10.12.2016 Грамадства

 

 

“Тыя, хто цяпер выказваюць сваю нязгоду з затрыманнем двух "журналістаў" у Беларусі, апелююць да класічных ад дэмакратычных каштоўнасцяў - свабода слова, свабоднае выказванне свайго меркавання.

 

Спадары, гэта мы тут з вамі свабодна (больш ці менш) выказваем сваё ўласнае меркаванне.

 

Паверце былому савецкаму афіцэру-палітработніку: тое, што вы бачыце - зусім не вольная палітычная дыскусія.

 

Гэта адна са стадый рэалізацыі спецыфічнага напрамку забеспячэння баявых дзеянняў - называецца "спецыяльная прапаганда".

 

Нас гэтаму ў ваенным вучылішчы вучылі. У мяне тэма дыпломнай працы была - "Выхаванне нянавісці ў савецкіх ваеннаслужачых да ворагаў сацыялізму, савецкага грамадства бла-бла-бла". [Справіўся дрэнна - з цяжкасцю "чацвёрку" атрымаў].

 

Паколькі баявых робатаў, якія не маюць чалавечых пачуццяў, пакуль няма - баявыя дзеянні вядуць такія ж людзі, як і мы з вамі, толькі апранутыя ў ваенную форму, і са зброяй.

 

Але перш чым накіраваць зброю ў бок чалавека і стрэліць - трэба адпаведным чынам чалавека падрыхтаваць, інакш у яго здарыцца кагнітыўны дысананс паміж тым, чаму яго вучыла сям'я і школа і тым, што яму даводзіцца рабіць на вайне.

 

Для гэтага верагоднага праціўніка трэба "расчалавечыць" - зрабіць так, каб твой жаўнер бачыў у прыцэле ня такога ж, як ён сам, чалавека, але вылюдка і нелюдзя, пазбавіць ад якога Зямлю не толькі можна, але і трэба.

 

А гэта не такая простая праца. Але "няма такіх крэпасцяў, якіх не ўзялі б бальшавікі". Уся гэтая "навука" вельмі даўно і вельмі выразна распрацавана і пастаянна вядзецца ў савецкім, зараз расейскім, войску з той ці іншай ступенню інтэнсіўнасці.

 

Натуральна, калі наспявае вялікая вайна, рэгулярным войскам ня абыдзешся - давядзецца мабілізаваць мільёны "штафірак", і пажадана, каб “штафіркі” прыходзілі ўжо падрыхтаванымі, каб не марнаваць на іх апрацоўку шмат часу ўласна ў зоне баявых дзеянняў.

 

Ну і паралельна неабходна ўнушыць магчымаму суперніку, што ён слабак і нікчэма, ніякай падтрымкі ні ўнутры краіны, ні ў свеце ў яго няма, і супраціў безсэнсоўны! Беларусь, здавайся!"

 

Дык вось, якая назіраецца з'ява (артыкулы на замову мярзотнага зместу), некаторыя падрабязнасці якога выявілі КДБ РБ і СК МУС РБ - першы неабходны этап.

 

Гэтых людзей нельга назваць журналістамі. З выкрытай перапіскі ясна, што яны толькі маскіраваліся пад журналістаў. Атрыманне з Регнум і іншых аддзелаў спецпропаганды тэм для нататак, аплата нататак “ад зробленага”, прыкрыццё замоўнага характару артыкулаў падмацаванымі "спасылкамі на навіны" кажа нам пра тое, што людзі выконвалі дакладна прапагандысцкае заданне.

 

Гэта "шараговыя баявой прапаганды". Яны атрымліваюць капейкі, і пішуць яшчэ даволі агульна. Іх задача - ўкінуць ў грамадства тэзіс аб тым, а ці маюць рацыю тыя, каго заўтра назавуць верагодным праціўнікам.

 

Таму і імкнуцца баранчыкі: “Белоруссия - недогосударство, а беларуская мова – недоязык”.

 

 

Вось і ўкінулі баранчыкі тэзіс: беларусы - не зусім чалавекi. Другагатункавыя людзі, скажам наўпрост. А краіна іх - недасканалая.

 

А потым паступова ўступаюць у справу фігуры маштабам буйней - "тэлевядучыя" кшталту Кісялёва і Салаўёва, а, магчыма, і "палітыкі" кшталту Жырыноўскага, якія ўжо наўпрост рэжуць праўду-матку: такія-та і такія-та - НЕДАчалавекі, нелюдзі, у радыеактыўны попел іх, сцерці з паверхні Зямлі.

 

І потым з’яўляецца нейкая фігура маштабу Сіманава і Эрэнбурга: "Убей немца! Так забі ж яго хутчэй! Колькі разоў ўбачыш яго - столькі разоў яго і забі!"

 

Ну а потым ужо вы маеце справу не з прапагандыстамі, а з істотамі тыпу Мільчакова, апранутымі ў бронекамізэлькі і з аўтаматамі, з якімі не падыскутуеш пра тое, што ў вас іншае меркаванне і наогул трэба паважаць свабоду слова. Мільчаковы не бачаць у вас суб'екта размовы, для іх вы - унтерменш, якога трэба застрэліць, а потым можна адрэзаць вушы (як баявы трафей). І калі Мільчаковы не сустракаюць адпору, яны гатовыя дайсці да Кіева, Мінска, Берліна, Лондана, а то і да Вашынгтона.

А як вы яму супраціў акажаце, калі ўжо дзесьці ў глыбіні душы засела ў вас думка, што краіна вашая – “недогосударство”, а самі вы - таксама, увогуле, не “айс”?

 

На дзеянні, якія ажыццяўляюцца ў рамках спецыяльнай прапаганды, трэба адказваць дзеяннямі па нейтралізацыі спецпропаганды суперніка (усімі даступнымі сіламі і сродкамі), і разгортванні сваёй спецыяльнай прапаганды”.