Прагнозы аб тым, што сёння нашым таварышам Людміле Карчэўскай і Аляксандру Марачэўскаму ў Ленінскім РАУС дадуць прэміі за выяўленне ў шэрагах МУС пярэваратняў, не апраўдаліся.

На Людмілу і Аляксандра склалі пратаколы за адміністрацыйнае правапарушэнне, прадугледжанае арт. 9.2 Адміністрацыйнага Кодэкса РБ за тое, што нібыта яны на канале "Народны рэпарцёр" у відэароліку "Нашай міліцыі прысвячаецца!" распаўсюдзілі загадзя ілжывыя звесткі пра супрацоўніка міліцыі з Ленінскага РАУС Аляксея Федарэнку аб тым, што ён ілжэсведчыў у дачыненні да Марачэўскага і Карчэўскай у судах у красавіку 2019 г. Тобок Паклёп.

З пратаколам Марачэўскі не пагадзіўся і Карчэўская таксама. Таму што ведаюць дакладна, што Аляксей Федарэнка ілжэсведка. Яны прытрымліваюцца пазіцыі, што Аляксей Федарэнка агаварыў іх на судзе.

Гэта вельмі падобна на праўду, таму што рэпутацыя Аляксея Федарэнкі вядомая далёка за межамі Берасця, а ніякіх доказаў віны Карчэўскай і Марачэўскага Федарэнкі ў судзе не падаў. Толькі словы. А цану словах міліцыянта ведаюць усе.

Суд у Аляксандра Марачэўскага прызначаны на 24 сакавіка на 14. 30, а ў Людмілы Карчэўскай на 26 сакавіка 14.30 каб. 8.

Пакуль яшчэ не апытаныя Алег Вялаў і Ірына Сіліцкая. На іх, хутчэй за ўсё, заявы напісалі Дзмітрый Яцэнка і Дзмітрый Сялейковіч, таму што ў відэароліку "Нашай міліцыі прысвячаецца!" яны казалі, што вышэйзгаданыя супрацоўнікі ілжэсведчылі ў дачыненні да іх у судах у красавіку 2019 года.

Праваабаронца Уладзімір Вялічкін:

Гэта нахабная спроба заткнуць рты неабыякавым берасцейцам, каб абяліць гонар мундура. Каб прадэманстраваць кожнаму беларусу, што ён ніхто і завуць яго Ніяк! Што сілавікі ў Беларусі на вяршыні харавога ланцуга. Абгадзяць чалавека - ім яшчэ маральную шкоду за кошт ахвяры кампенсуюць, як з блогерам Пятрухіным. Галоўнае не здавацца і не апускаць рукі. Змагацца трэба да канца. Вясна прыйшла, вясна дапаможа.