16.10.2018 Грамадства

 

 

Першае затрыманне адбылося прыкладна за дзве гадзіны да пачатку мітынгу. Машына актывіста Бекалюка Дзмітрыя была спынена на пад'ездзе да горада інспектарамі патрульна-паставой службы. У далейшым, пасля зносін з кімсьці па тэлефоне, прыбыў АМАП, і Дзмітрый з малым сынам, які з ім разам, быў суправоджаны ў Ленінскі РАУС. Праз тры гадзіны з невялікім, адпушчаны, з пратаколам аб выплаце 3 базавых велічынь за парушэнне ПДР. Увесь гэты час яго маленькі сын таксама знаходзіўся ў РАУС.

 

Сам працэс кармлення галубоў на плошчы, які ўвайшоў для берасцейцаў ужо ў традыцыю, у гэты раз прайшоў ярчэй, чым звычайна. Была расцяжка "Не заводу АКБ" і некалькі выступоўцаў: блогеры Сяргей Пятрухін і Аляксандр Кабанаў, Дзям'ян Лепясевіч, Уладзімір Казлоўскі і, у гэты раз да сабраўшыхся прыехаў падтрымаць апазіцыйны палітык - Мікалай Статкевіч. Выступы падтрымліваліся апладысментамі прысутных. Прысутных на мітынгу было каля 130.

 

Таксама, на плошчы было шмат і міліцыянтаў, якія не адрывалі ад вуха тэлефонаў і іншых спецсродкаў для перадачы інфармацыі аб тым, што адбываецца і, магчыма, атрымання сігналаў для пачатку здзяйснення дзеянняў па затрыманню. Так яно і адбылося, адразу пасля мітынгу, калі людзі пачалі разыходзіцца.

 

Яркасці падзеям дадало крэатыўнае рашэнне людзей, якія пакідалі плошчу, праводзіць блогераў ў аўтазак, таму як іх затрыманне было чаканым: напярэдадні яны распачалі смелы крок, размясцілі відэаролік, які змяшчаў заклік, на канале "Народны рэпарцёр". За кампанію прыхапілі, натуральна, і Мікалая Статкевіча.

 

Затрымлівалі актывістаў у розных месцах. Адных затрымлівалі каля плошчы, некага на бліжэйшых вуліцах, былі і такія, каго забіралі і давозілі з хатаў, некаторых - на прыпынку грамадскага транспарту па дарозе ў Ленінскі РАУС, куды многія накіраваліся, каб даведацца пра лёс затрыманых. Не пасаромеліся службоўцы праваахоўных органаў выдраць яшчэ парачку проста з-пад муроў РАУС, дзе сабраліся людзі падтрымаць затрыманых праціўнікаў будаўніцтва завода. Сярод іх апынуліся трое непаўнагадовых і жанчына, Людміла Карчэўская.

 

Непаўнагадовых хлопцаў, пасля апытання, як сведак, выпусцілі, за некаторымі прыехалі бацькі.

 

Людзі, якія сабраліся каля РАУС вельмі перажывалі за Людмілу, так як у яе былі некаторыя праблемы са здароўем. Па трох гадзінах, яе выпусцілі з пратаколам на руках. За блакаванне спецтранспарту 7 кастрычніка, калі везлі ў РАУС дваіх актывістак, яна атрымала штраф - адну базавую велічыню. Прычым, як растлумачылі, гэта павінна было быць тры базавых, але, у гонар свята Дня маці, знізілі да адной. Да няшчасця, яна, разам з усімі, засталася чакаць выхаду астатніх. А дарма .... Праз некаторы час яе "запрасілі" яшчэ раз. Каля 20 гадзін вечара яна выйшла яшчэ і з позвай у суд за ўдзел у несанкцыянаваным мерапрыемстве.

 

На гэтым вызваленне затрыманых скончылася.

 

Каля 12 чалавек засталіся начаваць у ІЧУ Ленінскага РАУС. У панядзелак, 15 кастрычніка, іх будуць судзіць у судзе Ленінскага раёна горада Брэста.

 

Вось так, не зусім сонечна, скончыўся гэты дзень ...