-top: 0; margin-bottom: 0"> 07.09.2009 Янукевіч: «Нічога страшнага не адбываецца, партыю не зьбіраюцца прадаваць» Першае інтэрвію на пасадзе старшыні партыі БНФ Аляксей Янукевіч даў «Радыё Свабода». - Што вы адчуваеце ў гэты момант, адразу пасьля перамогі – радасьць, хваляваньне, пачуцьцё адказнасьці? - Пачуцьцё адказнасьці самае моцнае. Таксама ёсьць шкадаваньне ад таго, што шмат якія прадстаўнікі нашай фронтаўскай эліты, больш сталага пакалення адмовіліся вылучацца ў Сойм. Не скажу, што гэта мяне бянтэжыць, але гэта сумны для мяне факт і зараз я думаю, як можна гэтых людзей прыцягнуць да актыўнай партыйнай дзейнасьці ў будучыні. Я спадзяюся, калі яны пабачаць, што нічога страшнага з партыяй не адбываецца, нікому партыю не зьбіраюцца прадаваць (на жаль, шмат якіх непраўдзівых стэрэатыпаў было запушчана) – то гэтая першая эмацыйная хваля сыдзе і яны далучацца да працы. Можа, не з усімі атрымаецца наладзіць зноў добрыя працоўныя стасункі, але я буду прыкладаць да гэтага ўсе намаганьні, буду асабіста зь імі размаўляць. Буду прапаноўваць некаторым зь іх узначаліць камісіі Фронту. Спадзяюся, што праз некалькі месяцаў іхнія нэгатыўныя эмоцыі саступяць месца адказнасьці і партыйнаму патрыятызму. Але, безумоўна, ёсьць і задавальненьне тым, што большасьць дэлегатаў абрала новы курс, абрала шлях наперад. І людзі, якія мяне падтрымалі, я спадзяюся, далучацца да вырашэньня новых задач партыі. - Якімі будуць вашы першыя крокі на пасадзе старшыні? - У панядзелак зьбярэм кіраўніцтва партыі з удзелам рэгіянальных кіраўнікоў. У найбліжэйшы час мы павінны заняцца кампаніяй дзеля зьменаў у заканадаўства аб выбарах, а таксама зьвярнуцца да грамадзтва з нацыяльна-эканамічнымі праблемамі. - Вы ўжо казалі пра міты і стэрэатыпы, але яны гучаць нават з вуснаў дэлегатаў зьезду тут, у кулюарах. Што вы адкажаце тым, хто сьцьвярджае, што БНФ ляжа пад рух Мілінкевіча «За свабоду»? - Ведаеце, я нават не лічу, што пасьля зьезду трэба нешта казаць такім людзям. Я думаю, што справамі ў вельмі хуткім часе мы здолеем прадэманстраваць, што партыя, наадварот, будзе выходзіць з ценю іншых палітычных сілаў і набываць сваё ясна выразнае аблічча. Я думаю, мае справы адкажуць гэтым людзям. - Вы ўжо 6 гадоў былі намесьнікам Старшыні партыі БНФ, але па-за рамкамі БНФ вы зусім мала вядомы як палітык. Вы таксама менш вядомыя ,чым кіраўнікі іншых апазыцыйных партыяў. Што вы будзеце рабіць, каб выходзіць на агульнанацыянальны ўзровень? - Я лічу гэта вялікім плюсам. Бо старое пакаленьне ў дэмакратычных партыях жорстка асацыявалася з назвамі сваіх партыяў, з пэўнымі стэрэатыпамі. Я пакуль першы прадстаўнік маладога пакаленьня беларускіх палітыкаў, які ўзначаліў партыю, мяркую, гэта наперадзе ў іншых партыях. Гэта ёсьць моцным маім плюсам, каб здабыць прыхільнасьць у грамадзтве. Гэта, з аднаго боку, прыцягне ўвагу людзей, а зь іншага – пэўныя стэрэатыпы, якія замацаваліся за апазыцыйнымі лідэрамі за шмат гадоў, яны не распаўсюджваюцца на менш вядомых асобаў, такія як я. І гэта дае магчымасьць пазыцыянаваць сябе ў шырокім грамадзтве «з чыстага ліста», што заўсёды прасьцей, чым ламаць і мяняць нейкія стэрэатыпы. Хартыя'97 http://charter97.org/be/news/2009/9/7/21728/
07.09.2009
Палітыкі пра абраньне Янукевіча: «Час пакажа»
tyle="margin-top: 0; margin-bottom: 0"> 07.09.2009 Палітыкі пра абраньне Янукевіча: «Час пакажа» Анатоль Лябедзька, Сяргей Калякіні, Станіслаў Шушкевіч і Павал Севярынец камэнтуюць абраньне Аляксея Янукевіча на пасаду старшыні партыі БНФ. У каментары для «Радыё Свабода» старшыня АГП Анатоль Лябедзька сказаў, што «новая мятла па-новаму мяце». «Усё вырашаюць дэмакратычныя працэдуры. Калі большасьць дэлегатаў вырашылі, што гэта так, то ўсе астатнія павінны паважаць абраных праз дэмакратычную працэдуру. Баршчэўскі – гэта яснасьць, зразумеласьць, прагназуемасьць. У гэтым быў пэўны камфорт для мяне асабіста. Зараз я проста ня ведаю куды – направа, налева, наперад ці назад - будзе рухацца Аляксей і яго каманда. Трэба будзе сустракацца, праводзіць перамовы. Высьвятляць, якія іх пляны і што будзе далей». Як паўплывае на дзейнасьць АДС абраньне старшынём Партыі БНФ Аляксея Янукевіча? Лідэр ПКБ Сяргей Калякін сказаў: «Паглядзім, як гэта будзе. Абраньне кіраўніцтва арганізацыі – справа самой арганізацыі. Я добра ведаю Аляксея Янукевіча, мы разам узаемадзейнічалі. У мяне няма да яго ніякай прадузятасьці. Як яны будуць далей ўзаемадзейнічаць з АДС - гэта справа Фронта. Пажывём, пабачым. У любой арганізацыі ёсьць барацьба за лідэрства, унутраныя супярэчнасьці. І тое, што адбылася зьмена кіраўніцтва – гэта ўнутраная справа БНФ. Для нас нічога не памянялася. Мы працавалі не з пэрсаналіямі, мы працягваем працаваць з БНФ у рамках АДС, добра разумеючы, што ў нас ёсьць многа супярэчнасьцяў і адна агульная справа – вяртаньне Беларусі на шлях дэмакратыі». Камэнтуючы зьмены ў кіраўніцтве Партыі БНФ, былы старшыня Вярхоўнага Савету Станіслаў Шушкевіч адзначыў: «Янукевіч – станоўчая постаць, але яму яшчэ доўга ўздымацца да ўзроўню Баршчэўскага. Але ён мне падабаецца, гэта прыстойны малады чалавек». Адносна таго, ці прывядзе гэта да зьменаў у супрацы з АДС, Станіслаў Шушкевіч сказаў, што тут «пара ўжо каб прывяло». «Я ніколі не хаджу на мерапрыемствы АДС, бо яна пагразла ў ляпідарнай творчасьці, якая ніякай карысьці не прыносіць», - адзначыў палітык. Камэнтуючы абраньне новага кіраўніцтва Партыі БНФ, лідэр БХД Павал Севярынец сказаў: «Аляксей Янукевіч, Уладзімэр Лабковіч – гэта маладафронтаўцы. Зь імі мы калісьці марылі, якім магутным мы зробім БНФ, якія зьмены патрэбны ў самім БНФ, каб ён мог зьмяніць Беларусь. Я шчыра рады за хлопцаў і віншую зь перамогай. БХД разам з абноўленым БНФ будуць наймацнейшымі хаўрусьнікамі, каб вярнуць лідэрства нацыянальнаму руху. З гэтага моманту пачнецца вяртаньне лідэрства нацыянальнаму руху Беларусі, якое калісьці было страчана», - сказаў Севярынец. Хартыя'97 http://charter97.org/be/news/2009/9/6/21722/
07.09.2009
Лявон Баршчэўскі: «Гэта сыход у абоз»
tyle="margin-top: 0; margin-bottom: 0"> 07.09.2009 Лявон Баршчэўскі: «Гэта сыход у абоз» Былы старшыня Партыі БНФ Лявон Баршчэўскі пракамэнтаваў «Радыё Свабода» абраньне Аляксея Янукевіча старшынём Партыі БНФ. - Я рэаліст. Наступная прэзыдэнцкая кампанія пройдзе фактычна бяз удзелу БНФ. Гэта ў абозе іншага кандыдата будзе лічыцца Партыя БНФ. Гэта шкада, бо ёсьць шанец у 2010-2011 гадах. З другога боку, авантурныя заявы пра тое, што трэба разбураць АДС – гэта аслабляе і рэальна аслабіць магчымасьці супольнага змаганьня за паляпшэньне выбарчага заканадаўства. Бо ніводная партыя паасобку ня можа выставіць тых патрабаваньняў, якія будуць успрымацца беларускай уладай і тымі заходнімі структурамі, якія ціснуць на гэта. Рэальнае аслабленьне гэтага змаганьня за лепшыя ўмовы выбараў. Каму гэта выгодна, можна толькі здагадвацца. Але гэта ўсё не выгодна Беларусі. - Для Вас было нечаканым тое, што перамог Янукевіч? - Рашэньне пра балятаваньне старшынём я прыняў у апошнюю хвіліну. І я ня мог пралічваць: чакана ці нечакана. Калі я ўбачыў, што пытаньне з прэзыдэнцтвам сёньня ня будзе вырашана, то ў мяне не заставалася іншага выйсьця, акрамя як паспрабаваць сёньня заняць пазыцыю старшыні і вырашыць гэта пытаньне хаця б у бліжэйшай будучыні. Але колькасьць галасоў супраць партыйнай працы па кандыдату аказалася значна большай, чым гэта было дапушчальна, каб сапраўды сур'ёзна разьлічваць на ўваход у прэзыдэнцкую кампанію. - Многія зьвязваюць абраньне А.Янукевіча з абнаўленьнем у партыі. Якім яно можа быць? - Я дастаткова добра ведаю асоб, якія гавораць лёзунг абнаўленьня. Гэта будзе не абнаўленьне. Гэта сыход у абоз іншых палітычных сілаў. - Ці ўдалося пераадолець раскол у Партыі БНФ? - Партыя БНФ нікуды не дзенецца. Яна ёсьць і будзе. У ёй заўсёды будзе здаровая плынь, якая зможа забясьпечыць выхад з гэтага абозу. Для гэтага спатрэбіцца час. Каманда, якая прыйшла, да таго як наступіць чарговы зьезд не дапусьціць сваёй замены. Але праз два гады больш спрактываная, падрыхтаваная партыйная моладзь будзе больш рашуча ў партыйны справы ангажавацца. І такія асобы, як Аляксандар Мех, вельмі таленавіты, змогуць сябе праявіць. Я думаю, што партыя вернецца на рэйкі, на якія яе паставіла гісторыя. - Ці можна гэта параўнаць з той сытуацыяй, калі на зьмену З.Пазьняку прыйшоў больш малады В.Вячорка... - Чыньнік супрацьпастаўленьня паводле ўзросту псыхалягічна прысутнічае, але не думаю, што ён быў вырашальны. Вырашальны чыньнік у тым, што былі мабілізаваныя пазапартыйныя рэсурсы, каб уплываць на фармат правядзеньня перадвыбарчых сходаў, асабліва ў Берасьцейскай вобласьці, дзе тэрмінова ў ліпені ўступалі ў партыю групы людзей, каб правесьці сходы і абраць патрэбных дэлегатаў на зьезд. Мы такой маніпуляцыяй не займаліся. Статут дазваляе так рабіць. Але гэтыя асобы пасьля зьезду забудуцца, ў якой партыі яны былі і ніякай партыйнай працы рабіць ня будуць. - Вашыя пляны далей у партыі? - Да наступнага зьезду я нічога рабіць ня буду. Я буду кантактаваць зь людзьмі, у якіх я веру. І буду дапамагаць кіраўніку гарадзкой арганізацыі Віктару Івашкевічу. Буду ў яго памочнікам і дарадцам. Хартыя'97 http://charter97.org/be/news/2009/9/6/21718/
<< Старонкі: 1 | 2 | 3 | 4 | 5 | 6 | 7 | 8 | 9 | 10 | 11 ... 44 >>