14.02.2021

 

 

Нагадаем. 11 жніўня ў Брэсце невядомымі быў застрэлены Генадзь Шутаў.

 

 

Па словах дачкі Генадзя Шутава Анастасіі Боранчук, мясцовыя жыхары чулі, як адзін з міліцыянтаў спытаў мужчын, за каго яны галасавалі на выбарах. І яе бацька адказаў: «За Ціханоўскую» (кандыдата ад апазіцыі).

Па словах Анастасіі Баранчук, тады яе бацьку загадалі ўстаць на калені і легчы. Як толькі ён апусціўся на калені, міліцыянт ударыў яго ў лоб пісталетам, а затым стрэльні ў патыліцу. Усяго сведкі чулі тры стрэлы.

Родныя Генадзя Шутава запатрабавалі расследаваць яго забойства. Тым не менш 3 верасня Следчы камітэт накіраваў ім ліст, у якім паведаміў, што «дастатковых падстаў для ўзбуджэння крымінальнай справы па арт. 139 КК (Забойства) не маецца ». Паводле https://eurasia.amnesty.org/2020/12/17/belarus-svidetelyu-ubijstva-manifestanta-sotrudnikom-miliczii-grozit-pozhiznennoe-lishenie-svobody/

Яго сябру Кордюкову Аляксандру Генадзевічу, які ў момант забойства знаходзіўся разам з ім, удалося ўцячы. Ён збег літаральна за імгненне да таго, як прагучаў стрэл. Яго затрымалі 14 жніўня і першапачаткова абвінавацілі ў непадпарадкаванні супрацоўнікам міліцыі.

Пасьля затрыманьня Аляксандра Кордюкова хутка перавялі ў СІЗА № 1 на вуліцы Валадарскага ў Мінску. А таксама абвінавацілі па частцы 2 артыкула 363 Крымінальнага кодэкса ( «Супраціў супрацоўніку органаў унутраных спраў або іншай асобе, якая ахоўвае грамадзянскі парадак»). Гэты артыкул прадугледжвае пакаранне ў выглядзе пазбаўлення волі тэрмінам да 5 гадоў.

Аднак 2 снежня абвінавачванне змянілі на замах на забойства, частка 2 артыкула 139 КК. Следства афіцыйна завершана. У выпадку прызнання ў судзе вінаватым Аляксандру Кордюкову паводле новага артыкула можа пагражаць нават смяротнае пакаранне. Паводле https://nn.by/?c=ar&i=265929&lang=ru 

27 студзеня Аляксандр Кордюкова этапавалі назад у Брэст. Зараз ён знаходзіцца ў СІЗА-7.