Друк
11.11.2018 Грамадства
У Берасці затрыманы ЛІС - у панядзелак “суд”
 
Сёння, 11 лістапада, знаменальны дзень для берасцейцаў - нарэшце на плошчы з'явіўся ён - ЛІС! Калі б мы загадзя ведалі, што ЛІС будзе з намі, думаю было б нашмат больш людзей, а так толькі каля 150 чалавек кармілі галубоў.
 
https://www.facebook.com/kat.chyornaya/videos/1823681511014265/?t=58
 
Было шмат “ціхароў” сярод якіх былі дзяўчаты, што не можа не засмучваць, бо яны патэнцыйныя мамы і павінны разумець, што будзе з запускам гэтага заводу, хоць на маё меркаванне ў іх няма дзяцей, чамусьці я ў гэтым перакананая, бо ўвесь іх выгляд і іх варожыя позіркі на нас сведчаць аб гэтым.
 
Гэтак жа, як мінулы раз, лётаў квадракопцер .... і ведаеце вельмі становіцца цікава - гэта ж якія грошы выдаткоўваюцца на ўсё гэта, нашы з вамі грошы?
 
Ну выходзяць людзі, ну кормяць птушак, ну размаўляюць, а на іх - і квадракопцер, і ціхары, і міліцыянты, і АМАП ... і думаю, што яшчэ за гэта і плацяць ім у падвойным памеры, бо выходны дзень.
 
Не абыйшлося сёння і без позваў, і затрыманняў. Затрыманы той самы ліс, а таксама ўручылі позву адной з прысутных жанчын. Позва была ўручана, як я лічу вельмі паскудненькія, у мярзотны спосаб.
 
Берасцейка Ірына Сіліцкая пайшла за сваімі дзеткамі, якія пайшлі ў прыбіральню да сваякоў, што жывуць побач з плошчай. Дзетак доўга не было, яна стала хвалявацца. І раптам пабачыла, што на яе бягуць людзі ў цывільным адзенні, яны прабеглі міма, як сабакі, і зніклі за вуглом і за імі з'явіліся людзі ў форме...
 
За што менавіта позва Ірыне не сказалі, сказалі прыйсці ў наступную нядзелю да іх, ам там яны растлумачаць.
 
https://www.facebook.com/100011350304368/videos/900713793650289/?t=10
 
Як заўсёды міліцыянты казалі, што здымаць нельга, як заўсёды бачна было, што законы яны ня ведаюць, позва пісаліся літаральна на каленках, напісана не пісьменна, не пазначаны арткул і нонсэнс - нават у якасці каго яна выклікаецца - прыцягваемай!!!
 
Калі Ірына папрасіла растлумачыць ёй, што гэта за тэрмін “прыцягваемая”, натуральна міліцыянты нічога патлумачыць не змоглі і хутка сышлі.
 
А вось наш ЛІС, якога ўжо затрымлівалі раней, калі ён ЛІСам яшчэ нк быў - гэта Канстанцін Остапук, той самы, якому ў міліцыі ўжо не аднаразова пагражалі.
 
https://www.facebook.com/100011350304368/videos/900740310314304/?t=10
 
АМАПаўцы выцягнулі ЛІСа з адной “спец”-машыны , перасадзілі ў сваю і звезлі. Звезлі ў Ленінскі РАЎС і змясцілі на носч у ІЧУ. Мы перадалі яму перадачу.
 
Ведаем, што заўтра будзе чарговы “суд”, менавіта ў двухкіссі, бо незалежнага, справядлівага і сумленнага суда ў нас няма.
 
Гэтак жа на плошчы сёння былі людзі, якія ўжо прайшлі праз нашы “суды” і былі пакараныя - а гэта кажа аб адным - настрой людзей баявы!
 
Барацьба працягваецца, ніхто не залякаўся, ніхто не баіцца і ніхто не збіраецца здавацца.
Чакаем новага крэатыва ад берасцейцаў!
 
Кацярына
 
© 2022 "Берасцейская вясна"