13.10.2019

(фотарэпартаж з плошчы)

 

 

 

“Мы не маглі зразумець адкуль на непрацуючым  прадпрыемстве 2 фуры адкідаў, - распавядае прысутным член ініцыятыўнай групы праціўнікаў будовы акумулятарнага завода Зміцер Бекалюк, - Нас ашукваюць атрымліваецца,  што распараджэнні Клеца  не выконваюцца. Мы бачым поўнае ігнараванне распараджэння галавы дзяржавы. Берасцейцаў як ашуквалі, так і надалей ашукваюць.  З адпісак мы бачым, што чыноўнікі нічога ня ведаюць, указанні па закрыццю завода ігнаруюцца. Ступень маны зашкальвае,  указанні главы дзяржавы для завода і чыноўнікаў - НІШТО!

 

 

Магчыма завод ізноў пачне працаваць, дзяржаўныя  органы гэта не кантралююць. Адзін раз далі штраф і ўсё: “Другі даць ня можам...”

Усё,  хто даваў адпіскі,  не пацярпеў,  нікога не звольнілі, нікога не пакаралі... Я думаў прэзідэнт сказаў і ўсё, пытанне вырашана,  але рэакцыя на яго ноль! Веры ім няма! Для мяне паказальны досвед, напрыклад, Кітая, Чылі… Мацеркі, людзі павыходзілі навуліцы, каб абараніць здароўе сваіх дзяцей! І дамагліся, адстаялі свае правы, заводы пазакрывалі, а тут сядзяць па хатах. Улады штурхаюць нас на вуліцу...”

Міліцыянты ў форме папярэдзілі сабраўшыхсяна плошчы берасцейцаў аб адказнасці за ўдзел у несанкцыянаваных мерапрыемствах.
Праціўнікі будовы завода АКБ рушылі на традыцыйны шпацыр.

Шпацыр скончыўся побач з кінатэатрам “Беларусь”. Прэтэндэнт ў кандыдаты ад праціўнікаў будовы акумулятарнага завода па Брэсцкай-памежнай выбарчай акрузе ;№ 4 паведаміў прысутным, што падатковая зацікавілась ягонымі даходамі ў 2008 годзе, правяраюць анкетныя дадзеныя…

Экаактывісты перакананыя ў сапраўднасці сабраных подпісаў аб вылучэнні іх кандыдатаў: “Няхай спрабуюць не зарэгістраваць. Хай правяраюць!”

Затрыманняў не было