Друк
12.12.2019
40 базавых ад суддзі Каліны атрымаў актывіст Аляксандр Марачэўскі
 
Суд Ленінскага раёна Брэста аштрафаваў на 40 базавых велічынь праціўніка акумулятарнага завода Аляксандра Марачэўскага
 
Аляксандр Марачэўскі
 
Адміністрацыйная справа была заведзеная па ч. 3 арт. 23. 34 Каап (парушэнне парадку арганізацыі ці правядзення масавых мерапрыемстваў паўторна на працягу года).
 
Парадак у судовым паседжанні баранілі міліцыянты Ленінскага РАУСа

Марачэўскага судзілі за ўдзел у агітацыйным перадвыбарчым пікеце кандыдата ў дэпутаты Палаты прадстаўнікоў актывісткі «Еўрапейскай Беларусі» Паліны Шарэнда-Панасюк, які адбыўся 25 кастрычніка на вуліцы Савецкай у Брэсце. Марачэўскі і яшчэ адзін праціўнік акумулятарнага завода Андрэй Сліж раздавалі на гэтым пікеце інфармацыйныя матэрыялы з лагатыпам "Стоп завод" аб шкодным уздзеянні свінцу на арганізм чалавека, бо ў перадвыбарнай праграме Шарэнда-Панасюк было патрабаванне закрыць акумулятарны завод пад Берасцем.

Святаслаў Каліна

Суд неправамерна палічыў гэты пікет незаконным. Шарэнда-Панасюк 24 кастрычніка была пазбаўленая рэгістрацыі кандыдатам у дэпутаты выбарчай камісіяй Брэсцкай-Заходняй акругі № 1. Але гэтае рашэнне Шарэнда-Панасюк абскардзіла і да разгляду скаргі заставалася ў статусе кандыдата ў дэпутаты. 

Сведка міліцыянт Маслаў Сяргей Аляксандравіч міліцыянт роты ППСМ: «25 кастрычніка я па-цывільнаму сачыў за праванарушальнікамі побач з кінатэатрам «Беларусь». Там былі сцягі, раздаваліся ўлёткі антыўрадавай скіраванасці. Я назіраў і вёў відэафіксацыю. Запіс перадаў кіраўніцтву. Марачэўскі толькі раздаваў улёткі».

Сяргей Пятрухін: Сённяшні суд, я лічу, - помста ўладаў. Яны спалохаліся, што ў Шарэнда-Панасюк былі добрыя шанцы на перамогу ў сваёй акрузе. Заадно ўлады пачалі зноў ціснуць на праціўнікаў акумулятарнага завода, якія працягваюць дамагацца канчатковага закрыцця гэтага небяспечнага для здароўя людзей прадпрыемства".

 
© 2022 "Берасцейская вясна"