Суддзя Саўчук Аляксандр Рыгоравіч перанёс разгляд справы Людмілы Карчэўскай на іншы тэрмін, пра які паведамяць дадаткова. У сувязі з чым цьмяна не паведамлена.

Нагадаем, Людміла Карчэўская і Аляксандар Марачэўскі 7 і 14 красавіка ўдзельнічалі ў шэсці супраць будовы акумулятарнага завода.

Сведкамі ў судзе першай інстанцыі ў абодвух былі супрацоўнікі міліцыі Федарэнка і Буката. Заяўнікі абураюцца сведчаннямі міліцыянтаў: "Яны хлусяць! Мы ішлі, але не крычалі і не хлопалі! Сведкі хлусяць!"

Але Феміда выявілася ня толькі сляпой але і глухой. Суд не пачуў довадаў экаактывістаў.

Суддзя забараніў фота і відэа здымкі

Аляксандар Марачэўскі хадайнічаў, каб фоты супрацоўнікаў міліцыі, якія вялі відэафіксацыю і не прадставілі ў судзе доказаў, што ён крычаў, далучылі да матэрыялаў справы. “Яны ўвесь час былі побач”, - сцвярджаў ён. Суддзя хадайніцтва адхіліў.

Марачэўскі не згодны з пакараннем і просіць адмяніць пастанову суда Ленінскага раёна г. Брэста. Бо мае права на выказванне думак і мірны сход, бо грамадзкі парадак не парушаў і не крычаў. “Згаданыя правы былі у дачыненні да мяне парушаныя. Суд аднабакова і беспадстаўна мяне пакараў. Я не магу дараваць міліцыянтам хлусню ў судзе. Канстытуцыя і міжнароднае права гарантуюць нам права на мірны сход, прагулкі па горадзе не забаронены і патрабуюць сагласавання з уладамі…”, - выказаў сваю пазыцыю экаактывіст.

"Віна прыцягваемага даказана ў поўным памеры. Справа разгледжана ўсебакова. Рашэнне суда - пакінуць пастанову суда Ленінскага раёна г. Брэста без зменаў, а скаргу без задавальнення", - агучыў прысуд суддзя Аляксандар Рыгоравіч Саўчук.