Як паведаміў да пачатку судовага паседжання Вялічкін, яму ў віну ставіцца тое, што ён прыцягваў увагу грамадзян 30 снежня 2018 года, тобок паўтара месяца таму. Праваабаронцу выклікалі позвай у РАУС 16 лютага і там затрымалі да суда.. .
Адказ Уладзіміра Вялічкіна на камеру блогера Сяргея Петрухіна ў канцы снежня мінулага года праваахоўнікі палічылі парушэннем закона.
Уладзімір Вялічкін: «Калi я знаёмiўся з матэрыялами справы, то пабачыў там нейкую лiнгвiстычную экспертызу. I там давалi ацэнку таму, што я сказаў. А я адказаў на пытанне блогера Пятрухiна, i яны палiчылi, што гэтым самым я прыцягваў увагу да праблемы акумулятарнага завода»
Што тычыцца Віталя Казака, яму пададуць "арганізацыю незаконнага масавага мерапрыемства ў ня устаноўленым для гэтага месцы з прыцягненнем да правядзення гэтага мерапрыемства грамадзяніна замежнай дзяржавы».
У выніку абодва прызнаныя вінаватымі па артыкуле 23.34 "Парушэнне парадку арганізацыі або правядзення масавых мерапрыемстваў» КоАП і аштрафаваныя: Уладзімір Вялічкін на 15 базавых (382,5 рубля), Віталь Казак за паўторнае на працягу года адміністрацыйнае правапарушэнне па дадзеным артыкуле - на 40 базавых ( 1 020 рублёў).
Нагадаем, у Брэсце 10 лютага адбылося традыцыйнае нядзельная кармленне галубоў у знак пратэсту супраць будаўніцтва побач з горадам акумулятарнага завода. Упершыню за год пратэсту пасля кармлення галубоў людзі не разышліся па дамах, а прайшлі па вуліцах Пушкінскай і Савецкай да кінатэатра «Беларусь», дзе нейкі час слухалі выступ вулічнага музыканта, а потым па іх просьбе ён уключыў гімн пратэстнага руху «Жыць». У мінулую нядзелю затрыманняў не было.
Роўна праз тыдзень, 17 лютага, кармленне галубоў у знак пратэсту супраць завода АКБ зноў скончылася прагулкай па горадзе. Па словах людзей, падчас іх прагулкі на вуліцы не было ніводнага вулічнага музыканта. Затрыманняў не было.
Паводле “Брэсцкай газеты”
