Пошук
Нашы Блогі
Наста Ільіна, журналістка, якая займаецца праваабарончай тэматыкай

• Хто вс***я? -Невiстка.
Уладзімір Вялічкін

Шарыкавы ва ўладзе
Сяргей Пятрухін, народны рэпарцёр

Пакуль міліцыянты “момлікі” і “ігнацюкі” будуць знішчаць відэадоказы і зьбіваць грамадзян, нічога добрага ў Беларусі не будзе
Зміцер Гарбуноў, судовы манітор

460 рублёў - дробязь для пенсіянера
Памятныя даты
Нашы Выданні
Архіў навінаў
Архіў навінаў
Каляндар
Кастрычнік
ПнАўСрЧцПтСбНдз
1234567
891011121314
15161718192021
22232425262728
293031    
Нашы навіны
Архіў навін
23.11.2010
Брэст: Кіраўніцтва вобласці сустрэлася з міжнароднымі назіральнікамі
yle="color: rgb(151, 151, 151); font-family: Arial,sans-serif; font-size: 10px; text-align: left;">23.11.2010 Брэст: Кіраўніцтва вобласці сустрэлася з міжнароднымі назіральнікамі 23 лістапада адбылася сустрэча старшыні Брэсцкага аблвыканкама Канстанціна Сумара і яго намесніка Леаніда Цупрыка з прадстаўнікамі місій АБСЕ і СНД, якія з'яўляюцца ўдзельнікамі назірання за прэзідэнцкімі выбарамі ў Беларусі. Падчас гэтага дыялогу Канстанцін Сумар асаблівы акцэнт зрабіў на тое, што перадвыбарная кампанія вядзецца адкрыта, без процідзеяння іншым палітычным сілам. У якасці аргументу ён прывёў прыклад з уключэннем у склад участковых выбарчых камісій 110 прадстаўнікоў палітычных партый, у тым ліку апазіцыйных. Пры гэтым старшыня аблвыканкама маўчаў пра тое, што далёка не ўсе заяўкі ад партыйных вылучэнцаў былі задаволеныя, а ў цэлым па вобласці партыйнае прысутнасць у гэтых камісіях ледзь-ледзь перавышае 1%. У сваю чаргу прадстаўнік місіі АБСЭ Бэры Льюіс (прафесійны дыпламат з ЗША, былы амбасадар сваёй краіны ў Інданезіі і Балгарыі, які мае вопыт дыпламатычнай працы ў Расіі) распавёў аб прынцыпах, на якіх будзе будавацца назіранне. У складзе місіі АБСЭ ёсць і прадстаўнікі Расіі, адзін з якіх - Віктар Мокін - заявіў на сустрэчы, што «мы прыехалі не вучыць, а назіраць за адпаведнасцю працэдуры выбараў і заканадаўства».  Групу назіральнікаў ад СНД прадстаўляў Бахыт Дасанаў, які паведаміў, што акрамя перыяду доўгатэрміновага назірання, у Беларусь прыбудзе ад СНД  400 назіральнікаў для назірання непасрэдна за працэдурай галасавання. «Праваабаронцы за свабодныя выбары»
23.11.2010
Эксперты АБСЕ не змаглі аб'ектыўна расследаваць справу Бябеніна
yle="color: rgb(151, 151, 151); font-family: Arial,sans-serif; font-size: 10px; text-align: left;">23.11.2010 Эксперты АБСЕ не змаглі аб'ектыўна расследаваць справу Бябеніна Ацэнку таго, што адбылося, эксперты АБСЕ далі толькі на падставе афіцыйнага «расследвання». На сайце АБСЕ сёння быў апублікаваны прэс-рэліз, у якім паведамляецца, што эксперты Арганізацыі па бяспецы і супрацоўніцтве ў Еўропе завяршылі ацэнку расследавання справы аб смерці беларускага журналіста Алега Бябеніна. Ацэнка расследавання была праведзеная па просьбе беларускіх уладаў. Эксперты павінны былі вывучыць усе паказанні і матэрыялы па справе аб смерці, якія меліся. «Ацэнка і аналіз экспертаў такі, што на падставе доказаў і інфармацыі, дасягальнай для іх, яны заключылі, што прычынай смерці было самагубства праз павешанне. Паводле словаў экспертаў, няма падставаў лічыць, што Алега Бябеніна павесілі пасля смерці», - кажацца ў прэс-рэлізе. Прэс-рэліз інфармуе, што адзін эксперт быў з Нарвегіі, а другі са Швецыі, але не паведамляе іх імёны. Мандат, які эксперты атрымалі на працу ў Беларусі, не дазволіў ім правесці асобнае расследаванне, а дазволіў толькі праверыць і ацаніць матэрыялы расследавання, праведзенага беларускім бокам, адзначаецца ў прэс-рэлізе АБСЕ. Эксперты адзначаюць, што «ёсць спецыфічныя галіны (ці накірункі), у якіх магчымы далейшы тэхнічны аналіз, які могуць правесці адпаведныя беларускія органы». Заснавальнік і кіраўнік сайта charter97.org Алег Бябенін быў знойдзены павешаным 3 верасня на яго лецішчы пад Менскам. Праваахоўныя органы паспяшаліся паведаміць, што гэта самагубства. Аднак смерць Алега Бябеніна выклікае шмат пытанняў. Судмедэксперты блытаюцца нават ў даце надыходу смерці журналіста. Алег Бябенін не пакінуў пасля сябе ніякай запіскі. Сябры і калегі журналіста заяўляюць пра наяўнасць на яго целе слядоў гвалту. Алег Бябенін быў асноўным чальцом каманды апазыцыйнага кандыдата ў прэзідэнты Андрэя Саннікава.  www.charter97.org
22.11.2010
Раманчук выкапаў у Берасці памежны слуп
yle="color: rgb(151, 151, 151); font-family: Arial,sans-serif; font-size: 10px; text-align: left;">22.11.2010 Раманчук выкапаў у Берасці памежны слуп «Трэба здымаць бар'еры» - растлумачыў намеснік старшыні Аб'яднанай грамадзянскай партыі і кандыдат у прэзідэнты. Учынак, вядома, насіў сімвалічны характар, піша «Брэсцкі курьер». Слуп стаяў не на рэальнай мяжы з Украінай, а побач з памежным пунктам пропуску. Аднак рыдлёўка была сапраўдная. Выкапаўшы слуп, Яраслаў Раманчук патлумачыў сімвалізм свайго ўчынку: - Трэба прыбіраць бар'еры, якія перашкаджаюць эканамічнаму жыццю. І пачаць акцыю мы вырашылі менавіта з Берасця, з мяжы. Трэба заўважыць, што адзін з афіцэраў-памежнікаў праверыў слуп: ці не сапраўдны? Аднак ён быў бутафорскім. Сімвалізм ўчынку быў зразумелы: каму, як не берасцейцам, ведаць праблемы і складанасці з перасячэннем мяжы і магчымасцямі, якія абяцае прымежны гандаль. Пасля «расправы» са слупам Яраслаў Раманчук і Анатоль Лябедзька, старшыня АГП, які таксама прыбыў з Менска, адказалі на шматлікія пытанні. Зразумела, яны больш за ўсё тычыліся выбараў, якія маюць адбыцца. Коратка выкладзем пазіцыю Яраслава Раманчука: здымаць сваю кандыдатуру на чыю-небудзь карысць ён не збіраецца, ідэю байкоту выбараў лічыць бесперспектыўнай. Пасля выкопвання слупа вяртаючыся ў Берасце, ён наведаў сястру касманаўта Пятра Клімука. З Антанінай Іллінічны адбылася гутарка, падчас якой выявілася некаторая розніца ў ацэнках таго, што адбываецца ў краіне. Пасля вяртання ў Берасце кандыдат у прэзідэнты сустракаўся з гараджанамі на рынку за ЦУМам, дзе ў яго аказалася шмат прыхільнікаў. www.charter97.org
18.11.2010
Проста адбыўся збой?
Зміцер Кісель
18.11.2010
Брэстчына: дзе сустрэцца з кандыдатамі?
Пружанскі і Івацэвіцкі раёны, надрукавалі ў раённых газетах свае рашэнні аб вызначэнні памяшканняў для правядзення сустрэчаў кандыдатаў у прэзідэнты РБ з выбаршчыкамі.
18.11.2010
Брэст: Зацверджаны спіс месцаў для агітацыі парушае правы кандыдатаў у прэзідэнты
yle="color: rgb(151, 151, 151); font-family: Arial,sans-serif; font-size: 10px; text-align: left;">18.11.2010 Брэст: Зацверджаны спіс месцаў для агітацыі парушае правы кандыдатаў у прэзідэнты Такое меркаванне выказаў праваабаронца Раман Кісляк, каментуючы рашэнні адміністрацый Маскоўскага і Ленінскага раёнаў Брэста, якімі вызначаны месцы для перадвыбарчай агітацыі па-за памяшканнямі падчас цяперашняй выбарчай кампаніі. У прыватнасці, праваабаронца згадаў артыкул 25 Міжнароднага пакта аб грамадзянскіх і палітычных правах, які прадугледжвае права абіраць і быць абраным на роўных падставах. "Але гэта права груба парушаецца падобнымі дакументамі брэсцкіх уладаў: у больш чым 300-тысячным горадзе яны вылучылі толькі некалькі пляцовак для сустрэч з прэтэндэнтамі, прычым гэтыя пляцоўкі знаходзяцца ў нешматлюдных месцах, - лічыць Раман Кісляк. - Атрымліваецца, што адным кандыдатам дазволена сустракацца з выбаршчыкамі толькі ў "рэзервацыях", а іншым - у любым месцы, карыстаючыся сваім службовым статусам ". Праваабаронца не выключыў, што такія рашэнні мясцовых уладаў могуць стварыць канфліктныя сітуацыі і прапануе перагледзець падобныя рэгламентуючыя дакументы, як гэта ўжо адбывалася пры вызначэнні месцаў, дзе забаронена збіраць подпісы за вылучэнне кандыдатаў у прэзідэнты. "Праваабаронцы за свабодныя выбары"
18.11.2010
Пінскія ўлады "выправіліся"
yle="color: rgb(151, 151, 151); font-family: Arial,sans-serif; font-size: 10px; text-align: left;">18.11.2010 Пінскія ўлады "выправіліся"   Толькі пасля звароту ў ТВК незалежнага назіральніка, 18 лістапада на сайце Пінскага гарвыканкама з'явіліся рашэнні аб вызначэнні памяшканняў і месцаў для сустрэч з выбаршчыкамі і размяшчэння агітацыйных матэрыялаў. Пасля прачытання гэтых рашэняў, стала зразумела, чаго так сароміліся ўлады. Згодна з прынятымі рашэннямі арганізоўваць сустрэчы з выбаршчыкамі кандыдаты ў Прэзідэнты Рэспублікі Беларусь змогуць у вялікім і лекцыйным залах Гарадскога дома культуры. Для правядзення масавых мерапрыемстваў (сходаў, мітынгаў і пікетаў) выдзелены стадыёны ДТСАФ і "Прыпяць". І ў дадатак да іх - летняя эстрада ў гарадскім парку культуры і адпачынку. Выступаць у гэтых месцах кандытаты і іх прадстаўнікі змогуць па чарзе на падставе пададзеных пісьмовых заяваў. Для размяшчэння перадвыбарчых агітацыйных матэрыялаў выканкамам вызначаны рэкламныя тумбы, інфармацыйныя стэнды ў ЖЭСах, бібліятэках, парках, гатэлях і рынках. А вось у іншых месцах, у тым ліку, у пад'ездах дамоў, на заборах, у грамадскім транспарце, вітражах магазінаў, на аўтобусных прыпынках, прахадных прадпрыемстваў і г.д. месціць агітацыйныя матэрыялы забаронена. Канешне, гарадскім ўладам можна падзякваць за прадстаўленне самага вялікага памяшкання для сустрэч з выбаршчыкамі. Вось толькі вялікая зала ГДК можа ўмясціць толькі каля 700 чалавек, што для горада з насельніцтвам ў 130 000 чалавек малавата. А калі усе кандыдаты пажадаюць сустрэцца з выбаршчыкамі, то невядома, як яны падзеляць гэтую залу. Таму не зразумела, чаму не дазволілі праводзіць сустрэчы ў іншых вялікіх памяшканнях (напрыклад, у клубах прадпрыемстваў, актавых залах навучальных установаў). Выбар стадыёнаў для сустрэч з выбаршчыкамі, а асабліва для пікетавання, таксама выклікае здзіўленне. У Пінску ў кожным раёне горада дастаткова пляцовак, дзе падчас гарадскіх святаў адбываюцца масавыя гулянні і кірмашы. Чаму б не дазволіць праводзіць мітынгі і пікеты ў гэтых месцах? Вызначэнне месцаў для вывешвання агітацыйных матэрыялаў увогуле не вытрымлівае ніякай крытыкі. Фактычна, каб даведацца аб кандыдатах і іх праграмах, выбаршчыкам прыйдзецца адмыслова хадзіць у ЖЭСы (іх у Пінску 6), бібліятэкі (іх з улікам філіялаў таксама каля 6), гатэлі (іх 4) і на рынкі (іх 6).   "Праваабаронцы за свабодныя выбары" 
17.11.2010
Пінск: Выбары як спадарожнікавы тавар (фотафакт)
yle="color: rgb(151, 151, 151); font-family: Arial,sans-serif; font-size: 10px; text-align: left;">17.11.2010 Пінск: Выбары як спадарожнікавы тавар (фотафакт) Пінскія гандлёвыя аб'екты працягваюць прыцягваць увагу выбаршчыкаў да бягучай прэзідэнцкай кампаніі. На гэты раз у адной з крамаў плакат з інфармацыяй аб выбарах размесцілі ў вітрыне пад назвай "спадарожнікавыя тавары" -- з прыгожымі разгалінаванымі ласінымі рагамі. Разам з тым, у Пінску да гэтага часу амаль няма інфармацыі аб ходзе выбарчай кампаніі. Мясцовыя СМІ настойліва абмінаюць нязручную для сябе тэму, а дзяржаўныя газеты апантана рэкламуюць IV Усебеларускі народны сход. "Праваабаронцы за свабодныя выбары"
17.11.2010
У Пінску перадвыбарчай агітацыі не будзе?
yle="color: rgb(151, 151, 151); font-family: Arial,sans-serif; font-size: 10px; text-align: left;">17.11.2010 У Пінску перадвыбарчай агітацыі не будзе? Не гледзячы на тое, што заўтра, 18 лістапада, адбудзецца рэгістрацыя кандыдатаў у Прэзідэнты Рэспублікі Беларусь, пінскія ўлады не вызначылі памяшканняў для сустрэч кандыдатаў з выбаршчыкамі і месцаў для правядзення масавых мерапрыемстваў і перадвыбарчай агітацыі. Прынамсі ні на афіцыйным сайце Пінскага гарвыканкаму, ні ў дзяржаўнай газеце "Пінскі веснік" неабходнай інфармацыі няма (дарэчы, чарговы нумар выдання выйдзе толькі ў пятніцу 19 лістапада). Незалежныя назіральнікі пры пінскай ТВК таксама не ведаюць, ці былі прыняты адпаведныя рашэнні. Нагадаем, што згодна с заканадаўствам, вызначыцца з месцамі і памяшканнямі для  сустрэч з кандыдатамі, правядзення мітынгаў і агітацыі мясцовыя улады павінны былі да 12 лістапада. "Праваабаронцы за свабодныя выбары"
17.11.2010
У Бярозе і Белаазёрску агітацыйны марафон будзе на стадыёнах
yle="color: rgb(151, 151, 151); font-family: Arial,sans-serif; font-size: 10px; text-align: left;">17.11.2010 У Бярозе і Белаазёрску агітацыйны марафон будзе на стадыёнах 17 лістапада ў раённай газеце "Маяк" з'явілася паведамленне аб рашэнні Бярозаўскага райвыканкама ад 10.11.2010 года №1448 "Аб месцах для правядзення масавых мерапрыемстваў для здзяйснення перадвыбарчай агітацыі кандыдатамі ў Прэзідэнты Рэспублікі Беларусь і іх даверанымі асобамі". Рашэннем райвыканкама для сходаў па-за памяшканнем, мітынгаў і пікетаў для Бярозы і Белаазёрска вызначаны 4 стадыёны. Цяжка назваць гэтыя месцы спрыяльнымі ўзімку для правядзення масавых мерапрыемстваў, якія будуць арганізоўвацца кандыдатамі ў прэзідэнты. Для правядзення сустрэч кандыдатаў у прэзідэнты з выбаршчыкамі для Бярозы выдзелены Дом культуры на вуліцы Камсамольскай, на ўскрайку горада, а не ў цэнтры -  на вуліцы Савецкай. Для сустрэч на вясковых тэрыторыях  выдзелены толькі 4 Дамы культуры:   Боркаўскі, Междулескі, Нарутавіцкі і Спораўскі. Гэта ахоплівае ўсяго да 30% сельскага насельніцтва. Здзіўляе, што ў гэтым ліку адсутнічаююць Малецкі Дом культуры, Сялецкі, Пескаўскі. Гэта  вялікія мястэчкі з актыўным насельніцтвам. Напрыклад, толькі ў мястэчку Малеч пражывае 2 тысячы насельніцтва, каля 900 – у Сяльцы. "Праваабаронцы за свабодныя выбары"
17.11.2010
Праваабаронцаў сталі выклікаць у падатковыя інспекцыі
yle="color: rgb(151, 151, 151); font-family: Arial,sans-serif; font-size: 10px; text-align: left;">17.11.2010 Праваабаронцаў сталі выклікаць у падатковыя інспекцыі Падчас выбарчых кампаній увага да праваабаронцаў з боку падатковых органаў увесь час павялічваецца. Сёння, 17 лістапада, прадстаўнік праваабарончага цэнтра «Вясна» Валянцін Стэфановіч па пошце атрымаў патрабаванне пра падаванне дэкларацыі пра прыбыткі і маёмасць за 2009 год у інспекцыю Міністэрства па падатках і зборах Рэспублікі Беларусь па Партызанскім раёне г. Менска. Праваабаронцу просяць прадставіць такую дэкларацыю не пазней за 30 лістапада гэтага года. В. Стэфановіч зарэгістраваны як падаткаплатнік у падатковай інспекцыі Партызанскага раёна. Ён адзначае, што ў сакавіку гэтага года прадставіў дэкларацыю за 2009 год з указаннем усяго прыбытку, які атрымаў, працуючы па грамадска-прававых дамовах, і выплаціў налічаны з прыбытку падатак. Таму праваабаронца выказвае здзіўленне з прычыны атрыманага патрабавання. - Падчас парламенцкіх выбараў у 2008 годзе - пасля прэс-канферэнцыі з нагоды пачатку назірання ў межах кампаніі «Праваабаронцы за свабодныя выбары» - такія патрабаванні ад падатковых органаў атрымалі прадстаўнікі кампаніі Алесь Бяляцкі, Алег Гулак, у тым ліку і я. У мяне была праверка падатковай інспекцыі па Партызанскім раёне за 10 гадоў - з 1998 па 2008. Прычым правяралі не толькі мяне, але і чальцоў маёй сям'і - бацьку, жонку. Ніякіх утоеных прыбыткаў ці няўлічанай маёмасці падчас праверкі ў мяне знойдзена не было. І вось цяпер ад мяне зноў патрабуюць прадставіць дэкларацыю. Дзівіць, што ад мяне жадаюць пачуць яшчэ нейкую дадатковую інфармацыю за 2009 год. Прычым ніякіх зменаў з 2008 года не адбылося - у мяне не з'явілася ніякіх новых кватэр, машын, зямельных участкаў ці яшчэ чагосьці, - кажа В. Стэфановіч. І тут праваабаронца заўважае пэўную тэндэнцыю: - Праверкі супадаюць з выбарчымі кампаніямі ў краіне - у 2008 годзе праходзілі парламенцкія выбары, цяпер ідзе прэзідэнцкая кампанія. Я як прадстаўнік ПЦ «Вясна» прымаю актыўны ўдзел у кампаніі па назіранні за выбарамі. Безумоўна, я звязваю ўсё гэта выключна са сваёй дзейнасцю і расцэньваю як факт ціску на мяне. www.charter97.org
16.11.2010
16 лістапада - Дзень Салідарнасці (дадаецца)
Зміцер Дашкевіч
16.11.2010
Брэсцкі праваабаронца паспрабаваў праз суд "адкрыць" выбары ў Баранавічах
yle="color: rgb(151, 151, 151); font-family: Arial,sans-serif; font-size: 10px; text-align: left;">16.11.2010 Брэсцкі праваабаронца паспрабаваў праз суд "адкрыць" выбары ў Баранавічах Юрыст з Брэста Уладзімір Малей
16.11.2010
ААН падтрымала актывіста прафсаюза РЭП у спрэчцы з выбаркамамі і Вярхоўным Судом
yle="color: rgb(151, 151, 151); font-family: Arial,sans-serif; font-size: 10px; text-align: left;">16.11.2010 ААН падтрымала актывіста прафсаюза РЭП у спрэчцы з выбаркамамі і Вярхоўным Судом Камісія па правах чалавека ААН прызнала, што ўлады Беларусі парушылі правы актывіста прафсаюза працаўнікоў РЭП Леаніда Судаленкі падчас парламенцкіх выбараў 2004 года. Прававы інспектар Беларускага прафсаюза працаўнікоў радыёэлектроннай прамысловасці (РЭП) па Гомельскай вобласці Леанід Судаленка ў 2004 годзе хацеў высунуць сваю кандыдатуру ў дэпутаты «палаты прадстаўнікоў». Яго ініцыятыўная група сабрала неабходную колькасць подпісаў. Аднак акруговая выбарчая камісія Хойніцкай выбарчай акругі № 49 адмовілася зарэгістраваць Леаніда Судаленку ў якасці кандыдата, абвінаваціўшы актывіста ў тым, што ён падаў звесткі «не адпаведныя рэчаіснасці», паведамляе Praca-by.info. У той час Леанід Судаленка працаваў дарадцам па прававых пытаннях ААТ «Локон», а таксама ўзначальваў грамадскую арганізацыю «Прававая ініцыятыва». Ён праінфармаваў выбаркам пра сваё месца працы ў ААТ «Локон». Аднак чыноўнікі палічылі, што гэта не адпавядае рэчаіснасці, бо, паводлде іх меркавання, асноўнае месца працы было ў грамадскай арганізацыі. І хоць Леанід Судаленка падаў ім копію працоўнай кніжкі і запэўніў, што «Прававую ініцыятыву» ён узначальвае на грамадскіх пачатках, выбаркам свайго рашэння не змяніў. Леанід Судаленка звяртаўся ва ўсе магчымыя інстанцыі краіны, уключаючы Вярхоўны Суд, даказваючы неправамернасць рашэння выбаркама. Тым не менш, канчатковы вердыкт улады застаўся ў сіле. Актывіст не змог удзельнічаць у выбарах. Тады ён падаў скаргу ў Камісію па правах чалавека ААН . Паводле прынятага ў кастрычніку 2010 года рашэння Камісіі па правах чалавека ААН прадстаўнікі дзяржорганаў, якія адмовілі Леаніду Судаленку ў рэгістрацыі ў якасці кандыдата ў дэпутаты парламента краіны, парушылі Міжнародны пакт пра грамадзянскія і палітычныя правы. У прыватнасці, міжнародныя эксперты канстатавалі, што беларускія ўлады пазбавілі актывіста права браць удзел у вядзенні дзяржаўных спраў, ужыўшы да яго дыскрымінацыю паводле яскрава выражаных палітычных матываў. Камісія па правах чалавека ААН праінфармавала ўлады Беларусі пра тое, што яны абавязаны забяспечыць Леаніду Судаленку «эфектыўны сродак прававой абароны, уключаючы кампенсаванне, а таксама разгледзець любыя будучыя высілкі для яго вылучэння ў якасці кандыдата на выбары парламента ў поўнай адпаведнасці з Пактам». – Нажаль, для беларускіх уладаў рашэнне Камісіі ААН носіць рэкамендацыйны характар, – пракаментаваў сітуацыю Леанід Судаленка. – Тым не менш, я маю намер звярнуцца ў суд з патрабаваннем выплаціць мне кампенсаванне за прычыненую маральную шкоду. Але самае галоўнае ў гэтай гісторыі, паводле меркавання прафсаюзнага актывіста, гэта тое, што міжнародная грамадскасць лішні раз зможа пераканацца ў рэальнай сітуацыі з правамі чалавека ў Беларусі.www.charter97.org
16.11.2010
Улады Берасця прапанавалі выбаршчыкам сустракацца на стрэльбішчы
yle="color: rgb(151, 151, 151); font-family: Arial,sans-serif; font-size: 10px; text-align: left;">16.11.2010 Улады Берасця прапанавалі выбаршчыкам сустракацца на стрэльбішчы Напярэдадні рэгістрацыі кандыдатаў у прэзідэнты берасцейскія ўлады вызначылі месцы, дзе прэтэндэнты могуць размяшчаць агітацыйныя друкаваныя матэрыялы і сустракацца з выбаршчыкамі. Згодна з рашэннем Берасцейскага гарвыканкама, перадвыбарчыя агітацыйныя матэрыялы могуць з'яўляцца на выбарчых участках, рэкламных тумбах, інфармацыйных стэндах жыллёва-эксплуатацыйных службаў, у вітрынах крамаў (па ўзгадненні з іх кіраўнікамі). У іншых месцах размяшчэнне перадвыбарчай агітацыі «з выкарыстаннем клею і клеючых матэрыялаў» забароненае, паведамляюць «Праваабаронцы за свабодныя выбары». Што тычыцца вызначэння месцаў для правядзення сустрэчаў кандыдатаў у Прэзідэнты РБ і іх давераных асобаў з выбаршчыкамі, дык гэтым заняліся раённыя адміністрацыі. У выніку найбольш ажыўленыя тэрыторыі ў цэнтры горада ў дазволены пералік не патрапілі. Так, у Маскоўскім раёне абласнога цэнтра ў ліку месцаў, вылучаных для правядзення масавай агітацыі, значацца: алея ля сцэнічнай пляцоўкі парку імя воінаў-інтэрнацыяналістаў (вул. Маскоўская); парк імя Дружбы народаў (вул. Ленінградская); эстрадная пляцоўка ў скверы Паўднёвага гарадка (вул. Жукава); стадыён «Лакаматыў» (вул. Ціхая); спецыялізаванае стрэльбішча для стральбы з лука (праспект Рэспублікі). Самі ж сустрэчы выбаршчыкаў з прэтэндэнтамі на пасаду кіраўніка дзяржавы і перадвыбарчыя сходы можна будзе праводзіць у абласным Палацы культуры прафсаюзаў, Доме культуры «Валынка», клубе на «Вульцы» і ў 11-ці навучальных установах. У Ленінскім раёне спіс дазволеных месцаў для правядзення масавых мерапрыемстваў з мэтай ажыццяўлення перадвыбарчай агітацыі яшчэ меншы: ён уключае толькі алею парка культуры і адпачынку з боку вуліцы Леванеўскага і асфальтаваную пляцоўку на скрыжаванні вуліцаў Савецкай і Набярэжнай Францыска Скарыны. У закрытых памяшканнях сустрэчы з кандыдатамі і даверанымі асобамі прадугледжаныя ў сямі навучальных установах, клубе ААТ «Брэсцкі завод бытавой хіміі», Доме культуры чыгуначнікаў і клубе сувязі.www.charter97.org
16.11.2010
Воўчак: "Трэба пакланіцца людзям, якія выходзяць на плошчу 16-га"
Зьміцер Дашкевіч:
16.11.2010
Айцец Георгій да кіроўцаў: Едзьце з Богам
yle="color: rgb(151, 151, 151); font-family: Arial,sans-serif; font-size: 10px; text-align: left;">16.11.2010 Айцец Георгій да кіроўцаў: Едзьце з Богам  З сённяшняга дня ў Беларусі пачаўся тыдзень, прысвечаны ахвярам дарожна-транспартных здарэнняў. У Брэсце ДАІ сумесна з прадстаўнікамі  Брэсцкай епархіі распачалі Тыдзень з памінальнай акцыі.  Айцец Георгій, які сёння ў Свята-Мікалаеўскім гарнізонным саборы прымаў удзел у памінальнай службе, адзначыў у гутарцы з нашым карэспандэнтам  Зміцерам Кісялём, што кожны з нас знаходзіцца ў рызыцы і ад кожнага з нас залежыць сітуацыя, якая складаецца на нашых дарогах:  РР: - Айцец Георгій, вось тое, што сёння адбывалася ў храме, акцыя сумесная праваслаўнай царквы і ДАІ, наколькі яна патрэбна, важна і можа нават яе адзнака?  а. Георгій: - Можна сказаць, што ў нашыя часы, у нашую цяперашнюю сутнасць, гэта вельмі патрэбная такая акцыя. Чаму? Скажам так, што цяпер ідзе вайна паміж тэхнікай і людзьмі і нажаль людзі прайграваюць у гэтай вайне. Мы бачым не толькі ў нашай краіне, але ў цэлым свеце шмат гіне і на дарогах, і за рулём. Той, хто кіруе, проста ідзе па дарозе можа аказацца як і ў вайну. Ніхто не ведае, дзе і ў якім месцы, таму мы маем вялікую жалобу па тых, хто так загінуў, молімся да Бога за іх і за жывых, каб Бог перасцярог.  РР: - Калі казаць як зварот да тых людзей, сем'яў з якімі стала такая бяда, ці можа тут падабраць такія словы, што гэта лёс? а. Георгій: - Можна сказаць, што лёс чалавека, чалавек сам сябе робіць, але гэта напраўду так бывае. Напрыклад, які лёс, калі чалавек п'яны сядае за руль, а бо які лёс, калі чалавек парушае законы і набірае вялікую хуткасць? Бывае так, што ад чалавека не залежыць абставіны, бывае так, што неяк Бог падводзіць пад такое. Можа чалавек ужо ўсё зрабіў у жыцці, можа для перасцярогі тых, хто яшчэ жыве. Мы не можам сказаць усе шляхі Госпада, бо яны для нас тайна, але тут залежыць, што і вышэй і ад самога чалавека. РР: - Часам бывае на дарогах, калі чалавек не па сваёй віне не адмыслова, але сталася бяда - ён забіў чалавека і пэўна душа яго ў смутку. як вось тут быць? Ці ёсць нейкая перад Богам, перад царквою магчымасць пакаяння, міласэрнасці? а. Георгій: - Заўсёды маецца такая магчымасць для пакаяння, бо няма такой віны каб чалавек не пакаіўся за выключэннем хіба самазабойства, а так чалавек заўсёды можа пакаіцца, заўсёды можа выправіць сваю віну. У тых жа здарэннях, засталіся дзеці без бацькоў і чалавек можа дапамагчы гэтым дзецям, калі ён зрабіў такое. РР: - Якое слова Вы можаце сказаць тым людзям, якія за рулём? а. Георгій: - Пільна сачыць. Кожны хрысціянін павінен пільна сачыць за кожным крокам у сваімі жыцці, таксама і пільна сачыць на дарозе. Канечне, у гэтым жыцці сам чалавек мала што можа зрабіць. Трэба мець надзею на дапамогу Божую. З айцом Георгіям, клерыкам Брэсцкай епархіі аб пачатку Тыдня памяці ахвяраў дарожна-транспартных здарэнняў гутарыў Зміцер Кісель. Фота: ugo-osetia.ru www.racyja.com
16.11.2010
Уладзімір Халіп напісаў кнігу «Мы памятаем», прысвечаную зніклым
yle="color: rgb(151, 151, 151); font-family: Arial,sans-serif; font-size: 10px; text-align: left;">16.11.2010 Уладзімір Халіп напісаў кнігу «Мы памятаем», прысвечаную зніклымУ цэнтры яе — лёсы Юрыя Захаранкі, Віктара Ганчара, Анатоля Красоўскага, Дзмітрыя Завадскага і Генадзя Карпенкі. Аўтар - пісьменнік і сцэнарыст - адказаў на пытанні «НН». «Наша Ніва»: Чаму ўзяліся за напісанне гэтай кнігі?   Уладзімір Халіп: Ёсць такі «Свабодны тэатр». Дык вось, ён займаецца не толькі пастаноўкамі, але і выдае неблагія кнігі. Яны мне і прапанавалі напісаць кнігу з успамінамі родных і блізкіх зніклых. Шмат часу прайшло і людзі паціху пачынаюць забывацца на іх. «НН»: Нешта новае ўдалося напісаць?   УлХ: Я не ставіў сабе за мэту знайсці нейкую сенсацыю. Усе акалічнасці справаў добра вядомыя. Ёсць хаця б даклад дэпутата Хрыстаса Пургурыдэса, які паказвае, хто ёсць хто. Не хапае толькі юрыдычнай працэдуры. Давесці юрыдычны бок да ладу маглі б як нашы, так і замежныя суддзі. У Іспаніі некалі быў цудоўны прэцэдэнт, калі звычайны суддзя завёў крымінальную справу на Піначэта. «НН»: Працаваць над кнігай было цяжка?   УлХ: Так. Асабліва, калі бачыў якое спусташэнне было прынесенае ў гэтыя сем'і. Мне рэкамендавалі, каб кніга была ў форме гутарак. Але гэта амаль немагчыма. Пытацца ў людзей, як яны правялі першую ноч пасля знікнення? Таму кніга ў форме маналогаў. Хаця яны гучаць хутчэй як споведзі. Таксама апроч родных зніклых гучаць галасы людзей, што былі добра знаёмыя з імі — Анатоля Лябедзькі, Андрэй Саннікава, Сяргея Законнікава. «НН»: А якія ўспаміны найбольш заселі ў душы?   УлХ: Напрыклад, размова з маці генерала Захаранкі. Яна ўсё яшчэ верыць, што яе сын вернецца, што зараз ён можа знаходзіцца ў нейкай патаемнай турме. Яна казала, што ў Васілевічах ёй усе зайздросцілі, што ў яе такія добрыя і працавітыя сыны. Адзін загінуў пры выпраменьванні на падлодцы, а другі — трагічна знік. І гэты ўвесь боль маці, якая перажыла сваіх сыноў. Яна мяне вадзіла па садзе, што пасадзіў Юры. Адна бяроза ўжо вышэйшая за хату. Якой вышыні павінна дасягнуць дрэва, каб у справах была пастаўленая кропка? Я размаўляў у Нямеччыне з жонкай Захаранкі Вольгай і яго дачкой Аленай. Гэтыя людзі мараць вярнуцца ў Беларусь. Іхняе жыццё там не склалася. Але, гледзячы на ўнука Кірылу, яны разумеюць, што не зробяць гэтага. «НН»: На каго разлічана Ваша кніга?   УлХ: На простых людзей, якія, магчыма, недастаткова шмат ведаюць пра справы, але хацелі б даведацца большага. Прэзентацыя ўжо адбылася ў Амерыцы. Там кніга выклікала вялікую цікавасць. www.nn.by
15.11.2010
Кандыдаты ў прэзідэнты выступяць па радыё і ТБ з 22 лістапада па 3 снежня
yle="color: rgb(151, 151, 151); font-family: Arial,sans-serif; font-size: 10px; text-align: left;">15.11.2010 Кандыдаты ў прэзідэнты выступяць па радыё і ТБ з 22 лістапада па 3 снежня Жараб'ёўка эфірнага часу адбудзецца 18 лістапада пасля рэгістрацыі кандыдатаў у прэзідэнты. Гэта заявіла старшыня Цэнтравыбаркама Лідзія Ярмошына на сустрэчы з чальцамі місіі БДІПЧ АБСЕ 15 лістапада ў Менску, паведамляе БелаПАН. Выступы кандыдатаў у прэзідэнты Беларусі па радыё і тэлебачанні будуць праходзіць з 22 лістапада па 3 снежня. Ярмошына сказала, што Белтэлерадыёкампанія прапанавала «лепшыя варыянты эфірнага часу для выступу кандыдатаў у прэзідэнты». У прыватнасці, па тэлебачанні дэбаты будуць паказаныя ў працоўныя дні з 19.00 да 20.00, а па радыё — з 6.00 да 7.10 (!). Кіраўнічка ЦВК таксама адзначыла, што кандыдаты ў прэзідэнты змогуць прыняць удзел у тэле- і радыёдэбатах. Іх правядзенне запланаванае пасля 3 снежня толькі па жаданні саміх кандыдатаў.www.charter97.org
15.11.2010
Беларускія праваабаронцы выступілі з заявай
yle="color: rgb(151, 151, 151); font-family: Arial,sans-serif; font-size: 10px; text-align: left;">15.11.2010 Беларускія праваабаронцы выступілі з заявай З  А  Я  В  А  14 лістапада 2010 года будзе праходзіць Нацыянальная канферэнцыя па выніках даследванняў Індэкса грамадзянскай супольнасці ў РБ. Арганізатарам даследваньня з беларускага боку з'яўляецца старшыня праўлення ГА "Цэнтр "СКАФ", член Грамадска-кансультатыўнага савета (АКС) пры Адміністрацыі прэзідэнта Юры Загуменнаў. Адначасова арганізатарам гэтай канферэнцыі пастаўленая мэта стварыць Агульнанацыянальную платформу грамадзянскай супольнасці, а таксама праваабарончую платформу. Нягледзячы на тое, што прадстаўнікамі праваабарончых арганізацый неаднаразова выказваліся апасенні пра: неапраўданую хуткасць і паспешлівасць стварэньня праваабарончай платформы; заяўленае імкненне арганізатараў супрацоўнічаць з уладамі пры адсутнасці з боку дзяржавы сігналаў згоды да дыялогу з праваабаронцамі і пры тым, што значная частка праваабарончых арганізацыяў у краіне была пазбаўленая і дагэтуль не мае афіцыйнай рэгістрацыі; тое, што ў Крымінальным кодэксе Беларусі дагэтуль прысутнічае арт. 193.1, які прадугледжвае крымінальную адказнасць за дзейнасць незарэгістраваных арганізацый; тое, што некалькі праваабарончых арганізацый актыўна займаюцца маніторынгам правядзення выбараў у гэты перыяд і іх удзел у стварэнні платформы для паляпшэння стасункаў паміж праваабарончымі арганізацыямі і ўладамі можа быць расцэнены як фактар, які паўплывае на незалежнасць і нейтральнасць правядзення маніторынга выбараў, тое, што Анульнанацыянальная платформа грамадзянскай супольнасці  для распрацоўкі механізма яе ўзаемадзеяння з дзяржаўнымі арганізацыямі і міжнароднымі партнёрамі ствараецца неапраўдана хуткімі тэмпамі без уліку думкі шматлікіх няўрадавых арганізацыяў. Тым не меньш, як паведаміла інфармацыйнае агенцтва БелаПАН ад 16.10.2010 г., са слоў Ю.Загуменнава, "да канца кастрычніка ў межах праекта АБСЕ будзе ініцыявана стварэнне платформ грамадзянскай супольнасці па правах чалавека", а 14 лістапада будзе спроба абвясціць пра стварэнне Агульнанацыянальнай платформы грамадзянскай супольнасці. У сувязі з гэтым мы пратэстуем супраць валюнтарысцкага падыходу па стварэнню праваабарончай платформы і Агульнанацыянальнай платформы грамадзняскай супольнасці без уліку інтарэсаў і меркавання дзеючых праваабарончых арганізацый краіны. Не зразумела, як ішла падрыхтоўка да гэтага мерапрыемства. У лік арганізатараў не ўваходзяць найбуйнейшыя аб'яднанні няўрадавых арганізацый, напрыклад такіх, як Асамблея НДА, Платформа няўрадавых арганізацый Усходняга партнёрства і г.д. Праваабарончыя арганізацыі, праваабарончыя групы і асобныя праваабаронцы актыўна працуюць супольна на працягу ўжо больш чым дзесяці гадоў. Вынікам супольнай працы з'яўляюцца грамадзянскія кампаніі, такія як "Праваабаронцы за свабодныя выбары", "Праваабаронцы супраць смяротнага пакарання", "Кампанія  за альтэрнатыўную службу", "Кампанія за адмену 193.1",  існаванне сумесных адукацыйных і праваабарончых праектаў (Школа правоў чалавека), праца Дома правоў чалавека ў выгнанні (Вільня, Літва), сумесная праца беларускіх няўрадавых арганізацый па падрыхтоўцы альтэрнатыўнага даклада ў межах падрыхтоўкі Універсальнага перыядычнага агляду. 25 верасня гэтага года быў праведзены 2-гі Форум праваабарончых арганізацый, у якім бралі ўдзел 18 праваабарончых арганізацый з Беларусі. Перамовы і кансультацыі паміж праваабарончымі арганізацыямі вядуцца пастаянна падчас беларускіх і міжнародных праваабарончых сустрэч і мерапрыемстваў. Такім чынам, рэальная платформа беларускіх праваабарончых ініцыятываў існуе ўжо не адзін год. Тым не менш, мы адзначаем амаль поўную адсутнасць жадання беларускіх уладаў улічваць думку праваабаронцаў па найважнейшых пытаннях, якія датычаць сацыяльных, грамадзянскіх і палітычных правоў беларускіх грамадзян, выканання прынятых на сябе міжнародных абавязкаў у галіне правоў чалавека. Мы заяўляем, што ў выпадку згоды і жадання беларускіх уладаў да супрацоўніцтва з праваабарончымі арганізацыямі, мы гатовыя да такога супрацоўніцтва на прынцыпах, прапанаваных у распрацаванай пад эгідай Асамблеі НДА Канцэпцыі ўзаемадзеяння органаў дзяржаўнай улады і грамадзянскай супольнасці. Праваабаронцы і надалей будуць працягваць сваю працу, дзеля ўмацавання правоў чалавека і развіцця дэмакратыі.   Праваабарончы цэнтр "Вясна" Алесь Бяляцкі Камітэт абароны рэпрэсаваных  "Салідарнасьць"Іна Кулей Беларуская асацыяцыя журналістаўЖана Літвіна "Незалежнае таварыства прававых даследванняў"Алена Танкачова ГА "Цэнтр па правах чалавека"Раіса Міхайлоўская Выпускнік Вышэйшага міжнароднага курса па абароне правоў чалавекаБарыс Звозскаў Беларускі Дом правоў чалавекаТацяна Рэвяка Асветніцкая праваабарончая установа  "Офiс па правах людзей з iнвалiднасцю"Сяргей Драздоўскі                                          ГА Магілёўскі праваабрончы цэнтрУладзімір Краўчанка Праваабарончы цэнтр "Прававая дапамога насельніцтву" Алег Волчак Мінск, 11.11.2010 www.spring96.org
<< Старонкі: 1 | 2 | 3 | 4 | 5 | 6 | 7 | 8 | 9 | 10 | 11 ... 48 >>