05.10.2019

 

 

 

Менавіта таму ніхто з мясцовых адвакатаў не пайшоў абараняць кіроўцу смеццявоза Сяргея Багдана, які МАЗам наехаў на бабулю начальніка Пінскага МРОСК і тая пасля памерла.

 

 

Пракурор абласной пракуратуры Аляксандр Плескацэвіч на працэс прыехаў з Берасця і запытаў для кіроўцы два з паловай гады пазбаўлення волі, пазбаўлення пасведчання кіроўцы на 5 гадоў і 20 000 рублёў кампенсацыі ў арганізацыі дарэчы, да нядаўняга часу Аляксандр Плескацэвіч працаваў у Пінскай пракуратуры разам з жонкай Дзмітрыя Ліры. Выпадкова ён апынуўся рулявым абвінавачванні ці не? Вялікае пытанне. Але, як кажуць удзельнікі працэсу, пракурор тапіў за ліру і паказанні сведак назваў здагадкамі, хоць 4 сведкі кажуць адно і тое ж увесь час.

 

 

Праўда, на апошніх двух паседжаньнях жонка Зьмітра Ліры ў якасьці вольнага слухача не прысутнічала, мабыць з працы не адпусьцілі, але да гэтага справядліва сядзела ў залі і ўвесь час перапісвалася з кімсьці па мэсэнджарах.

 

 

Як кажа жонка абвінавачанага Вольга адваката яны запрасілі толькі калі пачаліся судовыя паседжанні. І хадайніцтва адваката аб правядзенні паўторнага следчага эксперымента суддзя А. Пацко адхіліў.

 

 

Хоць менавіта гэтая экспертыза мае прынцыповае значэнне. Сяргей Богдан і сведкі сцвярджаюць, што ад МАЗа да жанчыны было 2-4 метра, а ў экспертызе паказана 7 метраў. Атрымліваецца, што 2-4 метра - гэта няшчасны выпадак, а 7 метраў - ДТЗ. Але ўсе сведкі падпісалі дакумент аб тым, што адлегласць складала 7 метраў.

 

Ходзяць размовы пра ціск на сведак. Так адна са сведак заявіла ў судзе, што за дзень да следчага эксперыменту да яе падыходзіў начальнік Пінскага МРОСК Дзмітрый Ліра і меў з ёй разсовы з нагоды следчага эксперыменту, што жанчына расцаніла як ціск, таму што яна ўжо раней распавяла Дзмітрыю тое, што бачыла.

 

Вольга распавяла гэтак жа, што сястра яе мужа мела размову з адвакатам па прозвішчу Андрыевіч, якая з*яўляецца жонкай былога Пінскага пракурора Андрыевіча, і тая сказала, што пытанне можна вырашыць у дасудовым парадку за 5 000 даляраў ЗША.

 

Але відаць сям'я кіроўцы спазнілася.

 

Рашэнне суда адбудзецца ў аўторак 8 кастрычніка 2019 года ў 9 ч. 50 хвілін