Друк
16.12.2019
Берасцейская міліцыя цікавіцца дзейнасцю журналістаў Белсата
 
16 снежня на апорны пункт аховы грамадзкага парадку № 5 выклікалі грамадзкага актывіста Аляксандра Сахарука
 
Аляксандр Сахарук
 
Участковага Лазіцкага А.С., які выклікаў Сахарука на пастарунак, на месцы не было. Зышоў на выклік. Таму пратакол апытання склаў вучастковы Ігнатоўскі А.А.. Падчас апытання грамадзкі актывіст даведаўся, што ён знаходзіцца ў статусе сведкі.
 
Па аператыўнай інфармацыі 8 снежня, калі ў Менску праходзілі акцыі пратэсту супраць інтэграцыі, да Сахарука на плошчы падыходзілі карэспандэнты Белсата Мілана Харытонава і Алесь Ляўчук, задавалі пытанні. Вучастковы паведаміў, што Белсат не акрэдытаваны ў рэспубліцы, таму іх дзейнасць незаконная і супраць іх вядзецца адміністратыўны працэс… «Так я быў на плошчы. Размаўляў з грамадзянамі. Меў бел-чырвона-белы сцяг на плячах. Да мяне падыходзілі хлопец і дзяўчына з пытаннем аб іх дзейнасці. Я нешта адказаў і пажадаў поспехаў у іх дзейнасці. На плошчы я не выказваў грамадзка-палітычных інтарэсаў, або пратэста, не выкарыстоўваў плакатаў і транспарантаў. Людзі пайшлі з плошчы і я пайшоў…»
 
 
 
© 2020 "Берасцейская вясна"