12.01.2017 Грамадства

 

 

У сваёй скарзе Аляксандар Мех прасіў спыніць вытворчасць па справе, і патлумачыў суду што ў пратаколе не пазначана месца правядзення меапрыемства і няма дакладнай спасылкі на закон які я ён парушыў, бо Дзяды пад паняцці «мітынг» і «шэсце» не падпадаюць. Алесь Мех згадаў, што раней у сваіх сведчаннях сведкі-міліцыянты падцвердзілі факт таго, што ён выступаў з прамовай на гістарычную тэму і грамадскі парадак не парушаў. Больш таго пратакол складаўся пазней у яго адсутнасць, міліцыянты ў пратаколе нават напісалі не ягоны адрас ...

 

Суддзя Святлана Барысаўна Крэмянеўская, згадала, што раней Алесь Мех тройчы за год прыцягваўся да адміністратыўнай адказнасці па арт. 23.34 КаАП.

 

Алесь Мех патлумачыў суддзе, што ён як грамадзкі дзяяч, кандыдат ў дэпутаты Палаты Прадстаўнікоў Нацыянальнага Сходу РБ, мусіць удзельнічаць у грамадзкім жыцці краіны, а велізарныя штрафы, якімі яго абклалі за грамадкую дзейнасць давялі яго да банкрутства, 30 снежня ён быў вымушаны спыніць прадпрымальніцкую дзейнасць праз немагчымасць плаціць падаткі...

 

Напрыканцы суда Суддзя Святлана Барысаўна Крэмянеўская вывучыўчы і азнаёміўшысь з матэрыяламі справы, прыйшла да высновы, што пакаранне накладзенае пастановай Кобрынскага суда (штраф ў памеры 50 базавых вялічынь) законнае і абгрунтаванае, і пакінула яе без зменаў і задавальнення.

 

Пасля суда Грамадзкі актывіст Алесь Мех так пракаментаваў рашэнне суда:

 

“У краіне мэтанакіравана асобамі якія стаяць за рашэннямі падобных судоў, знішчаецца дзяржаўнасць, праводзіцца зачыстка тых, хто адстойвае незалежнасць краіны. З маёй кропкі гледжання, гэткія рашэнні прымаюцца на карысць расейскім інтарэсам па паглынанні Беларусі. Гэтыя суды праява змовы і дзяржаўнай здрады!”