Міліцыі ў цывільным паболела. З'явілісь блогеры і антыблогеры.
Экаактывіст Канстанцін падаў міліцыянтам з мегафонам 2 скаргі. Тыя прынялі.
З'явіўся сам намеснік Ленінскага РАЎС Мікалай Самасюк.
Людзей сабралася каля двухсот. Слухаюць члена ініцыятыўнай групы Зміцера Бекалюка. Ён азнаёміў прысутных, што пасля учарайшай размовы з міністрам, ведае, што існуе не тры, як раней муцілі мясцовыя чыноўнікі, а адзін варыянт экалагічнай экспертызы – апошні і ён АДМОЎНЫ!
На меркаванне Бекалюка ўлады не пазбыліся задумы запусціць завод. Яны проста цягнуць час каб перападрыхтаваць дакументы і правесці абмеркаванне іншай справаздачы аб уздзеянні завода на акаляючае асяроддзе, і пакінуць гэты завод працаваць.
“Слова за людзьмі. Калі праціўнікаў завода АКБ будзе выходзіць дастаткова многа ёсць шанец перамагчы”, - падсумаваў экаактывіст.
Людзі рушылі на традыцыйны шпацыр, міліцыянты пацягнулісь за калонай.
Шэсце скончылась побач з кінатэатрам “Беларусь”. Затрыманняў не было.
