Друк
10.06.2020
Набліжаецца час здаваць падпісныя лісты
 
10 чэрвеня працягваўся збор подпісаў за вылучэнне кадыдатаў на прэзідэнта Беларусі. У Берасці ініцыятыўныя групы абралі асноўным месцам збору подпісаў кавалак вуліцы Савецкай перад уваходам у кінатэатр “Беларусь”.

Ад самага пачатку Берасцейцы актыўна подпісваліся за Святлану Ціханоўскую, Андрэя Дмітрыева, Віктара Бабарыку і Віталя Цапкалу. Ня гледзячы на пагрозу выкліканую пандэміяй каронавіруса людзі сваёй актыўнасцю дэманстравалі ўладам прагу і неабходнасць перамен. Каманды прэтэндэнтаў прадпрынялі адпаведныя санітарна-прафілактычныя захады. Зборшчыкі подпісаў былі ў пальчатках і масках. На сталах – антысептык.

Раней у Берасці бачылі таксама пікеты іншых ініцыятыўных груп: Юрася Губарэвіча, Ганны Канапацкай і Аляксандра Лукашэнкі, але яны не выклікалі відавочнай зацікаўленасці з боку Берасцейцаў.

10 чэрвеня стала вядома, што ініцыятыўная група па вылучэнні валерыя Цэпкала спыняе збор подпісаў каля “Беларусі”, бо “набралі неабходную колькасць подпісаў і рыхтуюць да падачы ў адпаведныя структуры”.

Зборшчык подпісаў за Сяргея Чэрачня згарэў на сонцы.

Зборшчыкаў подпісаў за Святлану Ціханоўскую не хапала, у Берасці іх толькі два. Ад вялікай колькасці жадаючых падпісацца яны займелі мазолі на пальцах... Больш таго даволі часта нейкія сумнеўныя, часам агрэсіўныя асобы, наўмысна абражалі іх і правакавалі на супрацьпраўныя паводзіны. Побач заўсёды знаходзілісь супрацоўнікі сілавых структур у цывільным. Да гонару зборшчыкаў і берасцейцаў ніхто не павёўся на правакацыі.

 

Збор подпісаў працягваецца...

 

 
© 2022 "Берасцейская вясна"